بارت الثامن
الكاتبه ام جنات
وراها رحت لبيت عمي اني و اهلي وطلعت هالحيه هي الي ماخذه
الرام لان مفتشه باغراضي وتدرين هي عدها علاقه بابن خالتج
وتعرف شلون هو يحبج وانتي حاجيتلي عليه واعرف انو انتي
بعمرج معتبريه غير بس ابن خالتج ووالكل يعرف بحب لؤي وعشقه
الج فهي دازه الصور بيد صديقتها حتى محد يعرف هي الي
اخذتها ونطتها اله وهو وصلته كل الصور عن طريق صديقتها وانتي
تعرفين الباقي
اني اهنا ساكته ودموعي تنزل بس بله صوت ومحجيت ولا كلمه
وسالته انو هو كمل كل كلامه كال اي كتله يله بيباي
وسديته بوجهه وانفجرت من البجي وكمت اصرخ ع روحي وع غبائي
وادعي ه هالانسانه الي دمرت حياتي وكل هذا شنو سببه الغيره
معقوله كل هالغيره والحقد عليه معقوله دمرت سمعتي كدام لؤي
وخربت علاقتي ويه احمد الله ليوفقج ويهنيج وضليت هذه حالتي
بس بجي وضيم وحزن
وسنه مرت وره سنه وهسه وبعد 3سنوات واني حاليا كلما اذكر
الي سويته اتحسر واكول وين كان عقلي وقتها وشلون سويت
وأجرأت اسوي هيجي وع فكره لحد الان احمد يسال عليه
من بعيد لبعيد واعرف اني بهالشي بس هو يراقبني لان ادري
بيه بعده يحبني بس مو كزوجه احتمال لان صار بيناتنه هيجي
شغلات ومع الاسف ضيعت نفسي بالشي الي سويته وطبعا هووايه
اجوي وخطبوني ومن توصل الشغله وتريد تصير تتفركش
ما اعرف ليش وكالو انو السبب انو مسويلي عمل وفعلا رحت
ع وحده وكلتلي انو مسويلج سحر بين قبرين حتى اي قسمه تجيلج
تخرب وسالتها ع خطوبتي من احمد وكالت اي مسويلج عمل من طرف
اهله وخلوه يرفضج وقتها ونهائيا كام وقتها ميتقبلج
واني طلعت وسلمت امري لرب العالمين و الشي المهم عندي والحمد لله
صح ابن خالي شاف الصور بس الحمد لله موصلت لاهلي ولا عرفو
بهالموضوع لان يمكن الله وكف ويايه بس علمود اهلي ولينفضحون
وبنفس الوقت اني بطلت ادزله صور وتركته وهالشي رب العالمين
عرف بتوبتي وسامحني بيها واني هسه لحد الان اي قسمه تجيني
متصير ودائما ادعي ع بنت عمه لان يوم من الايام كانت صديقتي
وخانت العشره وفضحتني كدام ابن خالتي وكل هذا علمود احمد
يصير الها والله ع الظالم واني تركت حقي الله ياخذه منها وحسبنا
الله ونعم الوكيل
وهاي قصتي كله واتمني تاخذون عبره منه ومتنطين نفسج
لاي رجال والي يريدج بيت اهلج موجود حاولو تحافظون على
نفسكم واتمنى محد يغلط مثل غلطتي وخصوصا البنات واما
الامهات اتمنى كل ام اتصادق بنتها قبل متكون امها واني لحد
هسه ندمانه وصح الموضوع انسد بس بكلبي بعده مفتوح ودائما
اصلي وادعي ربي يسامحني
وانتو هم سامحوني وادعولي...
