ابي الغالي

ابي الغالي٣

#ابي_الغالي٣
#زينب_الموسوي
ومدام امجد تهجم عليه اسعد مراح يسكت وعمي خو ما يطرد اولاده لان همه يشتغلون وينطونه فلوس يارب ماكو غيرك يفتحلي باب فرج  وعرف اسعد وگلب الدنيا اجه عليه واني بالمطبخ فاتحه العين مال الطباخ جرني من شعري وقرب وجهي من النار وكال ولج شوفي انتي الي واذا فكرتي تتزوجين غيري وجهج هذا اشوها وطلعه من البيت ماكو ومدرسه ماكو راح على ابوه گاله اني رايح لبغداد اسبوعين لان اطوعت بالجيش اول اجازه اجي اتزوج هاي الچلبه وأخذها لبغداد
طبعا امجد بعده مارجع للبيت اجيت على غرفه عمي كريم وعمتي صبريه ظليت ابجي على مدرستي ماريد ابطل وماريد اتزوج عمتي كالت عمه اني مابيدي شيى شسوي ورا شويه رجع امجد وتعركوا بياناتهم كلتلها عمه هزميني خلي اروح ابات يم بشرى وزوجها والعرك والصياح مالتنا التمت الجوارين واثنينهم يردون يجيبون السيد ويعقدون عليه همه من الصغر هيج اي شي يريد الاول يأخذه الثاني جيرانه مدرسه وتعرفني اخذتني كالت تعاي لواحد منهم يسويلج شي رحت عدها اني مابقى عندي غير حل انهزم احسن فكلت للمدرسه اريد باجر وثيقه ودرحاتي فدوه كالت ليش كتله اريد انهزم كالت الوثيقه لازم تتعنون لمدرسه معينه واني مااكدر اهزمج من بيتي اهلج يبلوني بلوه
ا لا عمه صبريه تهزمني
اريد صورتين
ماعندي
اني ادبرها اخذ من السجلات القديمه واريد جنسيتك وشهادة الجنسيه
تلكينها عد عمتي وعندي همين جواز سفر سويته على أساس اروح ويه عمتي وتعالج بس مدبرنا فلوس المره ثاني يوم كملت الاوراق اجه عمي كريم ورا خمس ايام كال الولد مموجودين وعمتج مريضه وذكرى محتاجه احد يغسللها اني كلت ارجع واوراقي عندي وباليل انهزم عمي بالطريق كال ولدي راح يتذابحون من وراچ اني ماريد اشوفهم واحد مكتول والثاني بالسجن شكد كتلج لاتتشاقين وياهم لاتصيرين خفيفه بست انتي طالعه على امج دايحه
وصلت على البيت رحت لعمتي لكيتها تبجي حضنتني
ابريني الذمه اخاف اموت
ليش شكو شصاير
لمي هدومج وغراضج بسرعه قبل لايجون الولد عمج راح يهزمك والله عمه على عيني طلعتج من البيت بس ذوله ولدي اخاف واحد يكتل الثاني واني ماعندي حيل كبل ولج انتي قطعه من گلبي امج عافتج عندي امانه وشگول لله اذا سألني عنج جنت اريد اروح لربي واني راسي مرفوع بس المرض والظرف صعب خفت من حچيه
عمه هو عمي وين راح يوديني
يكول تسافرين ماوصيچ بنتي لاتفرطين بالشرف واخذي شهاده وابريني الذمه
عمه مبرية الذمه دنيا واخرى
تااااااابع