مداقتنع انو هي مسوت شي
ولاداكدر اقتنع أعوفها
كعدتها وصوتها المبحوح وكلامها الحزين والي يدل على انسانه
مكسورة وانسانه الدنيا هوايه جتي عليها وتعبتها
....كومي خيال
...عوفني كافي
.....موبكيفج
......زيدون كافي الله يخليك والله كلبي خلصان ومالي قابليه لااي شي
....امشي دنروح للبيت
....عوفني
....لا
.....ليش
.....هذا شي ميخصج
....يعني اني موًانسانه شنو كاعد تتحكم بحياتي ومن اسئلك
دكلي ميخصج
ونفضت نفسي وكفت وحسيت صار عندي وجع
بصدري بعد مااكدر اتحرك
وصحت اخ
وحسيت يد سندتني
.....زيدون حبيبي بيك شي
جنت من الوجع الي بصدري مااكدر احجي
وحسيت نفسي داختنك ومداكدر اتنفس
......زيدون جاوبني الله يخليك شبيك
خلت يدها على صدري
باوعتها وشويه الوجع بدا يروح
بس ردت امدد جسمي اشرتلها على القنفه
...شنو شسويلك
كمت بكوة وبتعب ورحت نمت
ورا شويه كعدت ولمن فتحت عيني شفت خيال
كاعدة وعيونها حمرة ودموعها على خدها
....زيدون انت زين
.....جيبيلي مي
.....اي هسه
جابتلي مي وجتي بسرعه
كمت داكعد مدت يدها ساعدتني
لمن كعدت نطتتي الكلاس مال مي
اخذته من يدها وشربت
،....امشي نروح للمشتفى
..... انتي تريدين تموتيني مو
......عفيه لدكول اموت ترة كلبي ينكرب
.....اني تعبان
.....اذا قربي منك تعب عوفني الله يخليك روح عيش براحه
مكدرت اكللها قربج يمي هو الراحه
.....الي نكسر بينا صعب يصلح ولحد الان مامتاكد اني
لان هذاك الوقت من اتاكد منج راح يكون العقاب عسير
.....ماسويت شي والله
.....لج اني شفت طه طلع من بيتي شفته بعيني شلون يعني قابل تخبلت
.....والله ماااعرف
....كذابهً
....والله مداكذب
......امشي نروح للبيت
.....ليش تريدني ارجع واني وحدة كذابه عوفني ارجع يم عمتي
.....كومي بلاحجي زايد اني مريض اريد اروح للدكتور
كومي خلصيني
.....اني ماااريدك تتمرض بسببي
.....لا اتأكدي اني مريض بسببج انتي واذا متت انتي هم السبب ذاك الوقت رتاحي عود.
.....انت تكدر سوق
....اي
مشت كدامي وندارت عليه
.....والله ماسويت شي واني احبك
.....امشي عد
طلعت من البيت وقفلت الباب وصعدت
للسيارة وصعدت خيال وطول الطريق جانت ساكته
وتباوع على الجامه
كل شويه التفت اباوع عليها واندار
وصلت للبيت وباب بيتي سيارتين
مال اخوتي
وكفت
....لتنزلين من السيارة
نرلت ورحت يمهم
.....السلام عليكم
....لاكلام ولاسلام بينا
....شكو مؤمن
...اني ماااعرف شنو الي صاير بينك وبين طه وهو ماقبل يحجي بس هسه انت راح دكلي شصاير
.....ماكوشي
......لك انت مكسرة وكاسر خشمه وشابعه ضرب
ليش هيج اضربك مثل ماضربت ابني
.....مؤمن روح منا
.....لك انت شو صاير متحترم احد من يوم الي اخذت هاي
الي مامعروف اصلها منين بنت الشارع
.....احترم نفسك ولجيب طاري خيال
على لسانك ولجيب قذارتكم علينا
....ولك هاي عليمن قذارتكم
علينا احنا اخوتك
ورفع يديه ديريد يضربني
وكمشت يدة ونزلتها
....انت اخويه الجبير لتخليني اتصرف وياك غير تصرف
ومن اليوم اعتبرو ماعدكم اخ
....اخويه سعد كلي
.....شبيك زيدون صدك تحجي شنو الموضوع احجي
......ماكوشي وماعدكم شي يمي
......كلي ليش ضربت ابني
....بدون سبب ارتاحيت هسه
....ولك هاي مواخلاقك اكيد انت مسحور وهاي الكاعدة
دفعك علينا بنت ال!!!!!!!
