#اللقاء الأول

اللقاء الأول.الجزء التاسع

اللقاء الأول
بقلمي شمعة امل
الجزء التاسع
#اللقاء الأول
#بقلمي ..شمعة امل
#الجزء التاسع

فارس ...اني سمعت هيج ..لعد هاي البنت قصتهه صحيحه ...
زين اكلك فاضل انت باقي لو راح ترجع ..
فاضل ..لا راح ابقه بعد لان هسه اني ميت جوع ..راح اشوف مطعم اتغده وبعدين يمكن اروح للشقه مالتنه الي بال.....حتى ارتاح اشويه حيل تعبان من الطريق
فارس ...ماشي لعد اخذ راحتك ..مشكور فضولي ..
..بالخدمه شيخنه ..ههههه
الحجي ...هااا وليدي بشر . 
فارس ..يابه طلعت البنت قصتهه صحيحه
...هااااا ...لعد اشلون هسه ..اتوديهه لاهلها ..
فارس ...لا يابه راح ابقيهه إلى أن اتاكد من سالفة سعد ...هذا فد واحد نذل وشراني اني اعرفه من كنا طلاب بالمدرسه .. عكس اخوه رعد تماماً هذاك كلش مؤدب وأخلاق و كان  صديقي  وعلى طول اساله انت .متأكد هذا سعد اخوك ...
يضحك ويكلي مع كل الاسف
هههههه
تدري الفرق بيناتهم بالاشهر فقط ...
الحجي ....وهسه شلون وليدي ..
فارس ... صفنت اشويه ....
واعاين على الساعه بيدي ...
....صارت بال 12 ونص يعني وقت غده ...
يابه ماكو غير شغله وحده اسويهه حتى اكدر احسم  الموقف ...
الحجي ..شنو وليدي كول ابد ما فد يوم خذلتنه بقرار ..
فارس ...خلي نتغده هسه ..واخليهه العصر وفد بالاربعه اروح لبيت سعد ..
الحجي ..شعندك رايح وليدي انت مواتكول هذا الولد موخوش ..
فارس ..يابه مراح اكلهم البنيه عدنه بس اريد  اتاكد من الي صار وياه . واكيد هو عايش بعده لان لحد الآن ماسمعنه خبر وفاة شخص بالمنطقه .
هاي وحده واريد اعرف هو شراح ايسوي مقدم شكوه على البنت لو لا ..وأحسن شي افتهم من اخوه ومراح اكلهم بالبدايه البنت يمنه إلا افتهم السالفه يله
..والله وليدي مااعرف شاكلك الي اتشوفه صح سويه ...وفعلا كلامك صحيح ومهما كان البنت هسه دخيله عدنه وحنه مومن شيمتنه نفرط بدخيلنه اذا كان مظلوم  النوب حرمه
عفيه وليدي بارك الله بيك ..
...يله دتعال خلي انروح انشوف الجماعه هسه يمكن دينتظرونه ..
..يله يابه ..
وطلعوا من الصاله ..وراحوا يم الجماعه ...
كانت حوراء كاعده اتسولف ويه هدى وفاطمه بعدهه كاعده بحظن حوراء وضحكتهه تارسه البيت ...
والوالده كاعده اتسولف ويه رنا ... اول مدخلت واشوف رنا صايره نار وتخزر بحوراء
..هاي اشبيهه ...
رنا ..هله بالشيخ ..الحمد لله على السلامه
فارس ..هله بيج ليش هو شكو
.. هو اني وين جنت حتى الحمد لله على السلامه
رنا .. احجي بحركه واجيت كعدت يمه موالبنيه كالت اجيت ويه الشيخ فارس
وتتعذر لا لبست ملابسي واتكلي ملابسج خسلتهن ..
فارس ..شنو .ههههههههههه
لج بابه انتي مفتهمه غير شي ...
فهمني ..مواني ماافتهم ..تحجي عليه لان مامكمله تعليمي وممخصله كليه مثلك ..اهيء اهيء ..
فارس ..طبعا اني مااصدك من كانوا يكولون المره مرات ايصير عقلهه زغير ..بس من شفت رنا عرفت انه مو كل النسوان عقولهن زغيره هاي المقوله آثاري تنطبق بس على مرتي .. ههههه يمعوده تره انتي مفتهمه غير شي من السالفه ...
...اي لعد متفهمني ...
الحجي ...سمع السالفه ..كلهه بويه رنا دكومي انتي وهدى عاوني ام حيدر تره متنه جوع ...
هدى ...اي يابه هسه ..
رنا ..صار حجي  ...
....وراحوا ....
حوراء ..اني ظليت صافنه من كلتلهه على ملابسهه وانه اني خسلت الي كنت لابستهن وشريتهن اشو هاي حسبالك حتى اذاناتها كامت أتطلع دخان
😤😤😧
اوي وهسه شنو هاي النحاسه
واني شكو مدوخه نفسي هسه هو زوجهه ايفهمهه
الحجي ..بنيتي حوريه ..
...بلي عمو ...
الحجي ...عمو ..ههه صدك هاي بنت مدينه
....شوفي بنيتي ....
فراس سولفلي قصتج كلهه انتي راح تبقين هنانه عدنه  معززه مكرمه .الي ان انشوف حل لمشكلتج واني اعتبرني مثل ابوج وهاي الحجيه ام فارس هم مثل امج شتحتاجين كليلهه
حوراء ..شكرا عمو ..حجيت بخجل ..والله دتخجلوني بكرمكم مااعرف شلون اجازيكم
الله يوفقكم عمو ..وبدون مااحس مااشوف غير دموعي كامت تنزل..
فارس ..اويلي شفتهه كامت تبجي واني مدري اشصار بيه حسبالك دموعهه حفرت خندق بكَلبي
الحجي ..بنيتي لاتبجين احنه هنا اهلج .والي يوصل حدج انكص رجله ..موهيج فارس ..
واعاين على فارس .صافن على البت
هي هي فد لا انرميت بسهم يفارس 😍

