الشيطان بأيدي رحيمه

البارت ال12

#شيطان_بايادي_رحيمه
مريم السعدي
12
انداريت عليه رجعلي النضره بقينا عين بعين -
-  كارهتني مو
- جج
- لتكذبين عليه عيونج وارمه باجيه هواي
- يحجي بنتره ادور الحنيه بين عيونه ماكو مالكيتها كمت اباوع عالسما
- احجيي
- شحجي شكووول
- ليش باجيه جريت نفس وذبيته
- مااعرف تريد شي داافوت
- رحمه شبيج اني عضنفر وين قصصج وسوالفج اني جيت دااعتذرمنج كلتها ودنجت راسي
- مقبول اعتذارك وحقك باللي تكوله نطيته ضهري دافوت للغرفه جرني من ساعدي
- تعاي دنسولف لتروحين هسه
- شسولف مالي خلك
- اني خلكج ابتسمت اكعدي هنا اشرت عالياس كعدي
- اي كعدت تربعت وكعدت كعد بصفي
- شبيج شتريدين
- اطلع من هالبلوعه
- ههه وبعد وين تشتغلين
- اي مكان غير هالمكان
- ليش هلكد كارهته
- باوعت بعينه مستغربه تدري انت مااعدك احساس اكو وحده من البنات الفوك حتموت قهر على حبيبها
- ها منو
- وحده مالك دخل جريت نفس تحب واحد وانسجن عبالهم مات وجابوها اهلها اشتغلت هنا وهسه طلع عايش وكلوله كامت تشتغل شغل مزين وهسه مديقبل يسمعها صوته وحتموت عليه
- هاي زهره مو
- فتحت عيني باوعت بعينه انت شمدريك بيها

- اااالوحيده الجابوها اهلها زهره
- ها
- اي ووالحرس كلهم يعرفوها تره
- ممم بقيت اباوع بعينه انت صاعد فوك فد مره
- لا
- يعني شايفها لزهره
- ااااي شايفها بالصور
- حلوهً مو
- اي
- راح تخسر شغلها طبعا
- ليش عكدت حاجبي
- بمعود حتى المتزوجها يكوللها انتي مو زهره قبل روح شوفها بس تبجي وبغير عالم
- هاي شون شغله صفنت بداخلي كلت هاي حتسوينا مشاكل باجر ادز ام عيسى تسويلنا جاره واذا هاي ادز اسامه لو عمر  ضلت تباوعلي رحمه ابتسمتلها مبتسمت غابت عنها الابتسامه --- ادري بيج ضايجه مني
- غضنفر همست اهلي معافوني اختنك صوتي
- لعد باوعت بعينها راح تبجي --- هسه عوفينا من هالسالفه احجيلي قصه
- راح احجيلك
- اي اسمع كتفت ايدي مبتسم   ردت اطلع من الموضوع
- فد يوم جان اكو عاءله طلعت استقرت خارج العراق بسوريا بالضبط
- اي
- كانو اخوه 2 وخوات 2 وام واب اكثر من رائعين
- اي
- درت وجهي عليه من صارت احداث داعش ووصلت لنهر الليطاني  مكدرو يبقون ---عدهم سياره اخذوها ورجعو للعراق  بس وصلو للحدود نزلت وحده من البنات للحمام وكلها لحضات وسمعت رصاص وانقفلت باب كابينه الحمام عليها  واهلها اختفوا احجي وابلع ريك كلبي يتكطع
- رحمه !!رحمه منو هاي البنيه عكدت حاجبي مستغرب كلبي وكف رحمه باوعت بعيني وجهه انكلب كامت ترجف اندارت وكفت كوه مشت انسندت عالياس اني تبنجت مستحيل تكون هي ردت اكوم وصلت للشباكً نصت وراحت وسدت البرده وكفت وره البرده ---
- رحمه هاي انتي
- جريت نفس شهكت ابجي اي همست
- ليش محجيتي
- ماريد تنقهر عليه
- باعيني بس باعيني
- ماريد روح
- رحمه اني مااكدر اعوفج بهالحال
- معليك مني
- انت روحي شون اعوفج
- سكتت من كال هالكلمه فتحت البرده بهدوء مسحت دموعي باوعتله ابتسم بالم
