#اللقاء الأول

الجزء الرابع عشر

اللقاء الأول
بقلمي شمعة امل
الجزء الرابع عشر
اللقاء الأول
بقلمي شمعة امل
الجزء الرابع عشر

ام حيدر. ..صباح الخير ابو فارس
صباح الخير ام فارس ..يله جهزت الريوك
...اي يله وين الجماعه كعدوا ...
واجت هدى ..صباح الخير.   
هله صباح النور ....يله اكعد اكلي بنيتي ...وراج دوام ...
اي هسه يابه. 
واجه فارس ....ونزلت حوراء وفطومه ...
صباح الخير ....
صباح الخير وليدي ...هله بنيتي يله تعاي اكعدي اكلي ....
فارس اباوع بوجه حوراء اليوم مورد اوووف اليوم مدري شبيهه طالعه اتخبل وجان تكطع حبل أفكاري هدى .. 
هدى ..عفيه فارس تكدر انت اتوصلني اليوم لان عندي امتحان اول درس حباب ....
اي يله اليوم ماعندي شي ...
فطومه ...اي حتى اجي وياكم ...
...ههههه ولج انتي شعندج اليوم كاعده من الصبح ....
بابا غير حتى اجي وياك اوصل عمه هدى وتضحك وتصفك ميصير اعوفك وحدك ..
....هاااا زين لعد اكلي حتى نطلع بسرعه .
...هدى اتصلي بابو الخط حتى لايجي عليج واني اوصلج ...
اي ...ماشي ....
وخلصوا اكل وطلعنه اني وفاطمه وهدى بالسياره ووصلتهه للمدرسه ...
وبطريق الرجعه ...
بابا عفيه اشتريلي كبوز وهدوم من هذني الي ايدفن ...
...هههههه صار تردين هدوم ايدفن ....وبعد ...
وملاعيب ....
.....هم ميخالف بعد شيريد الحلو ...
أو كافي .  
هههههههههه ...وبالطريق اتذكرت حوراء خطيه مدري شكد راح تبقه يمنه وهاي هم تحتاج ملابس الهه إلى أن اشوف شوكت اوديهه لبيت جدهه ....واني افكر انقبضت روحي من اتذكرت انه يجي يوم واتروح ...
اكلج ..فطومه ....
انتي اتحبيهه لخاله حوراء. ..
..اي بابا اني احبهه هوايه هوايه ..
...زين شتكولين لو انبقيهه يمنه ...
..اي ييييي أحسن حتى ابقه انام يمهه ....لان هيه اتحبني واني همين وتقرالي قصص واتلعبني  .مومثل خاله رنا هيه متحبني ..
لا بابا خاله رنا هم اتحبج ..
لا هيه متحبني واني هم مااحبهه ...
زين ديله كافي ...
شوفي راح انروح للبيت هسه ناخذ خاله حوراء حتى اشتريلكم ملابس .....
.......هيييييييييييييييييه......
ووصلنه للبيت ونزلنه من السياره
طبينه .للصاله ..واشوف منظر لايتكرر....
حوراء كاعده يم رجل امي على أساس تقرالهه الكف ..وابويه كاعد يمهم خربان ضحك ويكلهه عفيه بنيتي من اتخلصين من يم عمتج اريدج اني هم اتشوفيلي بختي شوكت اتزوج الثانيه ...ههههه
....ام فارس ...اي ابو فارس مبين عليك حاط عينك على وحده ثانيه
حوراء ...اني اسمعهم واضحك ....
ابو فارس ...اي واسمهه ام فارس ....ههههه
حوراء.....هاي شنو هذوله صرت طماطايه ...يووومه شلون يتغزل بيهه وهيه صح جبيره بالعمر بس حلوه اتخبل ...
عمو الله يسعدكم ...
تسلمين بنيتي ...
ابو فارس ...ها فارس اشو صافن وليدي ...
فارس .....هاااا لا ماكو شي بس ردت اخذ فاطمه .وحوراء اريد اشتري ملابس لفطومه ...
ابو فارس .....اي شكو بيهه وهم البنيه شويه اتغير جو.
فارس ..يله حوراء بدلي لفاطمه وتعالي ويانه بالسياره ...
حوراء ....اي صار ابو فاطمه. ..
يوووومة هذا يريدني اصعد وياه بالسياره واني من هسه احس نفسي صخنت ...
ورحت صعدت وبدلت لفطومه ...
ونزلنه ...هو أول مشافني ..جان يكول ...
فارس ....اجت هيه وفاطمه ..مبدلتلهه ..
اباوع عليهه لابسه من ملابس هدى بس اللبس مخصر على جسمهه وطالعه غزاله غزاله ...اتخبل ...هاي شلابسه ..روحي البسي عبايه من عبي هدى ..
.حوراء ...بس هاي ملابسي زينات ومو حيل كصاف
..اكلج البسي عبايه لاتخبليني ...واحجي بحده
حوراء ....  اي صار هسه ...
وصعدت للغرفه ركض ...خرب كَلبي صار بالكاع ..ولبست عبايه ونزلت ...
فارس ...هاي شنو النوب لابسه عبايه سوده وطالعه كمر ياربي يعني شلون هسه ابوشهه ...
حوراء....ها شيخ ...هسه زين  شكلي ...
فارس ....اوف تسالني هسه زين شكلي  ...
اي هسه أحسن يله امشي .....
وطلعنه وصعدنه بالسياره. ...
حوراء .... وهم لزكت بالباب والا خلاني اكعد بالصدر يمه وفطومه كعدت ورانه تنطي بوسه الي وبوسه لابوهه