البارت السابع
الكاتبه ام جنات
اجه اخوه الكبير لبيتنه ونهى كل شي ليش ما اعرف شنو الي
صار بيتهم ما اعرف بس الي عرفته انو بنت عمه هالحيه الحقوده
كايله لو ع كص ركبتي ما اخليه هالخطبه اتم وفعلا صار الي تريده
واهلي مستغربين مديعرفون شنو السالفه واحترمو قرار اهل احمد
لان اهلي من النوع الي ميحبون مشاكل واعتبرو الموضوع هي
قسمه ومصارت واني ادمرت نفسيا واتحطمت اتصل ع احمد اريد
اعرف وافهم الي صار وهو ميرد عليه حسيته صار انسان ثاني
لا يرد ولا يهتم شكد اتصل وشكد ادزله مسجات واني بدموعي
اكتبها ولا اتاثر ابدا هسه اني مرايده منك شي احمد بس فهمني
ليش وشنو الي صار شو ولا يوم رفضتلك طلب وحتى انت الي كلت
اريدج صدك مو بس خطبه شكليه وهم مرد عليه وضليت 6شهور
ع هالحال واهلي تعبو من وره حالتي لان كلش تعبت لا نوم ولا اكل
وبس ابجي وقررو اهلي نطلع من منطقتنه
وفعلا طلعنه وغيرنا مكان سكنه وبديت اتغير شوي شوي لحد ما
فديوم كاعده واتصل احمد عليه وظل يتعذر مني وكال اني غلطت
بحقج هوايه وجنت كلش اناني وياج لان ردت احصل ع جمالج
ومعرفنه نبدي علاقتنه صح بديناها بشهواتنا وهالشي اكبر غلط
واحب اكولج شغله اني كتلج انو مو اني الي طلعت الصور ولا
انطيتها لاحد و وعدتج انو اني راح اعرف منو الي طلعها واتصلت
عليج حتى اكولج الي طلع الصور بنت عمي تذكرين من دخلو داعش
علينه واحنا رحنا لبغداد اني وكتها اخذت كل اغراضي ويايه ومن
ضمنها رام صورج اني ما انكر انو اني لازم والمفروض امسحها
بس كلت الله يشهد عليه بس اني اظل اشوفه واخذتها ويايه حتى
لتبقى بالبيت حتى ليهجمون البيت داعش ويشوفوه والمفروض اني
اكسره احسن حل بس الصراحه وقتها مكان ابالي غير بس انو
اخذ اغراضي واطلع
يتبع
