عشقك فوق القانون

الحفل

عشقك فوق القانون
الفصل 3
فى منزل المستشار
....تانى حاجه بقى مبحبش الكلام الكتير يعنى طول منا
فى البيت تكونى على وضع الصامت وكمان بعد الجواز
جو الكسوف منك مش عايزه يعنى لو لقيتك ببجامه او اى
حاجه طويله هعلقك .
امتقع وجهها من كلماته هذا ما كانت تتحدث آيات عنه هادئ
وخجول وكأنها تتحدث عن شخص آخر
....شغل بعد الجواز مفيش.
....جو العزومات بتاعت الستات انسيها مشوفكيش بترغى فى الموب
مع صحباتك. والتلفزيون هشفرلك كل القنوات ماعدا المصارعه
والفنون القتالية وقنوات افلام الرعب وممكن انتى لو عايزه تستمعى
انزلك قناه واحده للطبخ اهو تستفادى.
اظن كده خلصت اللى عندى لوعندك اعتراض قولى
....يافندم قولى حضرتك عايز ايه لانى تعبت .
....اعتدل فى جلسته..كده الكلام بقى حلو.شايفه الباب ده
أشار تجاه باب الغرفه..أهلك واهلى برا هتطلعى مبتسمه عادى
وبعد منمشى من عندكم تبلغى والدك بكل وقار انك مش بتفكرى
فى الجواز دلوقتى ولا الخطوبه..
......ردت بسرعه كبيره...والله حضرتك بعد المقابله دى فعلا انا
مبقتش أفكر فى الجواز خالص كل اللى بفكر فيه تخلص المقابله
دى مش اكتر.
....رفع أحد حاجبيه وأصبحت ملامحه أكثر حده مما جعلها تبتلع باقى
كلماتها..
....تخلص المقابله ليه هو انا بضربك مثلا لا متخافيش استحالة
اضربك دلوقتى و انتى غريبه عنى  لكن بعد الجواز ممكن ..
..أحس بأنه ان أطال عليها بالحديث ستتفجر بالبكاء فملامح وجهها
مال للشحوب مع بداية احمرار العينين  لذلك قرر ان  يرحمها
وينهى المقابله.
....اظن دلوقتى تقدرى تخرجى الحديث انتهى ولو يعنى انتى موافقه
مظنش كده عندك نسبة اعتراض .
...ابدا يافندم اعتراض حاشاوكلا
...طيب اتفضلى يلا بالخطوه السريعه اطلعى
...همت بالوقوف لتتوجه إلى الخارج  مهروله بينما هو التقط سلاحه
واعاده لموضعه خلف ظهره أمسك  كوب العصير وشربه دفعة واحده ويخرج فى أثرها .
كان رائد يصافح المستشار استعداد للمغادرة بعد إرساله إشارات لآيات بالمثل
وفى ذات الوقت كان فراس يخرج من مقابلته للعروس
....اهم العرايس شرفونا نستاذن بقى علشان نستنى ردكم.قالت آيات كلماتها لزوجة المستشار
.....خير أن شاء الله هو حد يقدر يرفض ابن فى أخلاق فراس.
...تسلمى ياحبيبتى هنستنى الرد فى أقرب وقت ..
..بعد خروجهم مباشرة من منزل  المستشار
تابطط منى زراع زوجها بابتسامه
بينما فراس يضيف بخبث
...يلا يامنمن هتروحى معانا أصلك وحشانى انتى وابنك
المفعوص ده
زم جمال فمه من كلمات فراس واقترب من ازنه .
...والله لو مسبتش مراتى فى حالها حفضحك قدام أمك وأقولها
انك بطفش العرايس.
..كتم فراس ضحكته مشاغبا. ..وانت عايزها ليه يعنى انا اخوها
وعايزها تطمن عليا ونحكى.
..بادله الآخر الابتسامه بمكر...أنت صغير على الكلام ده عيب
يلا ياصياد بكره عندك حفله سلاااااام قالها ممسك معصم زوجته
مبتعد عنهم بخطوات أقرب للركد
...براحه على البت لتوقعها. .يخربيت عقلك مجنون
........................................
