ـــــــــــــــــــــــــــــــــــــــــــــــــــ
هاليوم عِدّوني رحلت و إني
مالي بعد هاليوم روحه وجية
.
ولنه بعد موتي محد يرثيني
بـ كتب على روحي أنا مرثية
.
راحت وأنا جالس حياتي مني
وصارت حياتي كلها منسية
.
أمي وأبوي أخواتي وأخواني
هذه مصيبة ف حقكم جدية
.
ادعوا عسى الله برحمته يرحمني
ادعوا عشاني جهر و بسرية
.
والله يصبر كل من يعشقني
ويشيل هم الأنفس المبلية
.
اللي بفراقي ضايق ومتعني
وصارت حياته كنّها درامية
.
يبكي ويدعو انه بيلقاني
وسط الجنان وممسك بيدية
.
واللي كرهني عله يسامحني
و يفكر بموتي بإيجابية
.
كنت أعتبر كل البشر أخواني
و أعامل العالم بأحسن نية
.
بالمختصر ما عشت أنا من شاني
عشانكم كل الحياة مقضية
.
لا تزعلوا بموتي ولا تبكوني
واتذكروا ضحكاتي اليومية
ـــــــــــــــــــــــــــــــــــــــــــــــــــ
