.
زيدي جروحي زيدي الله يخليك
قلبي من جروحك يغني أنينه
.
قلبي تعدى مرحلة كيف يرضيك
ما فيه أحد يرضى المحبة تهينه
.
لا ترتجي مني أحبك وأغليك
حتى تكوني في المحبة أمينة
.
أنا عطيتك كل ما أقدر أعطيك
وانتي على كيفك واللي تبينه
.
اليوم عندي حب وبكرة أعاديك
طبع الحياة متشددة ومستكينة
.
الحب ما يسأل يحملك ويرميك
كالريح ما تسأل شراع السفينة
.
اللي قبل مدة تعنّى لك يبيك
اليوم قلبه مات وكفّن حنينه
.
اللي وصل انه بروحه بيفديك
الحين يرضى ينام وانتي حزينة
.
الناس كُثّر وخالق الناس يغنيك
عن ناس كانوا الدار وكانوا المدينة
.
أنا بدالي 1000 إن كان يكفيك
وانتي بدالك بنطلون و فالينه
.
وتطمني إن متِ قبلي بأرثيك
ما أحمل ف قلبي لمثلك ضغينة
.
هذه الحياة ولازم شوي تسليك
لازم تخلي ف جوف قلبك كبينة
.
للناس يلي يسافروا من موانيك
أرواحهم تبقى مهمة و ثمينة
.
تكبر ف عمرك والمواقف تربيك
لين الجسد يطلق سراح الرهينة
.
ادعو عسى الله كل لحظة ينجيك
وما تكون روحك للضغائن رهينة
.
أنا كذا مزحي وقصدي أسليك
وف كل مزحة درس لو تفهمينه
.
فانسي الكلام اللي سبق ي معاليك
أنا "أحبك" و السبب تعرفينه ♥
.
.