قبل ميكمل الكلمه
.....كتلك كافي لتحجي عليها هي مالها دخل بشي
..... راح تندم على الي سويته
.....اني ندمت من يوم الي عبالي مخلف رجال ومربي
طلعت متعرف تربي واخلاقه طلعت صكط
ندمت من يوم الي استقبلته بيتي واحترمته
.....شدتحجي وضح
....ماكوشي يتوضح
.....كام يعيط ويكلي اني اعلمك
اني رحت فتحت باب الكراج ودخلت السيارة ونزلت وسديت الباب ودخلت جوة
وخيال صعدت للغرفه
وبعدها
خابرت على الدكتور علي
.....هلو دكتور علي
....هلو زيودي
.....شخبارك
...والله بخير وانت
.....اني كلش تعبان وكلبي كلش يوجعني وعلى غفله يكمشني وجع بعد مااكدر اتحرك
ولازم ارتاح ومااتحرك وبعدها جسمي كله يوجعني
اريد اجيك لان كلش داحس بالمرض وبالتعب
....ليش مااجيت للمستشفى
.....مصار عندي مجال
.....تعال اليوم فد بلاربعه للعيادة مال دكتور لطيف
انا راح اروح يمه تندل مو
....اي اندل
...انتظرك لعد
....اوكي نتلاكه
....مع السلامه
....الله وياك دكتور
ماشفت بعد خيال وكمت الهي نفسي بالبيت
وبعدين رحت لدكتور وكام يفحصني وكلي
سوي فلان حاجه وفلان فحص المهم خلصت كتله
...هادكتور علي شنو السالفه
.....شبيك زيدون هيج متعب نفسك
.....شكو
.....عندك ضعف بعضلات القلب
واذا متغير نظامك وتترك الجكاير الي تالفه صدرك
واذا متترك التوتر ترة كلبك يتعب وبعدين لازم يكون تدخل جراحي ولاسامح الله يجوز تكون هناك سلبيات اكثرفحاول تبعد عن الضغط النفسي
والانفعال
احذر على نفسك
اني راح اكتبلك ادويه
وبعد كم يوم هم اريد اشوفك راح اكتبلك موعد
ويمعود دربالك على صحتك لان كلبك تعبان
....يمعود دكتور قابل راح اموت هو كلمن يموت بيومه
بس اني اريد دوة من يجي هذا الوجع يوكفه
...لااله الاالله ليش هيج زيدون بعدك شاب
...مابقى شاب
..... يابه شاب وتخبل انت
....ههه تسلم دكتور علي
...تمرلي عود
....ان شاءالله
...هاي الادويه استمر عليها ولازم النظام
تنظيم اكلك حاول تلعب رياضه والراحه التامه
هاي الفترة
والتوتر والجهد والضغط النفسي كله تبعد عنه والجكاير
همين
...احاول
....موتحاول لازم تسوي هيج
....ان شاءالله
طلعت من الدكتور واشتريت دوة ورحت للمكتب
وبعدها رجعت للبيت
ونمت من وكت وثاني بوم من الصبح طلعت
ورجعت للبيت
ولمن دخلت شفت ريم كاعدة
وخيال هم
فتحت عيني
....شدسوين هنا
خيال كالتلي
..منو هاي
....كتلج جابج هنا
....اجيت اشوفك
....اني شكلتلج
.....كلتلي انتي حبيبتي وزوجتي ولازم تكونين بمكانج الطبيعي والي هو بيتي ولازم اجيبين هدومج
وتجين وباوع اني جبت الجنطه مال ملابسي واجيت
....كلي هاي شدتحجي
وجه خيال جان اصفر ومابي قطرة دم
....بعدين افهمج
....لاهسه
....صعدي للغرفه
.....ماااريد اصعد
.....كمت اعيط واكللها صعدي
....مااصعد
فتحت عيني وحسيت الدنيا سودت كدامي
جريت ريم قوي وطلعتها برة
وشمرت جنطتها
....اخر مرة اشوفج والله العظيم اقتلج خلاص واني مخبل
