#امر _القدر
الجزء الثامن
#zainab_alnajar
وعدتك أن لا أحبك ... 💗
ثم أمام القرار الكبير...جبنت
وعدتك أن لا أعود ....و عدت
و أن لا أموت إشتياقا... و مت
وعدتك أن لا أقول بعينك شعرا.. وقلت
وعدتك أن لا أكون ضعيفا ... و كنت
فلا تأخديني على محمل جد...
مهما غضبت.... مهما انفعلت
مهما انشعلت ...مهما انطفأت
لقد كنت أكذب من شدة الصدق
و الحمد لله أني كذب
جلال بهذه الاثناء بعد ماتصلحت علاقته بوالده قرر يفاتحة بخطوبته من جوان مره ثانية السكوت ماراح يفيده شئ بالعكس راح يخسرها .. بس ليث اقترح عليه يدخل ناس الهم خاطر عد ابوه عسا ان يكونون سبب ويوافق .. راح جلال على اصدقاء والده حجالهم وكان واحد منهم جيران وعلاقة ويه ابو جلال وابو جوان زينه .. يعني صديق الطرفين .. وعد جلال يحلها وصدگ راح على ابوه وحجه وياه
_ عيني ابو جلال ابنك يحبها للبنية شتسويله ياخوية
_ يطبه مرض شسويله بعد .. عيني ابو جاسم جيتك على راسي والخاطرك راح اخلي يخطبها
_ زين لعد اروح اشوف شيگول ابوها .. ولو هو شميكون غريب مو من ولايتنا بس ابنك بعد وگلبه وما يريد
راح ابو جاسم لأبو جوان وياريته ما راح
_ خوية اني ردت بنتك قبل فتره لأبن اخوية گلتلي صغيره بعدها .. هسه ابو جلال دزني ورايدها لأبنه مثل ماتعرف
،، ابو جوان ساكت منصي راسه مايعرف شيجاوب ،،
_ اي ابو جاسم وانت شتگول
_ تريد الصراحة انا لو،بنتي ما انطيها الهم .. هذا سكير هو وابوه شصاير عليك وانت بنتك الف من يتمناها انت رجال غريب وماتعرف الناس زين ابوه انسان متسلط وشايف نفسه على العالم
،، يهز براسه ابو جوان وهو يسمع هذا الكلام ،،
_ اي هايهية على رأيك ابو جاسم
_ زين لعد اترخص انا وهم اروح اگولهم ماكو نصيب
تعالوا نسمع شنو كان كلام ابو جاسم بيت جلال
_ عيني جلال هذا ابوها يگول لو يبقى بس هو ما انطي سكير وموخوش آدمي .. وبصراحة حجه كلام على ابوك ماينحجي
،،، يباوع ابوه عليه ،، _ هذا الكتلت نفسك حتى تناسبه .. لك انت بكلشي شالع گلبي حتى من حبيت جبتلي الاذية .. دير بالك تفتح الموضوع ويايه مره ثانيه سويت العليه وطلعت من خطيتك خلاص
مشاعر ملخبطه بداخلة ليش ابوها حجه هذا الكلام وهو دائمًا يحترمه
حس الكون ضاق عليه وصدره مخنوگ .. يعني تروح جوان مني !! لا ما اگدر اصدگ
اخذته رجله لعد ليث حجاله الي صار بس وهو يبكي مثل طفل وضايع من امه .. بكى بصوت عالي يريد صدره يرتاح واكيد مايرتاح
بقى باله مشغول على جوان .. لأن هي ماتعرف هو ارسل شخص لوالدها
صارت دنيا ليل رجع لبيتهم وهالمره صدگ سكران... بس سمع صوت عالي من بيت جوان .. ضن المشروب أثر عليه ويتخيل بس للأسف كانت جوان تحت ايد ابوها مره ثانية ..
_ بابا عيوني فهمني .. ليش تضربني .. والله مامسويه شئ
_ متفقه وياه يجي يخطبج موو .. گلتلج اتركي .. بس انتي ما يفيد بيج الا اموتج بأيدي يالله
،، يضرب بيها بدون رحمه .. كأنما رجل امامه مو بنته وماتنفع توسلات امها ولا بكاء اخوتها وصراخهم كأنما فاقد .. اخير شي لزمها من شعرها ضربها بالحايط ساعتها جوان فقدت صارت ما تتحرك.. ضربها برجله بطنها وطلع .. امها تصرخ .. موتت بنتي ياضالم
تصحي بيها امها ما يفيد گالتلها لأخت جوان صيحي خالتج بسرعة
اجتي خالتها ماتعرف شتسوي من شافت حالتها .. جابت مي غسلت وجها بيها نبض وگلبها يدگ بس ماتصحة
يخافون حتى ياخذوها مستشفى.. بعد تقريباً نصف ساعه فتحت عيونها بس مابيها تتحرك گصتها مجروحة .. سنها الامام مكسور .. جسمها كله آثار ضرب .. وجها الحلو كله كدمات .، وشعرها كله دم .. بس صحت بدأت تبجي .. ماما بس گوليلي شصار والله ما حاجيته بعد والله ماشايفته .، هو ليش ما يموتني بابا حتى ارتاح .، مابيه اتحمل ضرب ماما موتيني انتي .. انطيني سم .. اجرحيني .. لج ماما موتيني مابيه حيل بعد
_ گومي ويايه للبيت لا تبقين هنا بيت اهلج
_ عوفيني خاله بلكي يرجع يموتني
،،، امها دموعها تنزل طفلتها متگدر تحميها ،، _ روحي ويه خالتج ماما خلي يجي افتهم منا
،، بالگوه مشت وياها .. جسمها كله يوجعها ،، وجروح تجري دم .. وبالگوه تحجي لأن سنها مكسور ،،
من طلعتها خالتها من البيت كان جلال بالشارع .. عرف ابوها مأذيها .. بس شبيده يسوي .. راد يتقدم منها خالتها اشرتله يبقى بعيد عنها .. دموعه تنزل لحالتها وهو ماشاف منها شئ بس يشوفها ما تكدر تمشي لعد لو تشوفها شراح تگول !!
