#شيطان_بايادي__رحيمه
26
مريم السعدي
غضنفر - ضعفت وحسيت روحي مي بايدها متوازنت كدامها ولا عرفت نفسي الا بين ايدها وهي هي مويمها. تركتني براحه ومشاغل بالها ابد حسيت نار بكلبي شبيك حضي شبيك حتمووووت من وره النسوان صرت اعصاب ومااكدر اصيح طبيت لغرفتي شلعت الشاشه الخاصه بالمراقبه هطرتها بالكاع وتمددت اني المشكله بيه اني ناقص ومورجال احس اعصابي ترجف كمت الوب اريد اروح اضربها اطردها طلعت للبستان حيصير شي بيه حسيت راسي حيطك نزلت صار بوجهي كرار عينه حمر باوعتله عاكد حاجبي فرك بوجهه وعينه عرفت بي شارب خرب حضي واحد انكس من اللاخ كررا
ها غضنفر
منين جبته
شنو
الشرب نصه راسه كال
ولد وصيته وجاب
عدك بعد سالته بلهفه ضل يباوع بعيني
اي
طيني
هاي شنو
طيني ششايفني ملاك هو اني شيططان
غضنفر شبيك
مبيه شي انترشكو شارب انت
نصيت راسي
هو شنصه راسنا غير النسووووان
فتحت الديلاب طيته واحد فتحه بدقيقه جره بعصبيه وشمر البطل وكعد بالكع جريته من الباب الجان مرتجي عليها باب الصاله وسديت باب الصاله عرفته موزين يمكن مشتاف لرحمه ومديكدر ينزل راس هي هم دمرته نام بالصاله يمي بيومها وضر يخرط ويصيح حتى بجي بجه عفته واني منا روحي تلوب على سجى تكابلنا ثاني يوم كعدنا راسنا مسطووور وقافلين فد نوب بينما اكلنا وسبحنا يله صحصحنا طلعنا عالبستان مفاركني بيومها واحسه ضايع حتى على بنته مراح ويباوع على باب الغرفه من بعيد بتعب يخاف يقترب وكلما ام يوسف تروح تودي اكل يلتفت من تفتح الباب يتامل لمحه منها غضنفر صار لعبه بيد رحمه وميريد يتنازل ويعترف بغلطه ورحمه قويه رغم صغرها عرفت تروضه مرت الساعات واشوفه يحرث بمسحاه بيده بكل قوته وبعصبيه شارد بتفكيره. فلاح من الفلح مااجه اليوم وهو سوه شغله حتى الي مكلي بس ساعدته واشتغلت وياه سمعنا الفلح يحجون انه الفلاح الغايب ابو ورده اليوم صاعد ضغطه علًى عينه ومتخربط ضل غضنفر صافن عاكد حاجبه باوعلي تقرب وبيده المسحاه شمرها سالني وين بيتهم هالفلاح
كتله هنا يم العرصه
كال وديني اروحله نفضت هدومي انقهرت كلش يمكن محتاج مساعده بالعاده الفلح شغلهن يوم بيومه اكيد محتاج شي حتلو طبيب وافقني مرار ورحنا وصلت بيتهم كان بيت جدا بسيط دكيت الباب فتحتلي مره جبيره بيدها عكازه طبينا بعد الترحيب شفنا نايم خطيه رغم هو انشط فلاح عدي بس المرض اخذ منه حصه كعد كدامنه بس تعبان خطيه كال اني مقصر
لايابه حشاك كرار اخذ مكانك اليوم اي شي تحتاج اني موجود اني مو بس صاحب الكاع مثل اخوكم
اي والله عمي مانشوفك غير هچي انه كلاتي وكفت وبس اتحسن اجي
مطولنا بكعدتنا جنت جايب مسواك تارس البيك اب وخليت فلوس بايد الحجيه الطلعت وطلعنا ارتاحيت حسيت روحي داامشي صح هواي خربطت واكو شغلات متتصلح باوعت لكرار مو بعالمنا يمعود شبيك
مابيه وياك استاذي