والي جنتي تريدين توصليله وصلتيله مرتي عرفت اني مزوج
بعد ماكوشي تهدديني بي هسه اجه دورج انتظري وشوفي شراح اسوي بيج
....متكدر سوي شي
وصدك منين جايب هاي شلون متحملها اوي
....لجيبين طاريها على لسانج احسن منج ومن امثالج
......هذا رقمي ومدت يدها وخلته بجيب بنطروني
....طلعي
.....وراحت
دخلت للبيت وجانت خيال تفتر وتروح وتجي مثل المخبله
ندارت عليه
....طلعت مزوج
.....سدي الموضوع وانتي هم الج عين تحاسبيني
...احاسبك ونص
واني ماغلطت بس طلعت انت الغلطان وهوايه عندك غلطات
....كافي
....لا مو كافي طلكني
.....خليها ترجيه باأذنج طلاك ماكو
....ليش مبقبني يمك اذا اني خنتك وانت مزوج
.....لتحجين هاي الحجايه
سمعتي
...ليش عبالك راح اظل دائما ساكته
...راح اظلين تحت رحمتي وراح اشوفج العذاب الوان اني اعلمج
...متكدر انت انسان مريض وضعيف انت عايش بخيالك
واني خيالك
......انتي صدك خيال بس تحولتي لكابوس
.....اني موكابوس اني حقيقه بس انت تريد تجرحني وتأذيني
وذلني واسكت
بس انت غلطان اني بضعفي قوتي
.....اني ادوس عليج وماطلعين صوت
....متكدر انت تحبني انت مريض بيه انت هنا ترتاح
واشرت على صدرها
انت كاعد تخوفني وبس انت متكدر تسوي شي
.....جربين
....بدون ماااجرب اعرفك
.....هسه صرتي تعرفيني لوتعرفيني مثل ماكلتي جان مافكرتي تخونيني
.....اني ماخنتك وانت تعرف
....اجذب عيني
.....لا جذب كلبك الي ميدخليك تتنفس
.....اسئل ابن اخوك ليش سوة هيج وشنو غايته احسن ماتكعد تضرب وتكسر
وتخرب افهم
الرجال موبعضلاته الرجال بعقله
.....اني رجال غصبن ماعنج وعن الخلفج
.....لجيب طاري الخلفني دربالك
.... يله روحي لدوخيني وراح تبقين هنا بلاحجي زايد
ومن بعدها
مر تقريبا تلث ايام خيال بالبيت بس مااشوفها اول
متسمع صوت الباب تصعد فوك
ومن اطلع تنزل جوة
ومن اني موجود تقفل باب الغرفه عليها
واني كمت مااارجع هلكد للبيت شويه واطلع
بس هالبر ود الي عدها قتلني
لاهي زعلانه وطالعه من البيت لاهي تحجي ويايه
تتصرف بطريقه عجيبه
واسلوبها الي تغير فجأة
زين هي لاعدها تلفون لاتطلع لاتحجي وياااختها
شنو الفلم هاي خبلتتي
المهم
اليوم نايم المغرب سمعت تلفوني يدك
الرقم مال طه
ماجاوبت ظل يدك فوك الاربع مرات يله جاوبت
.....الو شتريد
.....عمو اسمعني الله يخليك ولسد التلفون
والله ماكو شي بينا والله هي متدري بيه
.....شنومتدري
....متعرف بيه اني بالبيت
... لعد شدسوي بالبيت مالتي
.....عمومن اشوفك احجي وياك واكلك
....والله اذا هالمرةكذبت عليه متلوم الانفسك
...مداكذب باجر اجيك
....ليش موهسه
......اني طالع وياابويه
.......تعال باجر
.....باي
كلت لروحي
احساسي صح لو هاي لعبه عليه
جنت على اعصابي بس اريد احجي ويا خيال
رحت ودكيت الباب وفتحت الباب وراحت كعدت
على الجربايه
.....ها جاي تضربني
