الحمد لله نتيجة فحص العينة طلعت سلبية. الدكتور لمن دمع من الفرحة عشانهم وبشرهم بي بشارة الخير. قال لي زبيدة :حالتك دي حالةمن الحالات النادرة لانو غالبا الاورام االلي ذي دي بتكون خبيثة وانتي ربنا شاف عليك.المهم تكوني متابعة معاي علي طول لحد ما العلاج يجيب نتيجة وبعدها حنقرر اذا في عملية او لا علي حسب حجم الورم اها طلعت هي وراجلها وكلمت امها بالخبر . لحد ما خلاص عايز تزغرد قالت ليها :امسكيها يا امي لحد ما ابقي حامل. وفرحتك تكمل زبيدة رجعت بيتها مع راجلها وبقت من فترة للتانية بتراجع مع الدكتور ومواظبة في علاجاتها والشي الغريب واللي لفت انتباه زبيدة كل ما تمشي تقابل بتلقي مرة وراجلها. المرة دي عمرها زي 26سنة كدة وبتبدو عليها علامات الحزن لانو واضح في عيونها يوم من الايام وحصلت الصدفة وقعدت في كرسي جمبها علي طول.والمرة براها جان المقابلة ما معاها زول زبيدة سلمت عليها وبقت منتظرة دورها لمن لاحظت ليها شافتها مهمومة فجاة كدة عيونها اتملت دموع وزبيدة حنينة من يومها. قالت ليها وهي خاته يدها فوق يد المرة :يا اختي الحياة مليانة هموم ومشاكل لكن علينا بالصبر. والله انتي لو عارفة الانا مريت بيهو. والاحساس الجاني انو خلاص حياتي علي وشك تنتهي بتحمدي ربنا وحكت زبيدة حكاية مرضها كلها. المرة قالت ليها اعرفك علي نفسي انا اسمي ابتسام وقصتي طويلة تشيب الراس كل ما اتذكرها قلبي بتقطع من جوة وحاسة انو ربنا بعاقبني علي الشي العملتو وانا اطمنت ليك وشكلك زولة واعية وبنت حلال الله رسلك لي.هاك سجلي دة رقم تلفوني وبتواصل معاك لانو خلاص ندهو اسمي وحأدخل الدكتور. بلاقيك مرة تانية وتمر الايام والاسابيع وزبيدة وابتسام يتلاقو في العيادة لحد ما بقت بينهم علاقة😊 صداقة قوية. بعد قابلن الاتنين وطلعن. زبيدة قالت لي غسان ممكن تنتظرني عايزة اتونس شوية مع ابتسام دي اذا ما عندك مانع. غسان :خلاص يا ستي انتو اقعدو في الكفتيريا دي وانا داخل السوق جوة عندي صحبي عايز الاقيهو. بعد تخلصي اديني تلفون. ودخلن الكفتيريا. جاهم الجرسون خت المنيو قدامهم ومشي. اختارو طلباتهم .وبدت ابتسام تحكي قصتها المأساوية. ♥♥ انتي عارفة يا زبيدة انا اتزوجوني. عمري 18سنة سنة يعني الان لي قريب الثمانية سنوات متزوجة وزوجي دة ولد عمي طوالي انا كنت بقرا في اولي ثانوي لمن خطبني ورفضتو علي طول دون تفكير واهلي غصبوني عليهو ولمن لقيت مافي مفر من العرس طلبت منو يخليني امتحن الشهادة وبعدها نتزوج وفعلا ما رفض طلبي. بعد امتحنت تم العرس وانا من جوة قلبي كارهاهو. حاولت كتير اخلق مشاكل عشان اتطلق لكن ما اداني اي فرصة وصبر علي كتير مرات كنت بفكر اسممو او اعمل حاجة تقتلو لكن خفت. ومرت الايام وبقيت حامل منو. لمن عرفت نفسي حامل الدنيا سودت في وشي وبكيت بكاء حاااار لحد ما ناس البيت جوني جارين مالك في شنو؟ قلت ليهم :زهج بس مافي شي. عمي طوالي قال دي واحدة قليلة ادب وما عندها موضوع وطلع خلاني. انا جاتني فكرة جنونية وحلفت الا انفذها والفكرة اني اجهض الجنين قبل يكتمل نمؤه ونطيت من السرير كم مرة وبرضو ما اجهضت لحد ما جاتني واحدة صحبتي مسلطة ووريتها اني ما عايزة ولد من الراجل دة وما عايزة حاجة تربطني بيهو. صحبتي قالت لي في دكتور شاطر شديد ممكن يعمل ليك عملية ويخلصك من الهم دة. لكن بيعملها ليك بالشي الفلاني. قلت ليها ولا يهمك. المهم العملية تنجح. اها قلت لراجلي عايزة قروش اجيب بيها حاجات مهمة. وهو ما بخل علي. اداني مبلغ محترم وتميت عليهو من دهبي ودفعت مبلغ العملية
يتبع....
