ابي الغالي

ابي الغالي ١

#ابي _الغالي ١
#زينب _الموسوي
بسم الله الرحمن الرحيم
اسمي زينب قبل اسنين في موظف انتقل من بغداد للعمل في مصفى بيجي وكانت وياه موظفه مسيحيه من الموصل وحبوا بعضهم الموظف ابويه والبنيه امي ابويه تقدم لامي عدة مرات ومشى على اهل امي بس اهلها ماقبلوا وقصتهم نعرفت بالمصفى اضطرت البنيه تبطل من الشغل بس بقت تحبه وتمرضت حيل اتفقوا على الزواج والهرب وتزوجوا وخوفا من اهل البنيه راحوا على بغداد لان اهل ابويه هناك موقف اهل الولد كان سلبي وطردوهم بقوا سوا وتزوجوا بس ظروفهم ظلت صعبه حاول مره مرتين يكعود يمه أهله لحد ماقبلوا وعاشت وياهم البنيه وخلفت منه بنات اثنين فاطمه الكبيره واني الزغيره زينب ومرت السنين وبيوم من الايام تعرض ابويه لحادث سياره وتوفى اني مااتذكر شكل ابويه لان جان عمري سنتين واختي اربعه سنين بقت امي بعد وفاة ابوي مكسورة الجناح لاهل لاكرايب وبقت عايشه بيت جدي البيت مابيه بس عمي كريم وزوجته صبريه واولاده اسعد وامجد وبنته ذكرى وبشرى ذكرى جانت مختله عقليا وبيبتي عايشه وياهم عمي كريم طمع بامي وراد يتزوجها بس امي مقبلت لان جانت تحب ابويه عمي حبسها بالبيت لحد ماتوافق مرت عمي قررت تهزمها لامي حتى هم تخلص منها وهم لان مرت عمي نشميه وعدها وكفات حلوه ويه امي اتفقن ويه رجال صاحب تكسي وذيج الليله اني تمرضت باليل عمي اخذني للمستشفى وبقت امي حايره شلون تعوفني مرة عمي قنعتها تروح وبعدين تشوف طريقه توديني وراها وانهزمت امي اخذت فاطمه وعافتني وضاعت اخبارها سايق التكسي يكول صعدت سياره لاربيل واني بقيت عند عمي ومرته عشت وياهم ربتني عمه صبريه صح هي قاسيه شويه عليها بس سوتني مره عمي كريم جان يوميه اله شغله يشتغل ويبطل وهمين بخيل ويتشرط يعني يريد الاكل احسن نوعيه بدون ميدفع فلس عمتي صبريه جانت تشتغل كلشي طباخه بالفواتح والاعراس حفافه جده مال نسوان تضرب ابر تاخذ خيره تنظف بيوت كلشي تريديها تصير مره نادره قويه نظيفه كلشي تلكاله حل واني جنت المساعده مالتها تربيت على أيده جانت تضربني صح بس هم جانت تضرب بناتها حافظت عليه وعلمتني شلون اطلع عيشتي بشرف جانت تكول المره الي تنتكل على الرجال خارمه صرت احجي مثلها من عمري تسع سنين واعرف سوالف النسوان كلها اعرف شنو الولاده والنفاس والطلاك والزواج والسحوره والتابعه وغيرها وخلال هاي الفتره حاولت عمتي اكثر من مره تعرف اخبار امي ماوصلنا لنتيجه
تاااااابع