- اطلعي
- لا
- لخاطري
- عضنفر
- عيون عضنفر
- حباب اريد ارتاح
- اني اريحج تعاي شوي نغير موضوع
- بلعت ريك ماشي جريت نفس طلعت من الشباك مشيت تقرب مني
- تعاي ويايه غمزتلها وكلبي نار اخذتها لوره العماره مكان دخول الروس الجبيره الحدايق  اللي تخبل غير مسموح لاي احد يفوت غيرهم تمشينا بيها جنت خايف لااحد يشوفنا بس نضرتها للطبيعه وابتسامتها المتفاحئه تسوه الكون عدي بقينا نمشي كعدتها بمكان كلش حلو كله ورد جانت تضحك وتباوعلي فرحانه
- متخاف ليطردوك
- جريت نفس وذبيته فدوه الج اباوعها معصوره روحي تقربت منها اريد احاجيج شوكت ماريد
- شون يعني
- اريد انطيج تلفون
- عدي
- فتحت عيني عدج فون والمن تحاحين
- ماحاجي احد بس اكلب بي
- زين اخذي رقمي اباوع بعيونه مستغرب---زين ليش مكتيلي عدج تلفون
- مسالتني باوعت بعينه انت لو سائل اكولك
- هزيت برجلي متوتر ماشي هاج رقمي صدك تعال انت ذاك اليومً مو شفته من طلعنا---- منتبهت   تصدكين
- موًمشكلتي لعد هههه
- ههه رحمه قربت ايدي من خدها تلمسته ابتسم
- حتى ابتسامتك قاسيه نصيت راسي للمسته ميلت بركبتي مااعرف شصار بيه من حسيت بدفو ايده
- هذا وجهج لو وجهه طفله توها جتي للدنيا
- هه بقيت ذايبه بيده رفعت راسي شفت نضرته تغيرت شبيك
- احجيلي كلشي
- شحجي
- تعرفين
- جريت حسره بعدت ايده كعد بصفي بقيت مدنجه جانت نضرته عليه مااعرف اوصفها حسيته يريد ينتزع الوجع من كلبي ---كتلك كلشي
- ووينهم هسه مسالتي مدورتي
- اني بنيه غضنفر وعمتي وحيده هنا وابنها كتلك مريض وجنتها لاعبه بيها طوبه منو يدور بس على الاكثر كتلوهم
- منو جابج لعد من انقفلت عليج الباب
- رجال وصلني للكراج ومن الكراج جابوني اهل الرحم بجيت مااكدر انسى هاليوم طول حياتي كمت ابجي بقهر نار احس تطلع من عيني
- الله يخليج لتبجين دمعت عيني مااعرف شسوي كافي رحتلج فدوه موتتيني الله ياخذني دكافي عاد تالي تالي اهووو سولفي سولفي وين قصصج الساطرتني بيها
- ههه كمت ابجي واضحك
- هههه فدوه لضحكتج محسيت بروحي الا واني احضنها قوي اووف ربي رحمه لتخافين اني موجود
- وخر غضنفر همست رغم كل حاجتي اله حضنه حسسني بامان ابويه باوعت بعينه
- تره قصدي شريف
- اعرف اعرف همست نصيت مبتسمه مسحت دموعي
- اليوم اني اريد احجي
- شنو
- اني جنت بالسجن
- سكتت صافنه صدك
- اي تدرين ليش دخلت من وره بنيه حبيتها وابوها حزبي جبير مرادني ولعبت بي خلقه واني مدلل ووحيد ابويه ومااتحمل احد يكول لا  توسلو بيه اهلي اترك الموضوع واني معررت بي  شكد حذروني تره يذبك وره الشمس واني ممهتم قابل شيسوي وقابل شيسوي ماعدي غير هالكلمتين ممتوقع حيذبني وره الشمس تالي بقيت بالسجن سنتين ارقى تعذيب تعذبت
- شسوولك فكيت عيني
- حب كلبج مشتهى ضحكت بسخريه وطلعت وره سنتين لاابويه وامي اخر نضره لحكت عليها وراها راحت البيت انباع وخواتي تزوجن وصفيت وحدي وره 5سنين طلعتيلي انتي --
