💕أحببت الطفلة💕

البارت 27 💕

دازت 15 يوم.. تحسنت فيها.. بغيت نقول تحسنت ف 3 يام الاولى بقيت مع جاااد تحسنت و رجعت القصر.. ماسخيتش به..

ماعرت مالو هادي 10 ايام مكايجاوبش على اتصالاتي و حتى ايلا جاوب تايجاوب ثقيل ماتيجيش القصر و فاش تانمشي الخدمة متانلقاهش.. حسيت به تبدل ماعرفتش علااش.. هاهو تاايصوني..

جاد : الووو جاااد فين غبرتي توووحشتتتك...

جاد : جي عندي الدار دابا..

كانت 8 دالليل...

نزلت بشويا من الدار... خديت طاكسي حطني قدام دارو.. دقيت.. حل ليا الباب.. و دخل..

انا عنقتو من اللور : فيين غبرتي حيد ليا يدي و بعد.. تصدمت فيه..مالو !! ؟

جاد دار لعندي وحادر راسو : سارة بغيت نقوليك.. انا مابقيتش مرتاح معاك.. هز عينيه فيا.. تايشوف فيا بكل جدية.. خاصكي تنسايني.. بقيت مصدومة فيه كاتردد فوذني غير.. خاصكي تنسايني .. ماسمعتش الهضرة الاخرى للي كانت تايقول.. دورت وجهي تانشوف فالدار.. تفكرت فاش دخلت اول مرة.. تفكرت اجمل ايام حياتي دوزتهم معاه فهاد الدار.. تفكرت حبنا الكبيير يعني غادي يسالي و بهاد الطريقة.. تفكرت وعودو ليا.. كلشي كذووب كلشي..

انا : واخة اجاد للي عجبك..

هزيت في عيني ونطقت

انا : حتى انا مابقيتش باغاك..

كنت باغا نقوليه علااش ؟؟!! علااش غادي تخلى عليا.. شنوو درت معاك خايب.. ولكن صافي.. هو عارفني مانقدرش نعيش بلا بيه.. كون كان باغيني مايخلينيش.. خرجت من دارو خليتو واقف..

خرجت من دارو وانا ماتنشوفش قدامي.. دمووعي خباو ليا الطريق.. يعني حنا اتفارقنا.. ياااربي نكون تانحلم.. جاد مستحيل يخليني.. مانتصورش حياااتي بلا بيه.. قال لي غادي يمشي من هنا يعني مانبقااش نشوفو.. علاااش اجاااد علاااش درتي ليا هاكا.. بقيت غادة على رجلي مسافة طويييلة حتى وصلت القصر دخلت تانرجف بالبرد وفازكة بالشتا كان كلشي ناعس.. دخلت الدوش دوشت.. لبست حوايجي و مشيت جلست فوق كرسي تانفكر شنو درت ليه ياكما شافني مع شي حد علااش مشا بلاما يعطييني سبب مقنع علااااش اجاد خليتني حتى ولفتك و بغيتك تقث فيك .. الليل كامل مجانيش نعاس افكار تديني و افكار تجيبني..

***عند جاد***
عالاقل ايلا درتليها هاكا غادي تكرهني و تعيش حيااتها فامان بلاما تبقا خايفة و يهددو فيها.. انا مانسيتش كيف جبتها داك النهار من عندهم كانت خايفة بزاااف مخاصنيش نكون اناني و نبني سعادتي على تعاستها.. صافي دابا تنساني لكن انا عمري مانساها.. وفاش غادي نعرف شكون هادو للي وراانا غادي نتاقم منهم واحد بواااحد ...

صبح الحاال و انا بااقة جالسة فوق الكرس دخلات عندي ماما لقاتني..

ماما : ماااالكي ابنتي ؟؟؟؟ مااااالكي ساااارة؟؟؟

شفت فيها وانفاجرت بالبكا.. عنقاااتني..

ماما : سااارة عفاااكي ماتخلعينيش عليك عفااكي..

انا : ج ا د جاد مشا و خلااني اماما gاليا الحب بوحدو ماكافيش و هو دابا غادي مساافر..

ماما : شنوووووو؟؟؟؟ فين مشااااا

انا : اميركا

ماما : مااااايمكنش ماعطاكش شي سبب

انا : تفارقنا اماما تففففارقنا يعني صاافي انا ماعرفتش علااش.. ماما مانقدرش نعيش بلا بيه.. طحت الارض تانغوت ونبكي..

ماما : تهدني .. هزات التيلي تاتصوني ليه لقاتو طافي..

بقيت شهر على ديك الحالة ماتنخرجش من بيتي جابو ليا طبيب نفساني ماتجاوبتش معاه.. تايديني نعاس و يجي صوتو ف ودنيا.. تانقفز من بلاصتي تانفرح شويا تانتفكر.. اش طرا..

مشيت واحد نهار لدارو تاندق ا والو ماكاينش للي يجاوب.. حتى هجر مشات لامريكا.. قلبي تانحس بيه مهرس.. عمري مانسامحو على هادشي للي دار فيا داز شهر ماسول ماوالو حتى مالين دارهم ماعندهومش عليه خبار... 

انا : شكوون؟؟ دخل ..

الخدامة : Bu durum elçisi adı özledim

لالة هاد الظرف مصيفط بسميتك..

انا : شكرا

خرجات..

فتحتو.. ماصدقتش عيني.. مستحييل.. عيط لماما..

انا : هاكي شوووفي.. هئ هئ...

ماما : مستحييييل هادشي..

انا : لاااا هادشي بصصصح هاااهما تصااورو مع هجر..

ماما : صاافي سكتي ابنتي سكتي راكي تاتقطعي ليا قلبي.. نساايه...

انا : شحال سااهلة نساايه.. كيفاش نساا كيفاش نسا مانقدرش نسا روحي هئ هئ.. دغيا مسحت دموعي .. اه عندك الحق انسااه هو عايش حياتو مع هاديك و انا نبقا نعذب فراااسي غاااادي نساااه اماما انساااه.. تانشوف فيها و بحالا تانقوليها عفااااكي كذبيني فيققيني من هاد الكابوس لكن هادشي حقييقة و الوهم هو للي كان معيشني فيه شحال هادي.. صاافي انساااه..

انا : ماما واعديني بلي تواحد مايعرف بلي انا كنت علا علاقة به واعدييني اماما

ماما : تانواااعدك ابنتي تاهيا كاتبكي..

بقيت داك النهار فبيتي.. بورطابلي لايحاه.. ايمان ماهضرتش معاها شهر للي فات كامل كاتاصل غير ب ماما تاتسولها عليا و صاف مراد و نسرين كايجيو يطمنو عليا مرة مرة.. معارفينش اش بيا..