فى منزل  فؤاد مدبولى
...دلفت المنزل مع نظراتها المتخوفه اى فتاه فى سنها
بعد رجوعها من يوم عمل شاق تهرول لمنزلها لتشبع من حنان
اهلها وتجد الأمان فى أبيها على خلافها هى تزيد من ساعات البقاء
خارج المنزل لتأمن غضب والدها 
ألم يعتصر قلبها عندما تسمع نبرته القاسيه معهم
فى المقابل سماعها ذات يوم نبرته الحنونة مع امراة غريبه عنه
كم رغبت فى وقتها الصراخ به لتقول له اتقى الله ولكنها لم تتجرأ
نصل يغرز بها عندما ترى والدتها تنصاع لاوامره دون دفاع عن حقوقها
بالعيش بكرامة.خوفا من أن تصبح ذات يوم بمسمى مطلقه
خوفا ان تفقد مايسمى ظل رجل .
أما هى كم كرهت هذا الظل الذى يحلم به غيرها من الفتيات خوفا ان
تلاقى مصير كوالدتها حمدت الله على جشع أبيها الذى حماها من الزواج
لكى لا يتحمل تكاليف تجهيزها..
وأخيرا تنهدت برضى عند رؤية وجه والدتها الحنونة لتندفع  لحضنها.
....مالك وشك مخطوف.
....بصراحة يا أمى متوتره بكره هحضر حفله ومقابله وكده يعنى.
..ضحكت صابرين وربتت على وجنة ابنتها بحنان .
....هتعدى على خير ياتوته يلا روحى غيرى هدومك عشان نتعشى اخوكى
زعلان منك كان مستنيكى على الغده بس  مجتيش.
ياحبيبتى ليكى شهر بتتاخرى ليه ياضنايا.
صمتت قليلا ماذا تخبرها  تخبرها صراحة انها التحقت مؤخرا  لمركز
تدريب قوه رغبه لتعلم أساليب الدفاع عن النفس  وترى صرخات امها
بانها ترغب بان تكون كالشباب ..
لذلك تحدثت كالمعتاد...شغل يا أمى   هروح بقى أغير هدومى.
خرج أنس من غرفته بطريقه سريعه
....انا خارج يا أمى
....أنس مش هتاكل معايا
...ايه ده توتو جيتى معلش ياسكر عشر دقايق وراجعلك الشباب مستنينى
على القهوة.
....متتاخرش يا أنس
...مسافة السكه بس
..خرج مهرول بينما هى تتجه لغرفتها  تدعى بأن لا ياتى الغد
قهوة (...... )
....اهو أنس وصل
...ها يا شباب ايه الموضوع
...5الاف جنيه ويبقى معاك باسبور لروسيا ومكان فى المركب
...5مش كتير ياجدعان انا لو معايا المبلغ ده كنت فتحت مشروع
بصوا هو كل اللى حيلتى وقدرت اجمعهم من واحد عندنا 3الاف
. ..مش وحشين اهو تشتغل على المركب تنضفها لحد منوصل
....حلو هو احنا هنفضل فى المركب كام يوم
....تقريبا 4او3ايام والله معرف المهم انت عارف الهجرة يعنى
...عارف اكيد مش شرعيه مهو بسبور من غير سفاره ولا فيش ولا
اى إجراء قانونى يبقى غير شرعيه بس نعمل ايه المطر بقى
... تمام كويس انك عارف  كده السفر بكره
....ربنا يعديها على خير
.. .يارب
.....  ..   ...........
الكثير ليتخطى هموم الحياه يلجئ إلى الهرب
البعض يهرب من الضغوط بتغيب العقل عن الواقع والبعض
يهرب من مكان إلى آخر بحثا عن الا شئ
اكبر الأخطاء هو الهروب من اى شئ الحل الأنسب يكون المواجه
وليس الهروب ..واجه أخطائك لتتصلح واجه مشكلاتك لتجد الحل
............. ........................................
انقضى الليل بشروق شمس يوم جديد
....منزل رائد بكرى
تانق بزيه الرسمى ممسك نظارته السوداء  سريع الخطوات
تجاه باب المنزل اعترضت خروجه كلمات والدته.
