#zainab_alnajar
ملاحظة
ما اعرف ليش صارت الاجزاء مخربطة .. ارجو تتبع تسلسلهن وقرائتهن جميع الاجزاء موجودة وكاملة
وتقبلو اعتذاري
القصة حقيقة اقدمها لكم بطريقتي فقط
افترقنا ولكني لازلت أرى عيونك في عيون الناس ترمقني وترميني - وصوتك وسط ضجة هذه الحياه يلاحقني وينبض في شراييني
_ حبيبتي.. اعذري تدخلي بس اني من بدأت اعتمر لاحظتج گاعده هنا صار 3 ساعات بنفس المكان ودموعج مابطلت تنزل .. اخذي هذا المي اشربي وتعالي ارتاحي شوية وارجعي رب البيت يسمعج بكل وقت وحين ..
،، وگفت جوان بس اختل توازنها گاعده من فترة طويلة ولا اكلت ولا شربت شئ .. صح دنيا ليل بس جو مكة حار ،،
،، سندتها دكتورة مها واخذتها بمكان بارد ترتاح بي شدتها هاي البنت حبت تعرف قصتها ،،
ارتاحت شوية ورادت تروح .. مها ضلت تحاجيها .. وجوان كانت محتاجة لأحد يسمعها ومايعرف هي منو ولا يلومها ولا يجرحها .. اكو بداخلها كمية ذكريات لحب أنسان يمكن ماعاد تتحملها
أحقاً اصبحت ذكرى في ثنايا قلبي !!
حبيبي مازلتُ اسمع صوتك يحفظه رأسي
ومازال قلبي يربكني بمجرد ذكر اسمك
ومازلتَ كل ليلة بطلاً لأحلامي
أبعد هذا تكون ذكرى!!
_ تسمعيني ؟
_ احچي حبيبتي
،، بنوته بيضاء عيونها سود وسيعة وضفايرها ذهبية اثنين منا ومنا .. عمرها 14 سنه تلعب حبل باب بيتهم وياها صديقاتها اثنين .. تگمز والضحكة مالية وجها الصافي بصفاء گلبها
شاطرة بمدرستها ومحبوبة تروح وترجع وماكو بالها غير تكمل قرايتها وتلعب
جوان هي الكبيرة وعدها اخت وحدة و واخوان اثنين صغار
هذا كان سنة 1997 ومثل كل مناطق العراق بذلك الوقت والمناطق مختلطة شيعة وسنة وعرب واكراد ،،، اعتذر عن المسميات اكره الطائفية بس لكون اتكلم عن واقع ،،
وجوان من عائلة سنية بمنطقة يغلب على سكانها شيعة اكثر
المهم ماكو تفرقة وعايشين بسلام
والدها اجه لهاي المنطقة طلع تعيينه بشركة صناعات ومعدات وكانت بعيده عن اهله هو من الغربية .. والتقى بوالده جوان وصارت قسمتهم وضل گاعد بالمنطقة علمود شغلة
يعني اهله واخوانه واخواته بعيدين عنه بس زيارات بينهم بفترات متباعده
الناس تحبه لان ماعنده اذيه على احد و انسان مسالة
بيوم رجعت من مدرستها شافت محل جديد مفتوح مقابل بيتهم
_ هلو ماماتي شسويتي غدا ميته جوع
_ هلا حبيبه ماما برياني سويتلج جوانه بس روحي من المحل الجديد جيبيلي خيار وطماطة حتى نسوي سلاطه ونتغدا .. شفتي من اجيتي مو
_ اي هاي منو صدك
_ هاي جلال جيرانه مو كمل معهد بعده ماتعين هم زين فتح محل قريب علينه وخلصت من روحة للسوق
_ اهااا .. خلي اجيبلج واجي .. ،،، عمو انطيني خيار وطماطة ،،
باوعلها جلال وابتسم _ هو انتِ صايرة طماطة هاي شنو لخدود ☺️ شبسرعة دزتج ماما بعدج بملابس المدرسة
_ 😄 اي جوعانة خبصتها
_ انتي بأي صف
،، وگفت على اطراف اصابعها كأنما تريد تزيد طولها _ اني بالثاني متوسط
_ هههههههه اي اي طويلة انتي عمو .. هاي المسواك مالتج .. يالله اعبري الشارع مادام الضهر ماكو سيارات
،، راحت جوان وهو يباوعها وبعدها ابتسامته على وجها وهو يشوفها من تركض وحركاتها الطفولية ،،…
…
جوان تروح لمدرستها ويه بنات خالها مشي جان بوقتها امان وماكو خطوط .. مميزة بجمالها وخفه دمها وضحكتها الحلوة وجسمها بارز قبل اقرانها من البنات طويلة وبداية انوثتها واضحة عيون الشباب كلها عليها وواحد منهم #جلال
هي مو على بالها احد بيهم .. الى ان بيوم دوامها الضهر كان وامها دزتها على جلال قبل لاتروح للمدرسة ……
_ عمو اريد باگله خضرة ..
_ ما انطيج هههه
_ ليش
_ لا تگولين عمو اني جلال
_ ههههه مو،انت جبير عمو
_لا مو جبير اني اكبر منج بس سبع سنوات
_ صدك 🤔
_ اي صدك… وهسه گولي اسمي يالله انطيج
_ راح اتأخر على المدرسة عم…. جلال انطيني خلي اروح
_ ههههههه هسه اي انطيج ادللي .. يالله تعالي اعبرج الشارع سيارات هواية… بعفوية طفلة لزمت ايده وعبرت الشارع وياه ودخلت البيتهم مبتسمة بس احساس جديد وغريب ماتعرف شنو بداخلها وخصوصاً من لمست ايده مثل فراشات تطير فوق معدتها ههههههه او تحس جسمها خدر
اجمل شيء هي الاحاسيس الي نجربها لأول مرة ونكتشف المحيط ونكتشف نفسنا بيها