- تدري كرار هم جان مسجون
- بقيت مستغرب شون عرفتي
- سجى كلتلي هو كاللها تدري هو قريب الشيطان بس احن مننه
- وانتي شعرفتي عالشيطان
- مااعرف وماريد اعرفه
- عكدت حاحبي ابتسم باوعتلها انتي مين طلعتيلي بابا؟
- ههه من الطابق الخدمي
- خليت ايدي على ايدها رحمه اريدج اني
- ابتسمت اضحك نصيت راسي
- جاوبيني
- شجاوب
- تحبيني همست
- هزيت راسي اي كومه
- هه فدوه لحلكج يله  كومي اووف نرجع بمكاننا اامن
- تمشينا سوه كتله--- بس اني مااقبل ابقى هنا ومااقبل بيك اذا متطلع تشتغل غير شغله حسيت عصر ايدي قوي اندار تغيرت ملامحه صارت تخوف --- شبيك
- ماكو طلعه منا
- ماه ماابقى
- اقتلج
- والله تخوصرت جريت ايدي منه
- رحمه مو مشينا حلو وسولفنا سوه واعترفتلج
- ماابققققى هناااا
- باوعتلها بغضب انتي تسكتين لو شون
- وخر اروح وحدي مشيت سريع وهو ورايه يصيحلي همس لج تعاي خرب تعاااي --- مااشوف الا جلب شكبره عاط بوجهي يصيح وكعت بالكع من الهبطه حسيت روحي احد جرني بس شنو من خفه تك ايد جرني قوي وراه صاح جاااك كام داون
- مالمن هذا ماما يخوف
- لتخافين لتخافين
- بقيت صافنه الجلب سمع كلامه وكعد راسن بعد ماكان هايج ويخوف سكت وهدا كعد يم رجله
- امشي امشي روحي للغرفه بسع
- رحت بسع وطبيت وعيني عليه طبيت ركض اشرلي كال باي بايده ومنصي على راس الچلب مسد بي راح من يم غرفتي  اكيد كلب الحراسه ويعرفه متعلم عليه نمت والصبح سمعت دكه تلفون الصبح رديت وسكتت
- الو رحمه اني جريت نفس اني غضنفر شبيج
- هه عبالي غير واحد
- منو يعني يدك عليج
- والله ماعدي احد صباح الخير
- صباح الخير عيوني
- يله كعدي داروح لجامعتي  واشوفج قبلها
- ماشي كعدت زين المن الحراسه
- كرار موجود
- ها خوش يله وينك وكفت يم الشباك
- هههاي صباحج ورد اشرقت شمسي
- شنو هالغزل ابتسمت نصيت
- تدرين شون حلو منضرج من مكفوشه الصبح ههه
- روح متعطر ومتحضر للحليوات
- ماكو غيرج تملي عيوني
- ههه يله روح  بباي
- هلو رحومه بقيت اباوع عليها من تمشي غزال تعب كلبي وعناديه شكت كلبي طلعت من الغرفه واني طلعت من الحديقه  رحت لبيتنا صار كم يوم بالشهر نلتقي وكرار افندي ميدري مو خوش حراسه بس اذا اكوله يشدد راح تنلاص علينا  داومت ورجعت نمت
- رحمه- مثل كل يوم كملت شغلي للعصر شفت غرفه ست عائشه شاغره مشتغل الضوه الاخضر صعدت انضفها سمعت صوت بغرفه ست  زهره صياح رجال بقيت واكفه اتصنط خايفه عليها سمعته يكول--- شتردين بعد فلوس من دون الداانطيها للشيطان داانطي هدايه وذهب وانتي مو عاجبج الف وحده غيرج اكو لج واحلى منج بعد بس اني روحي بيج
- زهره- اسفه حبيبي شويه مريضه
- ولج يامريضه طابوكه صايره ويايه لا احساس لا عاطفه باعي لو تجرين عدل لو انهي كلشي والله واروح لشيطانج اكوله هاي متريح
- لالا والله التريده اسوي
- اني ماريد هيج اريد مثل قبل باحساسج الحلو لو اريد بنات اروح مكومات بس ردتج الج لان عاطفيه وحبيتيني ---
