البارت الرابع
ضلت علاقتي ويه احمد ويوم عن يووم اتعلق بيه اكثر واكثر
ومره اتصل عليه وبلغني انو داعش دخل عليهم واحنا هم دخل
دخل علينا بس بقينه بيتنه لان ما عدنه امكانيه نطلع من بيتنه
وكمت احجي وياه واخاف عليه اكثر ما اخاف ع نفسي
وبده الدك واللطم مالتي عليه ما احجيلكم لا ليلي
ليل ولا نهاري نهار بس ابجي عليه وضليت بحدود 5شهور وياه
وهالفتره مكدرو ياخذون منطقتهم واني وياه ع التلفون اعرف
اخباره لحد ما كال دخلو ع منطقته وراح اخذ اهلي واطلع لبغداد
وانقطع عني بحدود الشهر واني بهالفتره من تركته هالشهر بديت
اعيد حسابات علاقتي وياه وكمت افكر بكل الفتره ال راحت وشلون
كنت ادخله للبيت وشلون ادزله صور وشلون وصلت مرحله وياه
فكلت بس يرجع يتصل احط حد وياه لان صحيت ع نفسي وكاافي
الي صار وياه واهلي شنو ذنبهم الي خنت ثقتهم ويايه واني نفسي
الي كمت اكرها وطلبت من رب العالمين انو يسامحني لان غلطي مو
هين ولا صغير لا كلش كبير بحقي وحق رب العالمين وحق اهلي
وفعلا بعد شهر وشويه اتصل احمد عليه وكتله ع قراري وكتله اذا
تريد تبقى ويايه لازم تخطبني واذا متريدني كزوجه اني بعد ما اريدك
وفعلا سديت التلفون بوجهه بدون ما اخذ الرد منه وتركته بحدود الشهر
ولا اني اتصل ولا هو يتصل وما احجيلكم شصار بيه بهالفتره لا اكل
ولا انام وبس ابجي واكول لازم اتحمل هذا قراري الي اني اتخذته
واتحمل نتيجه اعمالي وعسى ولعل رب العالمين يسامحني ع الي
سويته
يتبع
