#ابي _الغالي ٥
#زينب_الموسوي
ودتني على البيت واني مثل الواحد حاكميه بالاعدام وصلنا دخلت لبيت جبير بس مانتبهت شنو بيه شافتني ارجف
شبيج وجهك اصفر وحلكج ابيض والله متعرفين مصلحتج دخلنا انتظرنا بالهول ورى شويه سمعت صوت سياره ورياجيل ويتباركون وصوت رجال مابين صوت رجال جبير تلكته ام محمد اني مرفعت عيني ابد كلبي يدك واحس الالوان بالغرفه كامت تتداخل سوا واديه عركت وكف گبالي
اشو العروس لابسه بوشيه خير انشالله
اني بيه طبع مالزم لساني بس بذيج الساعه مكدرت احجي كمت ابجي ام محمد كالت اني اروح وخليكم تتفاهمون صرخت وين تروحين وتعوفيني اخذيني وياج هو كال دشيلي النقاب ام محمد شالته وهو كال ماشالله گعدت بالكاع وضليت ابجي
ام محمد شنو الموضوع دك تلفونه ناس تبارك وهو يعتذر أن مكاللهم سد التلفون هذا جاسم الشرطي فضحني مخلى واحد مگاله السيد تزوج وكعد يمي شكو شبيج تبچين حجت ام محمد انت تعرف البنيه يتيمه وعمها مكاللها راح تتزوج وجابها يمي عبالها راح تسافر وتدرس وتخلص من ولد عمها گتلها نروح السيد ونحجيله
ام محمد مدام متدري حرام هذا الحجي بس غير تتاكدين اني اعتمدت عليج وگلتي تعرفين البنيه يتيمه وتريد الستر اجتي ناس بالباب ودك سيارات گال شوفي العالم الجايه كلها عرفت بيه متزوج شراح اگلهم اشاعه طلع على الزلم ودخلهم بالديوان وام محمد راحت للمطبخ تحضر ماادري شنو ردت اطلع تذكرت اكو حرس بالباب رحت على ام محمد والتالي شلون مبين مراح يعوفني بحالي
انتي لو بنتي جان ذبحتج ولج شوفي البيت شوفي الجاه وشفتيه للسيد طول وعرض وهيبه بس انت وجه فگر
اني فگر بس طلعيني منا راح اموت اجه السيد للمطبخ داياخذ الصينيه شفته يباوع عليه خفت ودنگت راحوا صاح لام محمد وبقيت اني بالمطبخ شفته صار عصبي واخذ رقم عمي ودك عليه عمي مجاوب جتي ام محمد عليه
تعاي يريد يحجي وياج جيت گال كوعدي عمو من گال هيج رتاحيت انتي تعبانه هسه وخايفه واني رجال معروف واصدقائي كلهم عرفوا تزوجت اليوم بس احنا عقدنا بيه غلط واني عمري مامشيت بالغلط تريدين نصحح الغلط تريدين اساعدج ووصلج لاي مكان تريديه براحتج بس بكل الا حوال متطلعين من البيت هذا لان الناس الي يعرفوني واصدقائي وحتى اهلي عرفوا تزوجت وعلى يمين الله مالمسج بشر ابد وحلف بالله تلث مرات انتي هسه بحمايتي گومي نامي ورتاحي شوفي اي غرفه وانطيج مفتاحه وعتبريني اهلج لحد متوصلين لقرار خلي ام محمد تبات وياي
انتي متعرفين الله مو حلفتلج ليش اني صدكت بيج انتي متدرين بموضوع الزواج يجوز متفق ويه عمج
تريد احلفلك ماادري
لاتحلفين مصدگج وانتي لازم تصدگين بيه
سكتت ام محمد وصلتني الغرفه الظاهر هو گاللها احجي وياها شوفي شلون انسان لو غيره جان بهذلج على الفلوس الي اخذها عمج ولج هذا ميتفوت حرامات لا وچماله يكول عليج حلوه وعجبتني امداچ فطيره شفتيه شلون نور عليه
اذا هيجي عاجبج اخذيه
والله الا ازوچه وحده تسوه راسج ظليت كاعده بالغرفه مادري حجيه صدوك چذب تعبانه الي شفته منه وجهه كلش نوراني واله هيبه بس مااكدر اامن بيه اذا عمي باعني الغريب شلون اوف
تاااااااابع
أنت تقرأ
ابي الغالي
Romanceالقصه تعتبر ثاني تجربه للكاتبه زينب الموسوي باللغه العربيه وهي قصه حقيقيه وتمثل حياة احد افراد عائلتها
