ابي الغالي
الجز 4
وظليت ابوس بيها لميت اغراضي اجه عمي
كومي قبل لايجون الولد التكسي بالباب شافتني عمتي ارجف صاحت كريم أمانة الله ورسوله هاي يا تيمه وظلت تعيط وعمي سحبني من ايدي وانطاني بوشيه كال البسيها وسألني اوراقج عندج
ايه حتى تفكير مابقى عندي عمي واحد ظالم وبعمره ماحبني لو ماجنت اشتغل واجيب فلوس جان طردني من زمان دخلنا منطقه نضيفه وحلوه دك عمي الباب طلعت مره سلمت علينا ودخلتنا اني حسيت اكو شي مو طبيعي بالموضوع دخلت للبيت مالها هاي زينب واوراقها عدها
ارفعي البوشيه ا ريد اشوفج صرخت انتم شراح تسوون بيه كولوا لا هسه الم عليكم العالم بالصياح على كيفج يأبه ترى اني داسويلج معروف وشايفتني كدامج حراميه انت تريدين تسافرين واحنا راح نكمل الفيزا طلعت تلفونهاوصورتني ودزت الصوره انتظرت شويه وكالت ياالله وافق السيد انطيني جنسيتج ماانطي ياسيد وشنو وافق انت لو عندج عصابه لو بيت مشبوه
هاي والله لسان هاي خاف تفشلني ويه السيد
هو مادمرنا غير السانها دوم تتشاقه وتضحك ويه الرايح والجاي يله نروح شوفي حبيبتي انت ظلي هنا هسه ونرجع اني وعمج وصاحت بنيه اسمها غصون ابقي يمها وضيفيها وين رايحين وجانت على حائط صوره لايه الكرسي وكلام الله راح تسافرين وطلعت اني ماريد اسافر جنت اريد انهزم للشمال وهناك اشتغل وادرس وبلكي احد يعرف امي ظليت بالبيت الوب جان وكت غداه البنيه جابت الغدا سألتها فدوه شنو الموضوع
والله ماعرف
وهذا السيد منو
هذا ابو الشركه فدوه ياشركه
امي تشتغل عنده بالبيت رجال جبير ويخاف الله هو عراقي بس عايش بالكويت ماادري يادوله وهذا البيت الي كاعدين بيه اله حتى ايجار مياخذ منا بين ميكمل بناء بيتنا سألتها شنوةعلاقته بالسفر يمعوده هذا الي بالدوله كلهم يعرفهم
يارب اني شورطني عمي عليمن باعني هذولي يتاجرون باعضاء البشر لو يتجارون بالبنات ماادري ورا ساعه رجعوا شفت المره انطت لعمي فلوس وراح عمي من شفت السالفه بيه فلوس عرفت الوضع مو تمام يله نروح هاج جنسيتج ماتحرك منا اذا مااعرف وين لاهسه اطلع على السيطره براس الفرع وأبلغ عليج اني شفتج انطيتي عمي فلوس لاتشوفيني زغيره عبالچ ماافتهم ليش انطيتيه فلوس
هاي مساعده لعمج من السيد علمود عملية عمتچ خايبه انتي حظج من السما من باچر كل ماتتذكريني تدعيلي بصلاتج اني اسمي حسنه ام محمد اشتغل عند السيد انظف واطبخ اله الرجال متزوج وماعنده اطفال شركاته مال نفط بالعراق والكويت وامريكا ورجال يخاف الله الصدقات الي يدفعها للناس الفقراء اكثر من شعر راسج وحجت عن اخلاقه هواي والسيد راد مني اشوفله مره يتزوجها للثواب رادها لو ارمله او مطلقه وهو محتاج مره لان مرته مريضه وبالكويت وعمج اعرفه من جنت بالميناء موظفه وحجالي عن مشكلة ولده وياج فكتله على السيد ورحت حاجيت السيد وافق كتله يتيمه لا ارمله ولا مطلكه وهسه شافج بالصوره وعمج سواه العقد وياه وصرتي مرته بابا انتي شتحجين اني ماريد ازوج اريد ادرس هذا عمي هسه ابلغ عنه بكيفكم تزوجوني وظليت ابجي حرام عليكم هذا شلون يخاف الله ويعقد عليها بالگوه ومنين سمع موافقتي
ولج انتي شبيح مخبله السيد تتمناه اي وحده وعمج وكيل عنح واني شويه واوديج لبيته ظليت اصيح ماروح هسه اجيب الشرطه عليكم
ولج السيطره براس الشارع الحمايه مال للسيد انتي صدوك متفتهمين خلينا نروح لبيته وهو رجال خير ومن يسمع قصتج راح يساعدج واذا عرف عمج مماخذ وكاله منج ميتقربلج وظلت تحلف دتعاي هسه احفلج وسبحي وبعدين نتفاهم مقبلت وحتى النقاب مانزعه محد يكدر يوصف خوفي بذيج الساعه والحيره وين اروح شسوي انوب هذا عنده حمايه وشلون قبل يتزوج بهاي الطريقه اني قبلها بكم يوم چنت بيت المدرسه منايمه لان بيت غريب
من البچي ظليت مااشوف زين عمتي صبريه جانت تدري اجتي المره كالت امشي اخذج للصالون واجيبلج هدوم
وخري عني يا هدوم بابا اني اريد انهزم حتى ادرس ويصير براسي خير
خايبه الخير كله عد السيد وكوليله اريد ادرس ولج الرجال محروم ويستحرم يسوي سوالف مو زينه وانتي زغيره بس تلعبين بعقله تصيرين خاتون
ا اخذي انتي بنتج
اني عجوز ميريدني وكامت تضحك بنتج بناتي كلهن متزوجات وهاي جنتي شوفي كولي السيد على عمج وانتي متدرين راح يساعدج وميتقرب عليج اني متاكده واعرفه زين والله حباب وعنده مخافة الله سيد فيصل مسامعه بيه وترى مو جبير كلش عمره ٤٠سنه ومن شاف جنسيتج عرف مواليدج كال خطيه زغيره بس اني كتله ميخالف سيدنا الزغيره بسرعه تحبل وتجيبلك الضنى كتلها تريدوني احبل همين وكمت ادك على خدودي شنو هالورطه يمه شوفي صوره بالموبايل والله مانتبهت عليه ا اريد مي بارد وين المطبخ دلتني دورت على سجين بالمطبخ وضميتها هسه شكلتي نروح لبيت السيد قريب ترى بداية الشارع وفضيها وياه مادري اخاف والله اخاف
والله لاتخافين والله ميغصبج ويشوفلج حل بس والله خطيه السيد عباله اليوم راح يعرس ميدري بعمج اخذ المهر وگلب
اني الخطيه خلصت من اسعد وامجد طلعلي هذا متزوج وشايب وحرامي مال نفط
اش ولج شنو هذا الحجي
تااااااابع
أنت تقرأ
ابي الغالي
Romanceالقصه تعتبر ثاني تجربه للكاتبه زينب الموسوي باللغه العربيه وهي قصه حقيقيه وتمثل حياة احد افراد عائلتها
