#الشيطان_بأيادي_رحيمه
الجزء 17
مريم السعدي
اخذت التلفون كدامها اتصلت بعمر احمم
الو استاذ عمر
- الوها غضنفر اكو شي
- استاذ اني احمم
- رحمه- افتح مايك اشرتله
- عمر- استاذ شنوشبيك
- غضنفر- سكت عمر وعرف درب كمت احجي وعلى اساس انسحب من العمل وكال ميخالف بس. مستغرب جنت اشوف الشك بعيونها لسهوله الموضوع وتركي اله بكل بساطه عكده حاجبها واصابعها اللي تكرض بيها ضحكتني ببرائتها اخ ياكلبي الدنيا مو مثل صفاءج ولا ختى اني مثلج بس ماافرط بيج عمر سده وراح باوعتلي صافنه ببراءه
- ها رفعت حاجبي بعد شنو تامرين
- خلصت منهم يعني
- اي
- بعد ماكو شيطان
- اي لان ملاك وشيطان ماينجمع مترهم
- احبك دمعت عيني
- ابتسمت شوكت تكومين تكوليها بدون متدمعين
- ادري بروحي من افرح تطلعلي سالفه ميلوكلي الفرح
- لا نترت بيها منا وهيج ماكو دموع امشي نطلع ناكل صارلج سبوع ماكله شي
- اي همست مرتاحه مدااشبع من عيونه هاي صدك لو اني احلم كلما ماابتسم منضر زهره يشوش تفكيري بعدها البنايه واكفتلي غصه واتمنى اساعدهم طلعت ويا جنت لابسه بنطروني و البدي العفته بغرفتي اللي بالبنايه جابته ام عيسى بعد مااتصل بيها وكلها بعد لتجين جانت تباوعلي مستغربه متوقعه طيته روحي طلعنامن الطرمه مال البيت صرف الحرس العجيبه بعدهم يرجفونً منه راحو للبنايه صعدت بسيارته كانت ايبيكا سياره بسنتها راقيه كلش صعدتبراحه وخوف ممزوجه ترقب للمجهول وهل اني بحلم لو خقيقه طلع من الطرمه الطويله لبيته اول مره اشوف البنايه من هالناحيهمن بره كلش حلوه والاضاءه على طولها باللون الاحمر مشينا هووواي يله وصلنا لباب المنطقه عكدت حاجبي باوعتله زين ليش نطوك بيت هنا
- هو بيتي باوعتلها مبتسم
- اي اعرف بس شو وحدك هنانه
- اني من اول عدي كاع هنا وبنيت البيت بعدين جوي سوو البنايه هنا صاحب البنايه عمر كثير السفر كاللي انت كون المسوول عنها
- ممم هزيت راسي نص. مصدك والنص الثاني يرفض تكذيب الديكوله. هزيت راسي ماريد افكر بشي شعور الحريه شكد حلو
- وين تردين انهزم بيج
- ههه اي مكان كلتها بفرح
- سولفيلي
- شنو
- احجي الغي الغي سطريني مثل كبل
- ههه شحجي
- احجيلي قصه بينما منوصل
- مممم بله ها بما انه انت طلعت مو شيطان
- ههههه اييي
- ححجيلك هاي القصه فد يوم واحد حكيم طب لمدينه بعصر بعد الاسلام يعني وكت الخلافه العباسيه
- هااي اي اباوعلها مبتسم طاير
- زين فاكو واحد بالسوك الحكيم ضل سبوع بالمدينه الطب بيها يوميه يشوف هذا الواحد بالسوك يبيع بيع مو طبيعي ويوميه يبيع شكل وعده طريقه اقناع للمشتري رهيبه والشغلات اللي يبيعها كلها ممطروقه يوم دواء الخلود ويوم فراش الاحلام السعيده ويوم عطر الحمايه من الاسقام والامراض والناس تشوفهم سره يشترون وميلحكون هذا الحكيم افتر را سه
- امممم هزيت راسي
- الناس ليش ديصدكو وهو ماكو عاقل يصدكه
- هم صح
- المهم ضل يراقبه ٥ايام يوميه بضاعه شكل سادس يوم شافه شديبيع
- شديبيع
- ديبيع قطع بالجنه
- لا يابه ههههههههاي قويه والله هي الجنه مقبطه من معركه احد
- لتكول هيج ميصير
- يله كملي تالي ههه
- اي يبيع قطعمن الجنه القطعه ب١٠٠دينار بعقود مو هيج والناس لخخخه عليه يشترون وميلحكون
- ها لا يا زواج تالي
- هو ضل صافن شيسوي شيسوي حكيم بعد تقرب منه حاجاه للديبيع كاله — عدك عقود قطع لجهنم
- كله لللا ماعدي شسوي بيهن
- كله اريد اشتري بجهنم كله عدي وراح ابيعلك الربع على١٠٠تالي شصار
اجه كله ابيعلك ربع جهنم ب١٠٠ وهاي ثمن قطعه وحده من الجنه كله الحكيم يعني اذا اشتريت جهنم كلها تصير عليه ٤٠٠
اي وهذا عقد جهنم
كله عمي اشتريت دفع الفلوس وووقع وشال العقد يصيح ياناس ياعالم اشتريت جهنم كلها وماراح اهلي احد يخطي بيها لانها ملكي ضلو العالم صافنين عليه وبطلو يشترون من البياع قطع الجنه
هههههه والله زواج
شنو عبالك هالوكت ماكو مثل عقليتهم
لا طبعا ماكو وين اكو واحد يشتري الجنه لو النار.
