#zainab_alnajar
_ الووو
_ جوان البناتنا انتهى خلاص
_ الووو جلال
طفله انا رأيت الدنيا بعينيك .. قديسة طاهرة دنست برائتها بيديك
أأُصدق ذلك حقاً.. من احياني هو من يميتني ويغرز سكينه الايام بقلبي وتقولها بشفيتك !!
ماذا أقول للشامتين .. ماذا احدث السائلين
أمن احببت اول القاتلين !!
وانكسر جناح ذيج الفراشة تخلى عنها جلال وترك الكل يتكلم عنها .. تعدا الامر صديقاتها ووصل لمدرساتها.. الكل ينظرلها نظره ازدراء مستواها الدراسي نزل بعد ماكانت كلها طموح ونشاط .. صارت وحيده ماكو شي يسليها غير دموعها وذيج ضحكاتها الحلوه راحت ..
راجعه من المدرسة تمشي لوحدها منصيه راسها مبين بكل حركة منها انكسار روحها وقلبها .. كان ليث مثل كل يوم ينتظرها يطمن جلال عليها .. هذا كان وعده اله من اخذ قرار يبتعد عنها حتى يحافظ عليها من الناس ومن شر ابوه لان يعرف ابوه يسويها ويروح لأهلها ماعنده مانع
،،، ااااخ ياجلال شسويت بهاي الوردة وذبلتها هيج ، ، صعد دراجته بعد ما دخلت جوان لبيتهم
ليث عنده حقل مواشي يشتغل بي المنطقه حلوه قريب منها نهر كان يفوت قرب الحقل مالته وهو،معتني بي مسوي جنة
ليث صديق جلال من الطفوله ربو سوه يمكن علاقتهم مو اخوان لا اكثر روح بجسدين شويه اقصر من جلال ومثله تقريبا نحيل . عيونه كحيله وشعره عالي وحلو اسمر ملامحه رجوليه .. يحب بنية من اقاربهم اسمها روان وناوي يخطبها بس يوفر المهر .. وصل للحقل كان جلال ينتظره حتى يطمنه عليها گعد بالگاع
_ جلال مستحيل اسامحك على الي سويته بجوان .. كل ما اشوفها مكسوره اريد اضربك واخذ حقها منك
_ ليث لو نا على ايدك صار كلشي .. والله خفت عليها من ابوية
_ ضل خاف وضل لا تواجها .. تالي تخسر حبك وضل بحسرتها
_ بس شويه يهدأ الوضع واشوف فرصة احاجي بيها بهدوء واقنعه
_ نشوف تاليها… هاي روان اليوم ضوجتني
_ ليش
_ متقدملها واحد وتگول اهلي موافقين .. اگولها وانتي شنو رأيج تگولي اذا ارفض شأگولهم .. يمكن اروح ادز امي عليهم تخطبها شتگول جلال
_ اي خلي تروح الوالده واذا تحتاج فلوس لوكتها لا ادير بال اني عندك
_ امشي نرجع خلي اگولها لأمي
وفعلا راحت ام ليث وخطبت روان وثاني يوم اتصل ليث بروان
_ الو ها حبي شلونج
_ هلو ليث .. هاي ليش دزيت امك البارحة خليتهم يشكون اني گلتلك او،عندي شي وياك
_ لعد تريديني انتظر لما يوافقون وتروحين مني .. المهم گوليلي شنو گالو علية
_ والله المتقدملي عنده بيت وسيارة وموضف .. بصراحة اهلي مقتنعين بي ليث
_ شتحجين ولج روان .. رأيج وين .. وحبنا وعودج الي ماتعوفيني للموت هاي وين راحت
_ ليث اني مو بأيدي بكيف اهلي ما اگدر اعاندهم .. خلي اروح هسه هذا اخوية اجه باي
سدت التلفون وبقى ليث رافع السماعة .. هذا حلم لو واقع .. معقولة حبيت هاي الانسانة .. وينه ذلك الحب .
