الشيطان بأيدي رحيمه

البارت ال15

#شيطان_بايادي_رحيمه
15
- [ ] حسيت بغرفه بيضه جدرانها  والبردات بيجي  والغرفه  اخشابها شمعي  ضليت اتلفت وين اني شوي شوي تذكرت الصار خليت ايدي على راسي ابجي منضرها براسي زهره الحانت مثل الزهره محد يتحمل عيشتها وكعت بحفره مكدرت تطلع منها ومحست الا وهي مطمومه بيها  الله يرحمها اني وين هسه كمت اريد اوكف دايخه مدااكدر شفت كلاص مي ودولكه يمي شربت لحد ماركزت عالغرفه وكفت فتحت الكناتير فارغه واخر واحد بيها مخاد مصفطه  واحد فوك اللخ شنو الفلم وين اني تذكرت عضنفر صدك اختنكت تذكرت من كالي حارس كامره وبعدين كال مربوط طلعت كلها منه كلللها منه فقدت كمت ادك بالباب قوي واصيح فتحولي البابببب محد يرد فتحوهااا فتحووووها دكيت قوي محد رد تعبت كعدت بالكاع ابجي
- [ ] غضنفر- اسمع صوتها تبجي والوب بالغرفه كامت تدك بالباب قوي وتصيح  انهارت تقربت من الباب لو بس تسكت ترتاح حتموت روحها روحي تمرغلت  وياها يربي بس لو تهدا سكتت وره الباب تونً وتبجي وتسب بيه كعدت وره الباب خليت ايدي عالباب وراسي رجيته اسمع نفسها وونتها  غمضت عيني لو بس اشيل الوجع منها وانسيها المنضر الشافته تذكرت من انهارت  وحضنتها حضنت روحي وكتفت ايدي اتخيلها ببطن حضني مراح اعوفها ولاخليها تروح حنسيها كلشي راح ادللها واح اطلعها من حزنها نزلت اتصلت بام عيسى اجتي ووياها الاكل اخذت العصير طحنت بي حبايه مهدا تنام من تاخذها صعدت ام عيسى الصينيه سمعت صياحها ام عيسى كلشي متحجي بس هلت الصينيه وطلعت رجعت قفلت الباب
- [ ] رحمه- من طبت ام عيسى توقعت اني بوحده من شقق الفوك بغرفه من غرفهم واكيد الشقه اللي مو عليه  لان مشايفتها طببت ام عيسى الاكل   كمت اصيح واعيط عليها عافتني وطلعت مجيت يم الصينيه ابد اروح واجي بالغرفه ردت اكسرها بس مابيه حيل كمت اباوع من جوه الباب اريد اعرف وين اني  تعبت وجعت تقربت من الصينيه اكل متت جوع كملت غسلت بحمام الغرفه ورجعت تمددت كمت احس بدوخه تروح وتجي ومنضر زهره دمرني كلسا فازه غفيت  واحلامي تفززني بس مااكدر احرك جسمي حلمت بغضنفر نايم يمي جار راسي حاصره بركبته  يشم بيه حلم  خلاني اطير باحساسي وارجع اتذكر غضنفر مو هذا الحبيته وحسيت بامان وياه غضنفر الشيطان  اللي ماشي بدرب قتل عذريه الفقيره واحساسها نفسه القتل زهره  حسيت بدفو نفسه بركبتي حسيته يشهك ويبجي حسيت بدموعه  بللت ركبتي كل هذا حلم
- [ ] غضنفر- غفت وشفتها بالكامره الداراقب  بيها   ساعه 12بليل  وحدي بالغرفه اللي حسيت بامان وياها واحب كعدتها واحب كلشي بيها بصفي هياتها خطوتين اباوعلها نايمه بالتلفون تعبتني مراقبتها زين بس اشوفها واطلع ماسوي شي لالا مااطب زين هي غافيه ومتخدره عالنص متحس والله اي بس اشوفها واطلع وصلت لباب غرفتها بقيت صافن جريت نفس غمضت عيني فتحت الباب بهدوء   باوعتلها مكشفه  مكنفده   بردانه تقربت غطيتها دفيتها من تقربت عطرها وريحه  شعرها  تعبتني بقيت اباوع عليها قربت روحي اوف ربي اف شون بيه شون بروحي كعدت عالميز البصف الجربايه باوعت عليها تعبني منضرها الهاديء البريء اني ملوث بوحل  وانتي نضيفه شجابج بدربي شجابج على كلبي  شورطج وشورطني طلعت من الغرفه مومال ابقى اخاف عليها وادري بروحي نكس وكلشي اريده لازم اخذه طلعت وصلت للباب مال غرفتي مدااكدر قابليه مضلت عدي  انهد نص حيلي ببعد خطوات ماريدها تطلع من كلبي رجعت للغرفه مالتها بس اتمدد يمها واشم عطرها اريد من