ممم لغد من تشتري بفلوسك المنكر وتاخذ مال الحرام انت مدتشتري جهنم
-باوعتلها ودرت وجهي
- فلوس الحرام التاخذها من عمر ثمن شرف البنات ---قاطعني
-باعييي رحمه حجينا وتركت العمل لتضلييين تلحين وتعيدين تره اني ماعدي قرصاغ للملحه لتستغلين ضعفي كدامج
-ماشي همست
- وين نروح تنهدت
- كيفك باوعت بعينه نروح لخواتك
-لا يابه درت وجهي عنها باوعتلها دارت وجهه عالشباك هففف اخذت التلفون دكيت على اختي الجبيره وسن دك دك دك ردت بلهفه الوو.-----االو هلو وسن
-هله هله غضنفر صدك هاي انت مخابرني شونك حبيبي
-زين الحمد لله ابتسمت شونج
-اني زين الحمد لله اكولج اريد اشوفكم
-يمه يوم عيد واشوفك شفايتلي تعال هله بيك ولك افرشلك الكع ورد
-ههه كفو وسن ههه اكولج اريد اعرفكم على خطيبتي باوعتلها تبتسم بخجل وجهه صار طماطا لزمت ايدها خوش لعد جاييكم هسه غمزت لرحمه وكملت حجي وي اختي دزي عالبنات ساعه واني يمكم خوش ماشي الله وياج سديته باوعتلها بعد شيريد الحلو
-هههه اخيرا حشوفهم
-اا
وصلنا للبيت مال وسن مرممين بالجديد يخبل صاير وكفت بالباب أدكها بصفي رحمه رجع بيه الوكت من جنت صغير بقيت صافن على شباك مطبخها من جنت اجي وي أبويه وتتلكانا بضحكه وجهه تركض لمحتها فزت جرت عبايه معلكه وجتي ركض للباب اسمع شهكتها دمعت عيني اباوع هاي بصفي تبجي وي بجيتها فتحت الباب حضنتني تبجي عصرت كلبي من صوت بجيها
خويه اوووف يريحه هلي
شلونج وسن
زينه وتبجي زينه الحمد لله شلونك انت
زين بالف خير
مشتاقتلك
أندارت على رحمه _---
هاي خطيبتك ولك تخبل صغيرونه هاي منين لكطتها
ههه باوعتلها اضحك__هاي رحمه من ربج هههه
رحَمه-شكد خبيث غضنفر
وسن_-اووي فدوه ولك تنكرط اوووي فدوه
غضنفر_-جهالج وين يمكن صايرين كبار رجلج وينه
موجودين ههه شكد َمتغير صاير تتشبه ابويه ___
الله يرحمه وينهم لعد
هسه يجون تعالو ماما شوفو خالكم تعاي عيني تفضلو َحممممد
ها وسن
تعال شوف منو اجه
لالا صدوك جذب ولك جلب العضك طردناه
ههههه بعدك على سوالفك شونك ابو حميد
زين يابه زين شونك شون اخبارك وين ماوين تعاي لج زماله هاي خالج مسحتيه منك حقها والله حقها متعرفك جانت صغيره من انقرضت
شونج خالو _ساره تعاي فدوه صايره مره شوكت كبرت هاي
قبل 5سنين والله ههههه
ههه وعلي وين باوعت لرحمه تباوع بلهفه بالوجوه مبتسمه بخجل طب علي ابن اختي شطولك خرب هذا صاير بطولي
حمد زوج وسن_ هو طالع عليك طويل
جوي بقيه خواتي سوالف وضحك تغدينه الاكل جان دسم من اكلت خنطلت كمت اغفي وهاي دتسولف وتض حك ماخذه راحتها خواتي خلوها بالنص وجيبه ماجيبه عرفو كلشي عنها بظ جنت محذرها سالفه الخدمه متذكرها ومن خلال حجيهم عرفت اخت الصغيره حالتها موزينه قررت اساعدها عن طريق وسن
تعاي سونه
ها حبيبي
شنو يقين شبيها
والله قبل سنتين خطفو حماها خطيه وذبو الاكو والماكو عليه تالي كتلو خطيه فمبقت املاك عدهم هاي كل السالفه
_مممم زين وين كاعده عد عيالها
اي بيت عيالها ومشاكل وهاي
زين باعي اني عدي بيت صغير تكعد بي ولتكولين مني كوليلهم من رجلج مال صديقه هاي اي شي
ها ابتسمت الله ينطيك العافيه والله حايرين بيها
ماشي يله رحوم كو مي غمزتلها هسه عمتج ضل بالها
اي _يله بيباي تونست اليوم والله