- رحمه- سمعت صياح الرجال وبجي ست زهره وتوسلها بي جمدت كلبي انمرد عليها لو اني منها انتحر ولا هالذله الله لا ينطيك شيطان نعله الله عليك  طبيت للغرفه مال عائشه كملت شغلي يمكن اكثر شقه وصخه غرفتها كملت شغلي ورحت نزلت متحملت بعد تمشيت للمطبخ صارت بوجهي ساسي ابتسمت وراحت فوك تودي العشا للباشا الفوك يم زهره ام عيسى دتصب للولد --- شنو وين سجاوي اشرتلي بعينها عالمرجوحه وي كرار ابتسمت باوعتلهم يتبشبشون وهي ميته خجل وهو هم عين عالمطبخ وعين عليها --- شونً حلوين
- اي عصافير ههه
- ام عيسى انخرطت من الجوع
- هسه حنصب
- خاله صار شكد تشتغلين هنا
- صارلي من باعو البنات البيت ---بت عمتي  جانت تشتغل هنا وتعبت وكالتلي عليه وجيت
- زين  متفكرين تطلعين منا
- وين منا باوعتلها ومنو يطلع من الحنه انتي غبيه بابا
- اي غبيه اني مدااتحمل بعد هالسبوع اطلع بس استلم راتبي
- صدك تحجين
- اي والله
- زين مو عقد3سنين
- شسويلهم طبهم طوب
- ولج عليج دفع غرامه ماليه مال عقد 3مليون
- بقيت صافنه ليش
- مو   موقعه عالعقد اذا بطلتي تدفعين غرامه
- اني شعليه من الغرامه قابل مكسره شي مشتريه شي
- لج بابا هاي عقد هيج
- بقيت صافنه شعر  راسي وكف شنو فلمهم
- اكلي صبيت لتصفنين
- ام عيسى وين بيت الشيطان وين اكدر اشوفه
- ليش عكدت حاجبي ولج صوتج ليسمعج كرار
- واذا  خلي يسمع كوليلي وين مكانه وكفت اريد احاجي اريد اشوف شنو من ضلم وجبروت وطاغيه
- باعي يمه الشيطان منندل بيته واصلا محد يفوت بيته اي جنس غيره شي مستحيل
- لا والله لعد خل اسال الخارس مالته كراركرار
- لج تعاي مخبله دتسوين
- كرار-شكو خاله شبيها شبيح رحمه
- كرار وين الشيطان اريد احاجي
- خهه تحاجي
- اي ليش مستغرب
- ميستقبل احد
- ليش بله ملك
- اكثر
- اله الا اذا اله حتى الاله هم يوصلوله يعبدوه انتو المكبري بابا اني بعيني صفر وديني عليه اريد ابطل
- هاي شبيها رحمه شبيج مو كده انتي تره ترحين وره الشمس
- خههه ليش اني وره الكمر يابه دطييير
- احترمي شويه
- مااحترم اللي ميحترم  نعمه الحر مسوينا عبيد العار انت رجال طول بعرض شنو خايف منه باوعت لسجى هو هذا حبيبج جبان حرامات الخشونه النطاها اياه ربج
- سجى- شبيج رحمه اهداي لتصيحين
- عوفوني خابره كراررر خابره كدامييي كله خدامه تريد تعوف العمل
- كرار-رحمه تره دتلعبين بالنار
- عسايه بحرك انشاء الله دك تلفون كرار وجهه تغير باوع للكامره دفعني كعدني واشر اشش وجهه كام يضرب الوان رد --- الو سيدي لالا ماكو شي
- هذا هو همست رجف كلبي خفت شون عرف معقوله غضنفر كله لو هو هم عده كامرات او يجوز سمعو صياحي الولد وخابرو انسطرت ومتت خوف كرار انهد حيله يباوعلي ويعض بشفته متحلفلي سكتت خنست مكدرت كلشي احجي ها شبيج رحمه وينها عرامتج مو تردين تشوفي ---حجايه ام عيسى براسي ميستقبل اي جنس مخلوق ---- لازم اشوفه واحاجي لاااازم اترك العمل تعبني التفكير تعبت------
- يتبع
-
-
-
-
- 
-
-
-