.
.
الحزن اللي أحسه من سنين
و لاحظوه الناس عامٍ بعد عام
.
و قلبي اللي كان للعالم معين
ما يعينه الحين الا هـ الظلام
.
الظلام اللي يجيبه الليل لين
راسي المُلقى على فراش المنام
.
صرت أكذب للبشر ماني حزين
وإني أقوى قلب ما بين الأنام
.
لين صار الوجه مسرورٍ يبين
وداخلي همي سكن ياكل ينام
.
يا حزن يكفي تبا توصل لوين
قلبي وده ينبض بدونك سلام
.
كل يوم أشوف أيامي تشين
من سبايب طلتك لي ع الدوام
.
ابتعد ... خل هذه أيامي تزين
والفرح أعطيه من شاني مقام
.
يا ذي أفراحي متى تنوي تجين
بعدك المؤلم عن أيامي حرام
.
زاحمي حزني أنا أدري تقدرين
تبعدينه عن حياتي بـ التمام
.
وإن قوى حزني شوي لا تضعفين
حاربيه و واصلي معه الصدام
.
لين ينصرك العظيم و تسكنين
روحي وقلبي وتنهين الخصام
.
.