يحدث ان نصو من غفله لنعرف ان كلمات الحب كاذبه .. متى كان الحب كلام منمق يُقال بلحضات نشوه فقط وعندما يحين وقت الجد نُدرك .. كلمات الحب كاذبة .. نعم هي كاذبة .. الحب لن يكون كلمات .. الحب افعال تُرى و تُحس
.. مرت اسبوع وماكو اي خبر من اهل روان طلب ليث من والدته تروحلهم تشوف رأيهم .. ورجعت ماتعرف شتگول لأبنها جان ملهوف وبعده عنده امل حبيبته تقاوم علموده حاول يتصل بيها وكل مره يرد احد من اهلها
_ ها يمه بشري
_ يا ابني كلشي قسمة ونصيب روان قارين فاتحتها وجايبين نيشان .. بنات هواي امي اخطبلك التسواها هي خسرتك
كان قدح ماء بأيده شمره بالگاع.. لج ليش روان الله لا يهنيج تبيعيني علمود فلوس .. ياريت ماعرفتج بيوم ياريت ما حبيتج
اخذ دراجته وراح الجلال اخذه وراحوا للحقل .. كل واحد بيهم يشكي همه للثاني
باجر تعشك ويهواك غير انسان
واذا كلك يحبك مثلي لتصدكه
نعم تلكه اليحبك وانه اضن الكيت
بس كد ماهوويتك والله ماتلكه
اكثر من ابوك وامك انه اهواك
واظن باين عليه بساعة الملكه
خلص هسه انتهينه وعمري صار كتاب
خليه اعله رفك والمهم طبكه
ضل اسمك نبض فاضحني صبح وليل
يدك بكلبي سيف وتجرح الدكة
_ معقوله روان تبيعني .. معقوله غيري يحضنها ويخلي طوله ويه طولها لك جلال گولي حلم گولي
_ لا تضلمها يجوز مجبوره
_ لا باعت حبي ما قاومت لخاطري كل كلماتها كذب
،، اول مره يجيبون مشروب يشربون .. اثنينهم يريدون ينسون همومهم ،، بس هم ما ينسون بالعكس يتذكرون .. كأنما منشط الذاكرتهم .. او الاصح هم مايريدون ينسون .. بگد ماتعذبهم ذكرياتهم بالواقع هم عايشين بيها ومايگدرون يعيشون بدونها
مرت ايام ثقيله وقاسية وصعبة على جلال وليث وجوان .. الناس ما تنسى بس تعودوا على الكلام الي يقهر من يكون الكلام مو صحيح .. جوان كانت بالمدرسة تشوف وتسمع بنات يومية تصاحب واشكال يسوون .. هي ماسوت شي ولا بيوم انفردت بحبيبها مثل باقي البنات .. حبها نقي وبرغم كلشي ما غلطت وماگدرت تكره جلال
_ ليث تعال وين نروح
_ امشي جلال الخاطر ربك اليوم عرس روان
_ وشتريد تسوي راحت بعد
_ بس اشوفها مغصوبه لو برضاتها
راحوا على الدراجة وصلوا يم بيت روان وطلعت زفتها .. صفگه وفرح وهلاهل وليث يدور بين الناس على وجهه حبيبته لما شافها الضحكة مالية وجهها والفرحة مبينه بعيونها .. ااااخ يا ربيبه گلبي ما اصدگ الطعنه تجي منج انتي
يلحبيت غيري وكلت بس وياك
ادري اشراع غيري يطوفهه ابحارك
يلعشكك جذب وركه بخريف وطاح
ذبل حبك جفيت وخلص مشوارك
يلعفت النوارس عاشرت خفاش
يلهندس ضواك وخافته انوارك
مالومك ابد طبعك يحب اليل
مو خيال بس الضلمه مضمارك
الذيب شما تشبعه يغدرك منيجوع
ما رابي بمضيف يجوع يتعارك
يا تمساح دمعك جذب جان يطيح
ونه مصدك غشيم بهمك اشارك
_ شفتها مامجبوره .. شفت ضحكتها .. شفت فرحتها .. منو الغصبها بعد .. باعت وغدرت بأول فرصة .. اني ما مقهور عليها جلال .. مقهور على روحي الي حبتها
_ كافي خويه ماتستاهل بعد هي خسرت
_ لك جلال نار بگلبي شيطفيها
مرت تقريبا سته أشهر على فراق جوان وجلال كان يوم شتاء بارد بس الشمس دافية حلوه . جوان بالسطح تقرأ .. رجلها اخذتها تباوع لبيت جلال تتذكر ضحكته .. اشتاقتله هواية تمنت تحاجي وتعرف ليش هيج سوه بيها .. لحد هاي اللحظه ماتعرف السبب .. باوعت شافته بابهم هو وليث ويباوع السطحهم كأنما ينتظرها وهو،مايعرف بيها هناك .. من باوعت عليه صارت عينها بعينه هو خله ليث يصير گدامه مايريد احد ينتبه عليه يباوعلها صارت كل حركه محسوبه عليهم .. صاح بصوت عالي
_ ليث والله احبك.. ليث متفاجأة
_ لك شبيك تخبلت بعدين انتبه شيقصد صاحبه
_ ههههه اني هم احبك حبيبي .. وحضنه الجلال
جوان ابتسمت على كلامهم وهو الدنيا ما تكفي من شاف ضحكتها
اشرلها اتصلي هسه .. نزلت جوان راحت لبيت جدها تتصل تريد تعرف كلشي تريد تعاتبه شلون تركها تغرق وحدها
_ والله من خوفي عليج ماهمتني روحي جوانه ياعمري .. تخبلت من شفت دموعج.. شلون تبجين بسببي حبيبتي وطفلتي واحلى شيء بحياتي .. سامحيني وخلينا نرجع والله ميت بدونج حياتي عدم وماتسوى كلشي
_ جلال شلون نرجع والناس
_ محد يعرف ما امشي وراج وما اشرلج والله بس خليني اسمع صوتج حتى لو،كل فتره .. بس اشوفج من بعيد واطمن عليج تكفيني
_ جلال .. احبك .. لا تتخلى عني بعد ترى اموت
_ احبج جوان .. وما اترك حبج للموت
ورجع جلال لحب جوان الي ما گدر يستغني عنه
