#اللقاء الأول

الجزء الثاني عشر

اللقاء الأول
بقلمي شمعة امل
الجزء الثاني عشر
اللقاء الأول
بقلمي شمعة امل
الجزء الثاني عشر

واجه فارس اسمعه يصيح مدري شبيه وكان يصيح حوراء وينج

واول مفتحت الباب واجاني راشدي معدل بحيث احس نفسي اطرشيت وحتى عقلي  طار ..
فارس ...ولج حوراء كذبتي علينه ...
هسه جنت يم بيت عمج وعرفت الحقيقه
....وعلى صوت الصياح اجت هدى كانت تقره بغرفتهه ...هاي شنو شكو وتحجي بفزع ..

.وحوراء من الصدمه جامده بمكانهه
فارس ...اطلعي هدي ...
....فارس شكو ..
....اطلعي دااكلج ....وطلعت هدى وقفلت الباب ...والتافيت لحوراء ..يله هسه تحجين الحقيقه ...واحجي بعصبيه ...
حوراء ...ش ش شنو احجي على شنو وليش تظربني اني ماسويت شي ....
شوفي ولج اني هسه اجيت من يم بيت عمج وسعد كال انتي جنتي جايبه واحد لبيتهم هذا الواحد منين يعني هو مااعتده عليج ليش تكذبين واتطلعين هيج حجي عليهم
حوراء ...شنو انت شكاعد تحجي ....اني اجيب واحد للبيت
...احجي واحس حتى زردومي اتجرح من العصبيه ....احس اريد اموتهه واتقربت عليهه
ولج احجي ...يكول انتي شردتي  ويه واحد صح هذا الكلام ...كولي دافعي عن نفسج
حوراء.... من الصدمه حتى مدااعرف ادافع  عن نفسي ...
وبس اسمع صوت بره الغرفه ...
الحجي ...فارس افتح الباب ....
الحجيه ..يمه فارس خلي نفتهم شنو صار ...
هدى .. فارس افتح الباب شنو صار ..
الحجي... وليدي .. افتح الباب خلي نفهم السالفه شنو ..
فطومه ...بابا عوف خاله حوري ...بابا بابا ...
الحجي... فارس اسمعني وليدي ..وفك  الباب
...فارس ...شفتهه صفنت حتى رمشه مارمشت وجان اكطع صفنتهه ...احجي شي ...دافعي عن نفسج ...حجيت  بحده

الحجي ...اسكتوا خلي اسمع شديصير
خاف يأذي البنيه

...حوراء ...شنو احجي شريد اكول سعد شكد طلع حقير ماتصورته هيج .خايس. لهاي الدرجه .
..احجي وصدك الي سمعته صدمني
بعدين اتمالكت  اعصابي اشويه ...
وكتله ...
شوف ابو فاطمه الي حجيته الك هو الصح والله والله ماكذبت بولا كلمه وكوه دافعت عن نفسي ضربته وشرمخته وهمزين لكيت النفاظه قريب ايدي وضربته بيهه ولو اكو يمي سلاح هم جان كتلته لان اتجرأ وراد يعتدي عليه
فارس هيه كالت شرمخته اتذكرت صح ..اني شفت أثر شرمخات اضافر على وجهه ...
بهاي الحاله يعني البنيه ماكذبت ...
وهذا الحيوان ....مااعرف شريد اوصفه ..صدك حيوان هم راد يعتدي على بنت عمه والنوب ايشوه سمعتهه

...ابو فاطمه وروح امي وابويه مكاذبه عليك وكل حرف كلته كنت صادقه بيه ...
وإذا بعدك ممصدك ..تكدر تاخذني لأي دكتوره نسائيه تثق بيهه وخلي اتسويلي فحص وهم حتى اتشوف الرضوض الي بجسمي ...
والملابس مالتي الي عليهه دم سعد هم ماغسلتهن بعدهن بهذاك البيت عفتهن بالحمام تكدر تاخذهن واتسوي تحليل دم وانت راح تعرف هذا دم منو ..
وإذا طلع دم شخص غير سعد تكدر تذبحني بيدك ....  احجي واباوع بعيونه ...وعيوني من الدمع احس حتى غوشن ...
فارس ...اني من سمعت كلامهه شبه اقتنعت بكلامهه ...
....فارس ...شوفي بينت الناس اني مااكلج اتاكدت تمام ...بس وعد مني اذا طلع كلامج صحيح والله وداعت بنتي لاخذلج حقج من عينهم
وخذيهه مني حجاية رجال ..
...ورحت فتحت الباب ...واشوفهم كلهم ملتمين ......حجي اريدك بحجايه ...
...واول واحد راح لحوراء وشبكهه هيه فاطمه ...
...وطلعنه ورحنه للمضيف اني والحجي ..
ابو فارس ...ها وليدي ..
فارس .....يابه الحجي الي صار ...
الحجي ...فارس اني سمعت كل الحجي ...
ابو فارس ...خلي اكلك حجايه ...هاي البت شجاعه ..
.. فارس ..يعني شنو ..
ابو فارس .. يعني هاي شيباتي مااجت من فراغ .
ابوفارس...... اني مصدك البنيه .
..هاي البنيه متخاف...... وعدهه شجاعه اتواجه عدوهه
ابو فارس...... هاي البت ماكذبت اني مصدكهه يوليدي
فارس ...اي يابه اني هم
وهذا سعد طلع محاول يلفقلهه فد سالفه ....
..يابه.... اريد اسوي شغله حتى اثبت برائتهه ...
يتبع......