...لااكيد متطلع
....ليش
.....الدسم الي مثلك يفوت هنا ميطلع هههه
.....بس اني ماعندي شي
.....ماعندك شي ولك انت تقاتل الامريكان يعني انت اذا تنكتل محد يسئل عنك
......انت مودكلي جنت متابعك من زمان
يعني ليش مكمشتوني من قبل
..... رح تستغرب بس انت تعجبني عندك وطنيه ههههه
ولو اني مو وطني فتركتك براحتك
.....مدافهم
....اني مااريدك تفهم
.....وهسه شنو الي يصير
.....والله بعد هوايه وراك
..... مثل شنو
....هوايه
....زين شتريد حتى طلعني
.....قصدك فلوس
....اي
....السالفه موشغلت فلوس
...لعد شغله شنو
.....انت ويامن لاعب لعبه جبيرة وهيج صايرة
السالفه وياك
....ملاعب على احد
.....والله ماااعرف بعد بس خلي احذرك من شي
اكو ضابط متقصدك وراح يلعب وياك موخوش لعبات
....منو هذا
.....من شوفه راح تعرفه
..... زين اني اريدك ساعدني واكيد بمقابل
.....تريدني اطلعك قصدك صعبه
.....لعد شتكدر سويلي
....يعني عيني عليك اخليك بتوقيف ويا ناس مرتبه
.....ليش بالسجن اكو ناس مرتبه
.....هوايه
.....زين اني اريد تلفون حتى اخابر ويجبولي فلوس
.....اي تدلل
طلع تلفونه ونطانيا
همزين جان تلفوني بالبيت خابرت عليه وظل يدك يدك
وكلت بس لا راحت ومااخذت التلفون
....ورا هوايه يله جاوبت
.....الو خيال
.....حبيبي شلونك الله يخليك شوكت تجي
....مااجي هسه صعب
تحجي وتبجي وصوتها مبحوح
.....الله يخليك كلي انت وين داجيك كلبي نار عليك
الله يخليك اطلع لتعوفني
....ان شاءالله اطلع
بس اسمعيني زين بتلفوني اكو رقم اختي نور
خابريها وكوليلها خلي تسحب فلوس على كد فد خمس ملايين
واني اخابرها واكول لرجلها وين يجب الفلوس
ودزيلي الرقم مال نور برساله هسه دانتظرج.
......هسه ادزة
.....دربالج على نفسج
......اني شكوعليه انت الي دربالك على نفسك احبك
وسامحني اذيتك
الله يخليك سامحني بس والله ماسويت شي
الله يخليك ارجعلي مومشكله انت من تطلع اني اعوفك لان اني ماجبتلك بس المصايب من شفتني لحد هسه
.....كافي خيال لتحجين هيج لتحركين كلبي ترة الي بيه مكفيني
....احبك والله
.....الله كريم دانتظر الرقم وخابري نور وخابريني
....اي
مسحت الرقم وانطيته التلفون
كلي
....ترة خمس ملايين لاشيء
....ميخالف تدلل
....اي خلي نشوف
راح اروح شويه واجيك انت ابقه هنا انتظر
لحد ميدك التلفون
واجيبه الك
ومابيها عشر دقايق ودك التلفون
واجي يتمشه
جانت رساله بيها رقم اختي نور
ودكت خيال
...زيدون دزيت الرقم
...اي وصل
شفت الضابط راح بعيد
...خيال اكو فلوس بالمكتبه الجوة بالصاله جوة الكتب اكو صندوك بي فلوس اخذيها خاف تحتاجين
....اريدك الك
....الله كريم ولدكين على هذا الرقم ابد اني احاول اخابرج
....مع السلامه
.....الله يحفظك
طلعت الرساله واخذت الرقم وشفت اكو اقلام واوراق كدامي اخذت ورقه وقلم وكتب الرقم وضميته بجيبي
ومسحت الرساله ودكيت على الرقمً مال نور
....الو
....زيدون سودة بوجهي
...نور سمعيني خيال كلتلج
...اي
.....خلي افهمج اني موعندي شغل ويا رجلج واكو فلوس بينا اريدج تاخذين خمس ملايين
وكوليله لرجلج ينتظر تلفون مني اكله باجر يجي يجبلي الفلوس زين
....اي بعيني اوي كلبي نار عليك يااخويه
ليش هيج حظك
....الله كريم ولتخابرين ابد على هذا الرقم لان مال الضابط
....اي زين
....مع السلامه
...مع السلامه
وهم مسحت الرقم واجى الضابط ..
....باجر يجبون لفلوس
ينتظرون مني خبر
.....اي زين
هسه راح اخليك بالتوقيف بس مكان مرتب
.....اشكرك
...يله كوم
كمت وكفت وكمت امشي وياة واباوع المكان
والكلام الي بينهم
وفتح باب ودخلني لغرفه بيها جربايه صغيرة ومكسورة من صفحه وبيها كلوب
خفيف ولون الحيطان طوخ
تخنك عبالك كبر كلي
