البارت الخامس
الكاتبه ام جنات
مشت الايام بسرعه وجاء اليوم الي مكنت بيوم من الايام انو اني
راح اسمعه اتصلت عليه بنت خالتي ساره الي كلتلكم عليها
هذه الي كل اسراري يمها واعتبرها اكثر من اختي وكالت الي
انو الصور الي ادزها لاحمد كلها وصلت الاخوها لؤي الي هو
رادني ويحبني واهلي رفضو وتكولي سكتي موتني ضرب علمود
اكوله شنو سالفه هالمرضوع لان يدري بيه اني وياج منضم شي
ع بعض وهسه اني كتلج شلون فهميني شنو حنسوي
امي اهنا شايفين الواحد الي انضرب ع راسه اني هيجي منا
افكر باهلي اذا شافوها شيسون وهي شلون صور فضايح مو
صور ومنا افكر باحمد الي حلفلي بعد ميشوفهن يمسحهن
زين شوصل الصور لؤي يا الله وهذا لؤي شحيسوي بيه شلون
ياربي طلعني من هالمصيبه يعني بعد تركت احمد وبطلت احجي
وياه هيجي يصير بيه شلووون ساره دبريني شسوي
والله ما اعرف شكولج يم اخويه رام كامل بيه كل صورج الي انتي
دازتهم لاحمد
زين اكولج اخوج مو عنده علاقه ويه بنت عم احمد
ساره/ اي بس تدرين هو بس يصادق بس ميحب لان بس انتي الي
يحبها
ادري بيه يحبني وهذا مو موضوعي بس هو مصادقها
ساره/اي
ياسمين/لعد يجوز عن طريقها وصل للصور روحي خلي اتصل
ع احمد وافتهم منه يله باي
ورحت واتصلت ع احمد وكال ويحلف انو هو منطه الصور لاي احد
واني اهنا اتخبلت بالزايد وطلبت من احمد شغله يسويها وهي
شوف احمد اريد منك شغله
احمد/كولي
اريدك تجي تخطبني وحتى اكدر اسد حلكهم وادخل بعين اكبر واحد
ع الاقل اكول خطبني واني راح ارفضك فهمت لو لا
راح احمد وحجه ويه امه وبالكوه كدر يقنعها وبالفعل امه اتصلت
ع امي وبالكوه حصلتنه لان الشبكات مو كلش زينه يمنه وامي
رحبت بيهم واجوي علينه وهو طبعا كلي اني اجيت اخطبج لان انتي
كلتي راح ترفضيني والصدمه امي من كعدت ويه اهله وعرفته وحبتهم
وكيفت عليهم واني اهنا مثل الي اخرسيت ما اعرف شسوي وشلون
حرفض كعدت ابجي وجان اسمع اغنيه لماجد انا حنيت انا انذليت
وابجي وشافتني ساره وراحت
يتبع