نضافتها تصير بيه نمت يمها واخاف المسها قربت نفسي الها جريت نفس طويل اوف يا الله صبرك جريت راسها يم ركبتي  حضنتها قوي رجفت روحي اخ كلبي اخ كمت اجر مونفس  كمت اجر سنيني الفاتت ايام عمري مشت كدام عيني بوصاختها ونضافتها  احس روحي حنكسها متصلح الي هالبنيه اضلمها اذا صارت الي  اختنكت حييييل صار شكد مباجي اتذكر اخر مره بجيت باول تعذيب تعذبته كمت اصيح يارب انقذني اخر مره اخالف كلام ابويه ومحد يسمع ايام واوقات حسيت بيها حتى الله ميسمعني استغفرك ربي واتوب اليه كمت اشهك وابجي ضميت راسي بركبتها باحساسي ماكو شهوه الموجود بس  حنان ام  وهي اصغر مني يمكن ب12سنه  بس حسيتها اكبر مني تعبان ياربي والمشيت بي درب اضلم مامنه رجعه حسيتها حتكعد ابتعدت باوعتلها مسحت وجهي   وطلعت  من الغرفه حسيت اخذت حصتي اليوميه منها احس بنضافه جزء بيه  من تقربت من حضنها رغم هي نايمه ----
- [ ] رحمه - مرت يوم يومين واني بين النايمه وبين اتصنط عالباب اريد اسمع اي احد  ماكو  الاكل شوكت جابو ام عيسى مال حرك احركها   على غفله اصير اعصاب على عفله اهدا وابجي حسيت روحي غير مسووله عن انفعالاتي  بس من اصفن افكر وين ممكن اكون ايداني بشقه من الشقق ولان شفت وعرفت كلشي حابسيني وافور واكوم اصيح طلعوووني منااا  طلعوني حقير شيطان الله يحشرك بنار جهنمممم شيطااان  وارجع اتعب وازهك من رفضي للاكل لحد ما ايست مر 4ايام  كمت اتعب واختنك ومااكدر انام الا اكل وره شوي احس بتعب ودوخه وانام عاندت مااكل يوم يومين والثالث  تطبب الاكل والصبح تجي تاخذه منلعوب بي حيل مبقه بيه بس متمدده وهادئه
- [ ] غضنفر- ها ام عيسى مااكلت
- [ ] - لا والله مااكلت لك عيني صار 3ايام شون
- [ ] - استغفر الله اراقبها بكامره تلفوني  والوب بس متمدده اكل متاكل حتى تاخذ المهدا وتنام اشتاقيت لعطرها واخاف اطب وتنهار بس بعد 3ايام بعنادها مكدرت بعد طبيت ب1بليل للغرفه وبيدي الشوربه والعصير اول مطبيت للغرفه فزت كعدت برطمت جانت  صفره وباهته ملامحها تعبانه حيل باوعتلها بعتب  بقيت واكف بالباب اخاف ادخل تنهار والله هسه تموت مابيها حيل  شفتها بقت ساكته تقدمت خطوتين منها رحت يم الصينيه دفرتها برجلها صاحت ماريد
- [ ] -اشششش لتدفريها هييي نعمه الله
- [ ] ههه هو انت تعرف الله كمت عليه كمت اضرب بي  بكل قوتي وهو كام يرجع عالحايط لحد ما وصل للحايط انسند عليه  واني مستمره بالضرب  غمض عيني ومدفعني ابد عافني اضرب بصدره  بكل قوتي لحد ماحسيت روحي غابت عني مكدرت اوكف بعد سمعت صوته صاح ---رحمه شبيج رحمه
- [ ] غضنفر- راحت روحي من وكعتجريتها كعدتها عالجربايه تعاي -جريت معصمها ضربيني هزيت راسي اي ضربيني بس لتاذين روحج
- [ ] - همست عوفني انت حقير
- [ ]  - جريت الاكل وكلتها كوه تبعد وجهه حصرت فكها بين ايدي اجبرها عالاكل  كوه اكلت لكمتين وشربت عصير ودموعها تحري وتسب وتلعن  -- تعاي نامي تمددت غطيتها وطلعت وسديت الباب صارت المرايه اللي بنهايه الدرج بوجهي عكست ملامحي القاسيه رغم ميت عليه خوف بس جانت ملامحي قاسيه وتخوف كعدت عالدرجه الاولى مخلي ايدي الاثنين على راسي تعبت كوه سيطرت عالبنايه من الفضيحه محد انتبه على وجودي بحادثه زهره ولفلفنا السالفه بكم مليون لاهلها تعبت روحي بلحضه امول انهي كلشي وارجع اهدا من وره بنيه هيج يصير بيه طول عمري من وره النسوان اذب روحي بتهلكه ---
- [ ] يتبع
- [ ] عدروني تاخرت عليكم صار ضرف طاريء عدي
- [ ]
- [ ]
- [ ]