اخذتها خالتها اداوي جروحها .. بس ماتعرف جروح الي صارت بروحها نحفرت بوجدانها شنو يداويها .. !!
مرت يومين هي بيت جدها .. اجتي امها حجتلهم جلال خاطبها وكلام ابو جاسم .. حست خلاص كل أمل ماكو بعد .. وخافت من جلال يسوي خطوه ثانية وهي بعد ما تتحمل ضرب .. راحت امها وطلبت من خالتها ..
_ خاله عيوني اريد اشوفه اخير مره
_ ولج وين تشوفي اگعدي واسكتي هو انتي ماشايفته وشوفي شصار بيج
_ فدوه خاله گوليلهم أوديها للدكتور ونروح لمركز المدينة .. اخير مره احجي وياه
_ اسكتي هايهية كافي بجي .. ما يخالف راح اتصل اني بي واگوله يجي .. يم الدكتور ومكان عام .. شيريد يصير يعني
،، اتصلت خالتها بجلال واتفقت وياه بمكان واخذت جوان الي جانت صدك تحتاج دكتور لجروحها .. و دكتور لگلبها وهو .. جلال ،،
منصية راسها وجلال اجه من بعيد يمشي .. شلون راح يشوفها بهاي حالتها .. بعده بوجها آثار ضرب ابوها واكيد راح يشوف سنها المكسور
_ جوان !! .. حبيبي شلونج .. ارفعي راسج شبيج مامشتاقة تشوفيني !!
،، رفعت راسها جلال انصدم .. غمض عيونه ونزلت دموعه بسرعة ،،
_ جلال
_ عيون جلال وروحه .. عمت عين جلال الي يصير كل هذا بيج من وراه .. جوان گوليلي شأسوي .. اخذج وانهزم بيج .. ليش ابوج ماقبل وليش حاجي كل هذا علية وعلى ابوية
_ اسأل الدزيته شگاله لأبوية ومات كل أمل بعد
_ لا جوان لا تگولين هيج انتي الي اموت اذا تصيرين الغيري
_ جلال اسمعني .. اذا تحبني من صدگ عوفني وروح تزوج ابوس ايدك كافي مابيه اتحمل ضرب اكثر .. تعبت من كل شيء
_ شتحجين .. تتخلين عني
_ انت تشوفني بوضع اگدر اتمسك بيك !! اذا تحبني تزوج خلي الناس تشيلني من بالها .. مابية .. قابليه تحملي خلصت
،، بوسط شهگاتها ودموعها الي بجت الكل عليه .. رفع راسها مسح دموعها ،،
_ صار مثل ماتريدين راح اتزوج .. بس گلبي الج مو بأيدي انطي الغيرج .. واتمنى اموت ولا اشوفج بأيد غيري .. راح اتزوج لخاطرج بس حتى ترتاحين من عذاب اسمه جلال
راح جلال .. وهي خلصت دموعها بحضن خالتها .. مابأيدها شي عليها بس دموعها تنزل وتصبر بهاي الطفلة ..
فجأة شافت ابوها دخل للعيادة .. قطره دم مابقت بيها .. تقرب عليها وگفت خالتها بوجهه
_ ابو جوان بدون فضايح .. بنتك سوت الصح وجلال راح يتزوج .. سد الموضوع وكافي لحد هنا .. شوف بنتك شنو ذنبها .. غلطت صح بالاول بس هسه هي ماتعرف من جاي خاطبها .. فكر بنتك
نظرات عيون جوان الخايفه .. ونظرات ابوها الماتتفسر بين غضب وبين مقهور على الي سواه ببنته
قف على ناصية الحب وأعتذر
ذنبك اليوم مشاعر صادقة!
وأصمت أن عز الحديث او ثُقل فـ لك بالهوى عيون ناطقه
قضت عمر المحبة تذرف دما
على مدى عديداً من الخيبات وكثيراً من الطعنات
ماكتمت نفساً ولا اوقفت لك نبض
ماقتلتك فمتى قتيل الحب مات
هن شقوق فقط تتوسد أيسري
وجرحاً عميق لهم ينتمي
تدعو الله يبرئه
وينتهي
هذا الذي لاينتهي ..!
تصويتكم مهم
ورأيكم الأهم
ان شاءالله الجزء القادم يكون الأخير