.....لاليش هيج تحجين
......لان صار الموضوع عادي عندك
سحبت الكرسي وكعدت كدامها
......مجاي اضربج ولاراح اسويلج شي
......اي زين
...... انتي دتتغيرين بس مدصيرين مثل مااني اريد
......انت تريد شوفني مثل ماانت تريد
.......اني بيوم الي رجعت من السفر شفت طه ديطلع من البيت وبعدها صعدسيارته وراح تخبلت حسيت
السما وكعت عليه وخسفت بيه الكاع
خابرته كلي اني بيتنه واني شفته طلع من بيتي
وسئلتج نكرتي
...اني مانكرت
....اسمعيني للاخير
وربطت انو اني كتلج خلي اختج واخوج يجون يمج بس من اجيت شفتهم ماكو
بس برغم هذا جان اكوبيه جزء مصدكج من دكولين اني ماسويت شي
وانتي مدكدرين تلوميني يمكن لومواني متحكم بااعصابي شويه ولو اني مااحبج جان بنفس اليوم خليت طلقه براسج
وطلقه براسه وخلصت منكم
بس ماكدرت جان اكو شعور اقوة مني
خيال اني مارتاحيت بحياتي ابد جبتها من اني صغيرة
يوميه مصيبه بمصيبه
لهذا السبب تمسكت بيج وشفت بيج حياة مختلفه
حياة سعيدة بيت بي اطفال روح ضاعت مني
ولكيتها يمج
احلى يومين عشتهم بحياتي وياج انتي
احلى يومين حسيت بيها انو اني ملكت كلشي من زوجتج
ولكن فجأة وكعت بالحفرة
وماكو واحد ينجدني لاكدرت اعوفج
ولاكدرت اصدكج وهذولا الاحساسين ديخلوني اشعر بالمرض واحساس المريض الي خالي على الاوكسجين و وبدا الاوكسجين ينفذ منه وهو ديباوع عليه
اني مااكلج اني انسان جيد وماعندي اخطاء
بلي عندي وهوايه بس اني حبيتج لان حسيت بيج نقيه نظيفه الدنيا بعدها مموسختج
بعدج مثل الكزاز الي مصاير عليه غيار
دورات احس نفسي بسكوتي عن الي صار اني مو رجال
ودورات اكول لا اني يجوز ظالمها و انطيج العذر بلاعذر
مثل كل مرة
اني حياتي صعبه وعشرتي هم صعبه
اني انسان كلبي من زمان مات وشعور الحب بيه مات
بس انتي يلي صحيتي
لهذا السبب اني بس وياج احس نفسي عايش كل الناس اشوفهم بعيني لاشيء بس انتي اشوفج كلشي
اكوشغلات من تنكسر متصلح ومهما حاولنا نزينها مراح ترجع تمتلك نفس جمالها السابق ولاراح يرجع رونقها
اني باجر راح اقرر حياة بديتها وياج
من صورة رسمتها على اوراقي الي انسانه زوجتها ونامت بصفي
باجر راح يكون بينا الحد فاصل
اكذب عليج لواكدر اكلج اموتج بس اتركج
كلشي بالبدايه صعب بس بعدين نتعلم
......هيجي عندك اني سهله هيجي انت دشوفني ماعندي شخصيه و مسلوبة الإرادة
وتتصرف بحياتي مثل ماتريد
فوك كل هذا انت طلعت مزوج وماهتميت واجيت تبرر الي وكل هذا وهيج تحجي ويايه
.....اني مامحتاج ابرر اني فعلا زوجت على الورق وبس
......ههههه اي على الورق مبينه من شكلها وكلامها
كان زواجكم مو حقيقي
......اني مداكذب عليج وكلشي قبلج يعتبر ماضي مدكدرين تحاسبيني عليه
......هذا بااي قانون ماااكدر احاسبك
....بالقانون نفسه الي ديمنعني احاسبج
......اني اعرف بيك مريض لهذا السبب ابتعدت عنك
وعالعموم سوي الي تريدة بعد مااهتم
