ابي الغالي
الجز ١٥
اجه فيصل على الغدا كتله على شهادتي ادرسي بالبيت وعلى النت اكو دروس لان شغلة الكورسات تطول ست سنين سالته
هاي السعلوه ميسون انت خاطبها ضحك
اي لو متزوجها احسن هسه جان عدنا طفل
بس هي متريد اطفال تريد تخلف نساتل
اني كم يوم واتزوج بعقد لان تعدد الزوجات ممنوع بامريكا واخليها بالسر بالسر ومنو گالك اني اخليك تتزوج انت عاقد عليه رسمي اذا اخبر عليك تروح بيها
هي منين تعلمتي هذي السوالف
النسوان اول يوم اجوي عندي فهموني بس لاتخاف مااسويها اتزوج اذا تريد وجيبها هنا حتى اراويها نجوم الظهر
كام همزين تعرفين تطبخين عاد فلوسي مراحت بلاش
ردت اقهره انت ماعندك ذوق لازوجتك هدى حلوه ولا ميسون خليني اني اختارلك هالمره باوعت عليه عيونه طلع نار مرت الايام والناس تعزمنا ونرد العزيمه بديت اتعلم سياقه وصارت ام هادي صديقتي جان عدها اخ عايش وياها شاب بس مجنت مرتاحتله عينه عليه ويحب سوالف النسوان اسمه شاكر فد يوم حجيت لام هادي ان فيصل تاركني لان حاول وياي كم مره مقبلت حلف بعد ميتقرب حلفتها ميطلع الحجي كالت انتي تحارشي بيه رحت البيت وديتله اغنيه كلها طربگه وهو جان باجتماع فاتح الفديو وصاير الضحك عليه رجع للبيت گال انتي متستحين شنو گاعده اني بگهوه مراهق ودزيلي اغنيه موصوجج صوجي اني ظليت اضحك على الموقف باليل واني اسوي العشى فتحت نفس الاغنيه اجى للمطبخ وطفاها وگال هذا بيت مو ملهى اني ماسمع اغاني راح جاب هيد فون وخلاه على الميز مرت الايام جتي عليه بنيه متزوجه واحد من أصدقاء فيصل وطلعنا للأسواق شفت شاكر اخو ام هادي وسلم علينا وظل لازك بينا افتهمت منه أن أخته گايلتله على الي صاير بيني وبين فيصل وگام يحچي على فيصل وميستاهلچ وجبير لاتحجي على رجلي واختك متستحي تطلع سوالف عليه وعلى رجلي حجيها كله جذب وانت منو حتى تتدخل خابرت ام هادي وعاتبتها ليش تحچين مواني اعتبرتچ اختي بس اني غبيه ظليت خايفه اخاف الحچي يوصل لفيصل مرت الايام بديت ادرس واسوق وفيصل اشترالي سياره بس مااطلع الا بأمره لاحظت أن فيصل گام يجي باليل واهلها گاللهم الطفل وگع وحتى الغدا ميجي كنت حريصه بيته نظيف ملابسي محتشمه مااطلع اذا مااگله ومهتمه باكل ونظافته بس هذا مو كافي فيصل محتاج زوجه مو خدامه اتصل عليه بيوم من ال الوووو مالته عرفته عصبي
لج هذا شاكر الحيوان وين شافج
ياشاكر مااعرفه
اخو ام هادي جاي للمكتب يگلي اذا زينب عدها اخت منتزوجه اني اخذها
صدوك ناس متستحي خلي يولي معليك بيه هذا تربية امريكا حتى لو عندي اخت تاخذ هيج شكولات
لج دافور من الغضب ماادري شلون لزمت اعصابي شنو هالجراءه بعد متروحين لبيتهم ومتطلعين ابد
يعني ابقى محبوسه وانت هم صرت تتاخر ليش غيرت دوامك
موشغلچ وبدا يبتعد عني تمنيت عندي الجراءه واكسرهذا الحاجز وكم مره فكرت اروح عليه لغرفته رجليه متطاوعني
ظليت اتصل على بشرى بت عمي واسولفلها لحد يوم خابرت عرفت عمتي صبريه ماتت تخبلت مااعرف شسوي تمنيت اطير للعراق واصرخ والطم عليها بگد ماتعبت عليه وربتني ولو باقيه بصحتها مجان كل هذا صار خابرت فيصل گتله عمتي صبريه ماتت جايچ لكاني مگطعه شعري وابجي حضني وخلاني لحد ماسكتت گام يحچي وياي على كيفه كلنا نموت واحسن الها ماتت ترتاح وانشالله بس تاخذين الكرين كارت اوديچ على گبرها
اريد البس اسود
عادي البسي واقري الها قران وادعيلها
كلش حبيت موقفه وتمنيت الدنيا توگف وابقى بحضنه للابد اجوي صديقاتي وأخذوا من خاطري بس فيصل بقى مو بالبيت ماادري وين يروح ام هادي فد يوم گالتلي راقبيه روحيله للشغل
لا اخاف
عيني اذا ميريدچ اني اخوي جاهز وميت عليچ
شنو هذا الحجي ام هادي شنو اخوج ترى رجلي يحبني بس اني عاندت هواي وغير فيصل مااشوف بهاي الدنيا هسه يجيبه الشوگ الي
طردتها من البيت راحت الايام وجتي الايام مره اني بالصالون شفت هاي ميسون بالصالون
اوف
تااااااابع
أنت تقرأ
ابي الغالي
Romanceالقصه تعتبر ثاني تجربه للكاتبه زينب الموسوي باللغه العربيه وهي قصه حقيقيه وتمثل حياة احد افراد عائلتها