القصه حصريا بكروبنه وحقيقيه لان موضوع حساس وجريء وماتطلع الاي كروب اترجاكم تفاعلووووووو لان كامله عندي
#بغلطه_دفعت_ثمنها_عمري__ 🔞
الكاتبه ام جنات
قصتي اليوم حتكون قصه من عضوه وطبعا اي تجاوز ما اريد
الاغلب مر بتجربه بس تجربتي كانت كلش غلط لان مع الاسف
بعد فوات الاوان ياله حسيت ع نفسي وهسه وبعد مادفعت الثمن
بغلطتي حبيت احجيها الكم واتمنى تتخذوها عبره وخصوصا للبنات
الممزوجات
وهسه ام جنات راح تكتبلكم قصتي بعد ما سمعتها مني
ما تكدر تعيد الراح بدموع......
ولا تكدر تعوظني الخسرته.....
عشت العمر كلهى وياك مخدوع....
خذت كله البالي مني رته...........
ماريدك تجيني انتهى الموظوع....
جنت ماضي بحياتي وراح وكته........
خسرت العمر مثل سنين الشموع......
يظحي بكل حياته ويصير سكته.
اسمي ياسمين عمري 23 ومواصفاتي طويله ورشيقه
وشعري طويل وعيوني واسعه
احمد عمره26 سنه مواصفاته طويل وشعره كثيف وكلبه كلش حنون
نرجع لقبل 3سنوات لان بهالفتره صارت ويايه المشكله الي دمرت
حياتي ونفسيتي
بهالفتره كنت اخر سنه جامعيه وكانت علاقتي بس اكثر شي
بنت خالتي ساره وكانت بالنسبه الي مو بس بنت خالتي لا كانت
اختي وكانت كلشي تعرف عني وكلشي اسولف الها
وكان اخوها كلش يحبني وحتى اجاه وتقدم حتى يخطبني
بس اهلي رفضو
ومشت حياتي الطبيعيه وبدون ما افكر لا بحب ولا اي شي
لان اني من النوع الي لا امن بالحب والي اعرفها من صديقاتي
تحب اضحك عليها واكوللها ولج بابا يا حب يا بطيخ عيشي حياتج
عوفي هالخرابيط
لحد ما طلع احمد بحياتي وبدون ما اشوفه او يشوفني حتكولون
شلون لان هو يكون اقرباء خالتي واني سامعه بيه وهو هم سامع
بيه بس ممتشاوفين ابدااا وهو عارف كلشي عني وحاول يحصل
رقمي وفعلا حصله واتصل عليه وحجالي انو هو معجب بيه واني
رفضت رفض قطعي وظل يحاول يتصل ويحجي نفس الكلام عن
اعجابه واني ارفض ولا شهر ولا شهرين وهو يحااول واني كارهته
كره مو طبيعي وبدون سبب محبيته ابداا لحد ما ظل ورايه وره
6شهور من محاولاته قبلت بس نكون اصدقاء لا اكثر ولا اقل
يعني لتفكر ابد انو احبك وفعلا احمد وافق وكال الي تريديه
يصير بس المهم توافقين بيه
والحكايه بقيه