....ياحبيبى استنى أفطر و نمشى مع بعض
....لا يا امى معلش انا لازم اكون حاضر قبل الحفله متبدأ
وانتوا هتكونوا وصلتوا فى نص الحفله مينفعش يا أمى.
....آيات سيبى حضرة الرائد فراس يوصل بدرى
...جرا ايه يعنى انا اللى باخركم
...يا أمى يا حبيبتى انا مقصدتش واكيد بابا كمان ميقصدش كده
بس لازم اكون هناك بدرى
ويدوبك الحق سلام بقى أشوفكم هناك.
...مع السلامه يا ابنى
... طب استنى اعملك ساندويتشات
...ساندويتشات ايه هو طالع رحله روحى يا ايات حضرى
ليا الهدوم علشان نحصله.
.......................................
الدقى  جريده (......)
كانت الجريده فى حالة استعداد للسبق الصحفى
...ها ياسميره ترنيم وصلت ولا
...لسه ياختى ده حتى المدير سأل جهزتوا ولا لسه
قطع حديثهم دخولها المفاجئ بكلماتها السريعه
...يلا يا بنات انتوا لسه قاعدين
....ده على اساس انه احنا اللى متأخرين
....وبعدين ياهبله مينفعش نطلع من غير توجيهات المدير
ضربت سميرة رغد على كتفها عند رؤيتها قدوم المدير
...ششش اهدى اهو المدير بحاله جيه فاهدى عشان متترفديش
....السلام عليكم
...وعليكم السلام
...اظن كده بقيتوا جاهزين لكل واحده منكم فوتوجرافر خاص بيها
مكان متمشى هيكون عينه معاها باشاره منها هيصور اللى تقول عليه
هتلاقوهم مستنينكم فى عربية الجريده برا
اخطفوا اللى تقدروا عليه من الأحداث الهامه ومتنسوش حضرة
الرائد فراس ده عنصر الحفله  هيبقى سبق صحفى بصحيح
لو قدرتوا تجيبوا منه اى تصريح عن اى حاجه إنشاء الله بيحب يأكل ايه
عايز اشوف جدارتكم ومتنسوش انتوا تبتنافسوا اكتر من 100صحفى
فى جرائد مختلفه فى نفس الحفل .اتفضلوا بالتوفيق.
....همست رغد..ده بالع راديوا على الفطار
هم الثلاث للخارج باتجاه الحفل
...................................
فى نادى (..... )الشرطه
وصلت الفتيات على الحفل بالمعاد المحدد
ولكن كان الأغرب بداية إلقاء كلمة الحفل ومازال
نجم الحف يصل
....بت ياسميره فراس موصلش لسه
...ياشيخه حلى عن سمايا وشوفيلك كلمه تكتبيها مع اى حد
....هو مينفعش نقعد هنا واول ميجى فراس بتاعكم
تشاورولى عليع ونصوره من بعيد
..نقصاكى انتى كمان ياترنيم  هنستفاد بايه من الصور اقولك
خودى امسكى  محمد وتعالى معايا  الحمام اظبط الميك آب
قبل متدخل الحفله فى الجد.
....ماشى  يلا
...طب وانا  .صاحت رغد فجأه
...افردت سنسره بهدوء..انتى اقعدى راقبى فراس لحد ميجى
....قشطه ياكوتش
بعد ذهاب الفتاتان بخمس دقائق اتى فراس بزيه الرسمى
الذى خطف الأنظار مجرد وجوده فى الحفل ولكن أثناء
طريقه لاعتلائه منصة
الحفل للترحيب به كانت المفاجأه اصتدم أحد الأطفال
به والكارثه ماكان بيد الطفل من شوكلاته
لذا اضطر لتغير اتجاهه بدلا من المصنه لاتجاه المرحاض
ليزيل ماعلق على ملابسه من شوكلاته
دلف المرحاض بصوت غاضب يكيل فى الشتائم للفتيات
المتزوجات وضم لهم غير المتزوجات ليتفاجئ بمن يشهق
لوجوده فى الباب المؤدى لمفرق حمام النساء والرجال  بينما هى
واقفه فى منتصف المفرق.