......تعرفين ليش لان انتي متحبيني بقدر حبي الج
وبااثناء كلامي
سمعت صوت بالحديقه سحبت المسدس جان على الكومدي الي بالمرمر فوك
ونزلت وعلما داوصل يم باب الخشب شفت الباب ندفعت
ودخلو جيش واسلحتهم موجها عليه
....كامو يصيحون بصوت عالي
....ذب السلاح
نداريت شفت خيال ورايه. رجعت وخليتها تصير بظهري
صارت هوسه واصوات عاليه ويصيحون
.....كنالك اشمر السلاح
شمرته بالكاع
واجوي عليه
....يله بالكاع دنك ورجعو ايدي خلف ظهري وشدوها
كل هذا واني اباوع على خيال
وشلون داحس كلبها. راح يوكف من الخوف
سمعت واحد يكول
....اختي لبسي عبايتج
هي جانت لابسه بجامه مال بيت وشعرها مفتوح
بلمح البصر راحت خيال لبست عبايه وخلت شال على راسها واجتي
واحد منهم كلي
انت زيدون
...اي اني
....تفضل ويانه
جانت خيال واكفه
.....زيدون وين تروح وين دتاخذو
.....دخلي جوه رجاءا
....عوفو شنو دتاخذه شسوة
.....دخلي خيال
......لتروح فدوة المن تعوفني اذا اخذوك يكتلوك
.....لتخافين
....لاااخاف عوفوووووو الله يخليكم
جنت اباوع شلون يفتشون البيت ويشمرون الغراض بالكاع
هو هذا بلدنا هاي حياتنا يدخلون بساطيلهم
يدسون بيوتنا وينتهكون حقوقنه
ويدخلون وينكشوفون على نسوانه معقوله بطلت
الغيرة بينا
اني مجنت خايف ولا كدرو يرجفون شعرايه مني
بس كسرت كلبي خيال
وصياحها وبجيها وشلون تمد يدها
وتريد تكمشني
عوفوووو لتاخذو ننطيكم فلوس شتريدون ننطيكم
جاوبها واحد
.....احنا مناخذ فلوس ماعدنا شي وياة مجرد استفسار
....استفسار بنص الليل
سحبوني وصعدوني بالسيارة
وجانت خيال واكفه تبجي
والناس كلهم يباوعون
وطلعوني وكاانما مجرم
الدنيا كلها جانت بجفه وخيال بجفه
اة من القهر العايش بينا وظلم الايام
ليش الدنيا هيج دسوي بيه
وصلت لمكان ما
وبدو يحققون ويايه واسئله واجوبه
بس اني تعلمت اتعامل ويا الاشخاص الي يحاولون يتعاملون ويايه بااسلوب قوي
اتعامل وياهم بااسلوب ايضا قوي ومابينهلم اني ضعيف
اجاني ضابط كلي
....انت شنو شغلك
.....مقاول
اشر للي ويا بالغرفه
انو يطلعون برة ويسدون الباب
كلي
.....اني كلشي اعرف عنك واعرف هذا الشي من قبل
مجاوبته
....اني مجايبك لان داريد أذيك اني اعرف انت تقاتل الامريكان قبل
....والمطلوب
....ماكو شي مطلوب منك بس اريدك تحجيلي..
....ماعندي شي احجي كل الي اعرفه كتلكم عليه
اني بالنسبه الي حجيت كلشي
....زيدون كتلك اني اعرفك واعرف كتلو مرتك وابنك
وهسه لازم تخاف على مرتك الثانيه
...... افهم من كلامك دتهددني
...لا مداهددك مومن مصلحتي
.....ليش جايبني هنا لعد
.....لان طلبو ان يتحقق وياك
....ليش
....يعني متعرف
...لا
.....شوف مختصر الكلام واحد مبلغ عليك بس اني اعرفك
ومراقبك من زمان واعرف انت ماعندك ارتباط بااي احد
هسه
......اي وهسه راح اطلع
....لااكيد متطلع
يتبع ....
#الكاتبه روجمان