ممبين والله. رجعت للبيت غده ومشه الوكت بنومه للمغرب رحمه محال اوصل لغرفتها بعد طلعت بليل للبستان حرمت اشرب بعد معدتي راسي ولعبان نفس كلها مكلوبه تمشيت بين السواكي شفت نفسي وصلت لبيت الفلاح المريض الدنيا بارده وبيتهم بارد وخطيه هو مريض دكيت الباب دكتين انفتحت الحجيه كالت تفضل يوم طبيت سلمت وكعدت بالغرفه البيها هو طب خطيه وكعد كدامي ضل يحجيلي عن نفسه زوجته متوفيه وعده بنيه حديثه. وعده ولد استشهد بسوريا يعني الدنيا مكادره بس عالفقير الفهمته اخوته متركوه وياه وياه بهاليكدرون عليه باوعت عالسكف والشبابيك باوعتله عدك مكان تكعد بي باجر ضل صافن مستغرب كتله ارمم بيتك مقبل كتله لخاطر الخبز والملح البينه صار قبل ونصه راسه خليت ايدي على كتفه كتله اني مثل اخوك الصغير واعتبرني واحد منهم وطلعت من البيت بقيت امشي بالبستان وصلت لبيتي سمعت صوت وفاوي صفنت على روحي حاجيت نفسي ها تكدر لو هم تضعف لالا اكدر اشتاقيت لريحه وفه دكيت الباب وفتحت القفل باوعتلي رحمه بلهفه درت وجهي
رحمه- هلاو بابا باوعتله بلهفه اجه بابا اليوم تاخرت علينا
غضنغر- مرديت عليها رحت للمهد شلتها ابتسمت ضحكت حبيبي باباتي شميتها افيش ربي غمضت عيني باوعتلها تباوعلي بيدها الكماط --- تكمطيها
لالا بعد من انيمها
حاخذها يمي
لالا
ليش باوعتلها ببرود
مو خاف تجوع بليل برطمت لاحباب عوفها
جريت نفس ماشي هاج اخذتها من ايدي بقيت اباوع لوفه تدور بحضنها عالحنان بلعت ريك مستحيل اكدر احرمها من امها باوعتلها محتاجه شي
لا سلامتك ابتسمت تبقى شوي
لا اريد انام
اوك تصبح على خير
بقيت واكف خليت ايدي بجيبي لو تطلب مره ثانيه اكعد ماروح ها شدتسوي شدتسوي اطلع من يمها درت وجهي وطلعت وصلت للبيت نمت وببالي باجر ارمملهم البيت للجماعه
كرار- بيومها مكدرت انام اتكلب اخر شي لزمت التلفون بس اسمه صوتها واسده. لا عوفها شتكول عليه هسه بس اسمعها واسده ماكولها من. اني دكيت دكه دكتين والثالثه ردت بتعب كانت نايمه اعرف صوتها
الو الو منو
جريت نفس قشعر بدني غمضت عيني همست
كرار اي كرارهذا نفسك اعرفه كرار حاجيني
بدت تبجي انهاريت من سمعت شهكتها
لتبجين
حموووت ولك يابجي ذبيت عيون
اصبري ويايه
لعد اني شمسويه اصبر كل العمر بس لتتركني ابقى حاجيني حررراام عليك
كافي تبجين الله يخليج خللي اسمع صوتج احجي احجي
سكتت مسحت دموعي شتريد احجي كولي واني اكوله
كوليلي بعدج عالعهد
احبك وماخون حبك لو ابقى طول العمر انتضر تكفيني ذكرياتك
اوف يابهههههه احجي بعد
كرار محتاجتك مشتاقهرلدفو حضنك
شايفه الواخد خلص كلبه اني خلص خلص كلبي مشتاقلج حموت
تعال فدوه بس اشوفك
لا مااكدر اني مطلوب وي غضنفر
انتو وين زين اني اجيك مثل قبل فدوه
لا
اوك لعد ابقى خابرني بس صوتك ليتركني
اشوف مااكدر تعاي بحضني وخليني اغفه على صوتج
كمت ابجي
لتبجين فدوه والله دااتكطع
أنت تقرأ
الشيطان بأيدي رحيمه
ChickLitليس كل من يخسر يسقط ..👎 ها انا خسرت كل شي ،، واستعدت روحي من خلالك قد احييت ،،نفسك،، ذاتك ،، عطف قلبك،، واصالتك ،، اكملني واكتمل بي.. #الشيطان_بأيادي_رحيمه #مريم_السعدي
