البارت السادس
الكاتبه ام جنات
ساره/دخلت ع ياسمين وشفتها مدمره من البجي ومتحملت ابقى
وطلعت وكلت لازم اتصرف وفعلا اتصلت بأحمد وكتله انو ياسمين
شنو ذنبها شو هي حبتك وضحت علمودك وصورها انشهرت و وصلت
لاخويه صورها وهي الصور طلعت منك وهي الي نفسيتها تعبت وضلت
عايشه برعب علمود ميعرفون اهلها وهسه اهلها فرحانين وسالو عليك
وكالو خوش قسمه وهي هسه حايره شتسوي اترجاج احمد اتصرف
انت هالمره تره ياسمين هسه تعبت
احمد /تمام ساره اتركي الموضوع عليه يله روحي ليجي اخوج ويشوفج
مع السلامه
احمد/فكرت بكلام ياسمين وكان كلامها كله صحيح وبعدين اني احبها
لياسمين وشنو الي يمنعني من اتصير الخطوبه حقيقيه وفعلا اتصلت
بيها وكتلها ها بشري شوكت تردون علينه هي كانت خايفه لان كان لازم
يكون جوابها الرفض بس من كتلها لا اني فعلا رايدج وامي حبتج
هي مصدكت وكامت تصرخ من الفرحه
ياسمين/طبعا بعد ما راحت ساره من يمي وكملت بجي وشويه
ارتاحيت وسبحت كلت خلي اتمدد شويه وانام وبهالاثناء اتصل
احمد وخفت شجاوبه ورديت عليه وكلي هاا بشري شوكت تردون علينه
اني اهنا ولا نقطه دم ضلت بجسمي شكوله اهلي وافقو عليكم
ضليت ساكته وكلي ياسمين تره اني صدك رايدج ع سنه الله ورسوله
اني اهنا كمت اصرخ ومصدكت وهو يضحك عليه واني احس روحي
راح اطير من الفرح وكلت الحمد لله ربي باوع ع حالي وسامحني
وامي رحت عليها وكتلها اني موافقه واتصلت ع اهل احمد وهمه
كلش فرحو وحضرنه للخطوبه وطلعت كلش كلش حلوه واحند انبهر
من شافني وصارت من احلى الليالي الي عشتها بحياتي والكل
يبارك النه وفعلا حسيت شكد احمد يحبني ويغار عليه
بس هالفرحه حسيتها مراح تكمل ما اعرف ليش كنت احس اكو
غصه بكلبي وفعلا صار الي كنت حاسه بيه
يتبع