فارس ..سمعتني ..
فارس ..هاا اي يابه كلامك عدل ..
...ههههه زين لعد .هههه
وهنا اجت ام حيدر ....وصوتهه يرعد ..شيخنه صبيت الغده ...
فارس ...اويلي ام حيدر خرعتينه يمعوده شويه غيري من نبرة صوتج حسبالي صار هجوم..
...ههههههه ...يمه شاسوي غير من الجكاير انه صوتي صار هَج ..
الحجي ..بهمس لفارس ..وجر ايده ..على أساس انت اول مره تسمع صوت ام حيدر مو
وماكنت صافن على البت
فارس ..يابه شنو قصدك ..
الحجي ..ههههه بعدين نفتهم ...ههههه
يله حجيه تعاي نتغده
اي حجي ...اجيت ..
  .. يله بنيتي ..
اي عمو صار ..وكمت والطفله متقبل تنزل مجلبه بركبتي ..هههه فدوه تخبل ..
فارس ..اشوف فاطمه ابد مانزلت من حظن حوراء  مع العلم اول مره اتشوفهه
..عكس رنا كانت تنفر من عدهه وهيه يوميه اتشوفهه
فارس ..بابه فطومه اتركي خاله حوراء خلي تاكل عيب هيج ..انتي موزغيرونه
فاطمه ...بابه موكتلك بيهه ريحة ام مااعوفهه ..
حوراء ...خليهه شيخ والله البنيه تنحب ابسرعه مامسويه شي هيه ولا مضايقتني
.. واجت رنا وسمعت الكلام
.  هيه معلقت بشي بس حسبالك صدك كامت أتطلع دخان
ههههههههه 
..وكعدوا الكل يتغدون وفارس عيونه على الحوريه ....

هسه نرجع شويه انروح لبيت سعد .  

وللحكايه بقيه ...

موتنسون اتصوتولي