....لما مش عرفين يلموا أطفالهم بيتجوزوا ليه افرض الولد
اتخطف ايه الاستهتار ده ..جاتهم نيلا ستات مهو البنت
قدام متتجوز مهمله يبقى ازاى هتعتنى باسره بعد الجواز .
..صدمت من رؤيته لا تعلم تتجه يمين ام يسار ثبتت مكانها متشبثه
بالطفل وكأنها تحتمى به ..وتحدثت بداخلها
...نهار اسود مين ده اللى غضب الليل على وشه.
أما هو فلم يكن أقل منها ضيق.
..ياساتر يارب ده انا لو كنت افتكرت شلن مكانش ظهر
اهو لسه فى سيرة الستات لما تظهر دى قدامى .
ولكن تسمر لحظه عند رؤيتها عن كثب بعد دلوفه للمرحاض
تظهر وكأنها فتاه فى العشرين من عمرها كيف لها أن تحمل طفل
رضيع .وتدخل ليتحدث معها عند سماعه صياح الطفل ومحاولتها
تهدأته بصوت منخفض .
...باس ياماما ليه  العياط ياحبيبى.
...انتى يامدام مينفعش وقفتك هنا
.انتبهت لزيه الرسمى وظنت انه من المشاركين فى الحفل
ولاول مرة تمتلك الشجاعة لترد على شاب فى الحديث
..والله ياحظابط اظن انه ده حمام حكومى أقف فيه عادى
...هو حكومى مقولتش حاجه لكن سياتك واقفه فى المفصل بين
المدخلين فمكانك مش مظبوط وانا مش بكلمك عشان كده انا
بقولك مينفعش وقفتك هنا بالطفل فى الحمام يستحسن لو
وقفتى بيه برا ولا اهلك معلموكيش تربية الأطفال قبل متتجوزى.
...اتجوز؟؟وبعدين انت مين أداك الحق تتكلم كده
...اقترب خطوه واحده فجأه صارخ بغضب
جعلها ترجع خطوات حتى كادت أن تصدم الحائط
....اششش صوتك ميعلاش يامدام وانا غلطان انى اتكلمت أصلا
أغمضت عيناها خوفا من نبرته.
بينما هو ضرب بكف يده على الحائط بجانب ازنها ثم تركها وتوجه
لمرحاض الرجال لتنظيف زيه العسكرى.
أما هى عند فتح عيناها لم تجده أمامها فهرولت بأسرع مايكون للخارج
.....
أثناء اتجاهها لمكان رغد سمعت أحد الصحافيين من جريده أخرى
يتحدثوا عن سبب الحفله وأهمية القضيه
...تعرف انا سمعت يعنى انه الحفله عشان القضيه كان فيها
أسماء كبيره فقفلوها وعملوا الحفله إعلان انه محدش هيفتح القضيه
تانى  .
...عندك حق واهو ياخدوا مكافأه بعيد عن المشاكل
...اه وحد يقدر يقول الكلام ده  عشان بتنفخ من البوليس.
....هو الدليل لو بس عندنا الدليل على الكلام ده كان زمانا.
نشرناه.
.أما هى ظلت تحدث ذاتها إلى ان اتت خلفها سميره
...حلو قوى  شكل القضيه كبيره  ومعقده هو ده الكلام
مش حفله واحنا نغنى ونسقف على اى كلام .
...مالك يابت
انتفضت من الصوت المفاجئ
.. سميره ياشيخه خضتينى خودى ابنك اللى جاب لنا الكلام
. ....ليه عملك ايه ده مودى سكر يا ناس
....مش هو ده واحد تلم حشرى وشه عليه غضب الليل
لقيه بيعيط فزعقلى انى مقعدش بيه فى الحمام
......ردت بضحكه وده مين ده وقدرتى تردى ولا عيطتى
...شكله ظابط تسدقى لو قلتلك اول مره تاجينى الجرأه أتكلم
.....جدعه
قاطع كلماتهم سماعهم صوت ترحيب باسم فراس على منصة
التشريف وصوت تصفيق لحضوره. .
جحظت عيناها من المفاجأه لتضيف بصوت مرتفع...
....يانهار اسود
........
...........................  ...........
يتبع.....بقلم ولاء محمد