تعاي داء ما عفيه غضنفر جيبها وتعال لتكطع
_ لا انشاءالله مااكطع حضرو روحكم الخميس يابه نكطع مهر
وسن_ شتكطع عيني غير نجهز ونحضر والله لسوي مثل مجانت امك ناويه تسوي لعد عروس متريد تجهيز؛ شتكولين رحومه
رحمه_ نصيت راسي خجلت كيفكم همست
غضنفر_ ابتسَمت صار ماشي هسه نتخابر يله نترخص بس وسن تعاي احاجيج
رحمه_ طلعت صعدت السياره بقه بالباب يخاجي اخته طلع من جيبه ورق حسب كم ورقه حسبت وياه يمكن عشر اوراق بقيت صافنه هذا منيله هلكد رجع الخوف وعدم الامان وعدم تصديقي اله شوي صعد كعد باوعلي ها عيني شفتيهن لخواتي
ممم
شبيج شو ضايجه عكدت حاجبي
_ غضنفر منيلك هلكد فلوس
تره عدي املاك اني وماجر عدي بيتين ماجرهن
هاه نصيت راسي كمت العب بدكمه البدي شل يباوعلي ووسن بعدها بالباب تباوعنا تبتسم دك هورن سلام وطلع بقينا نَمشي وصلنا لبوابه المنطقه جانت صافنه باوعت هالبوابه عكدت خاجبها اندارت عليه مستغربه
رحمه_شو هنا جينا
غضنفر _ نكعد شوي لل8ارجعج
؛ _ ماريد
هاي شنو ابتسَمت رجيت راسي مديت ايدي العب بشعرها دارت وجهها عالشباك _____
شبي حبيبي
مابيه اختنك صوتي
شو باعيني
ماريد شهكت
هاي ليش دتبجين تخبلت من سمعتها تبجي
هزيت راسي مداابجي بدون ماباوعله طب للمنطقه ووصلنا لطرمه بيته نزل بسرعه ورشاقه وصل لبابي فتحها
_انزلي خل اشوف سالفتج تلفتت يمنه ويسره هاجس الخوف ميروح مني خايف عليها كلش نزلت بثكل دفعتها فاتت للبيت اكدر اعرف شبيج كلتها بعد مركعت الباب ضجت كدما بومت اختنكت
_
سكتت نصيت راسي
هسه لو تحجين لو تفكيها خنكتيني باعي رحمه من عرفتج تعلمت اضحك وحبيت الضحك والسوالف رجعلي حبي لهالسوالف لتغيرين هالصفه بيج هسه احجي من تضوجين َن شغله لتضلين ساكته
_خايفه باو عت بعينه مدااحس بامان وياك برطَمت يعني انت ليش شفته تقرب مني بكم خطوه جر ايدي وكعدني عالقنفه مال الهول الكدام المطبخ كعدت كعد بصفي
_بس كوليلي شتريدين
خايفه منك وخايفه من هالفرحه اكو شي خايفه منه مدااصدك بيك مدااثق قاطعني لزمني من فكي بكف ايده برقه جر وجهي ____
-تحجي واباوع على شفافها وحركتها ردت بظ احسسها بامان اغير مشاعرها ابعد عنها اي احساس جريتها بستها جريت شفتها برقه ونت بيدي يابه روحي طارت هلكد بريئه وفاهيه غمضت ورجفت مغمضت عيني ردت اشوف شحيصير بيها تاثيرها شون حيتغير وجهها مغمضه ترجف وترف جفن عينها ابتعدت اخليها تتنفس حسيت كلبي خيطك ضلوع صدري ويطلك شنو هالحراره السرت بجسمي بقيت وجهها بايدي بقت مغمضه وشفافها ذبلانه مفتوحه بلعت ريك فتحي عينج باعين
كلتها برزانه فتحت برقه مثل الفراشه عيونعا ازدادت برائه جمال بلعت ريك
شحسيتي هسه همست تلمست خدها باصبعي
ممادري دخت
ابتسمت بستها من راسها اخاف عليج حتى مني حضنت راسها مسدت على شعرها لتخافين عمري ماكو شي
-ليش بستني همست ابتعدت من حضنه اسي نمل
-ردت احسسج بامان همست باذنها
-حسيت نصيت راسي مااعرف دخت بس حلو ابتسَمت خجلانه
فدوه يمه ولج شون بيييج كزكزت كو مي اوديج كومي
-هه كمت ومشيت وراه طلعنا شفت سياره مشت من يَمنا تعدتنا وراها سيارتين باوعت اكيد رايحين للبنايه الحمره اصلا المنطقه مهجوره بس الهم صارت عيني بعينه خزرني
-هاشبيج روحي اخذيلج فر ه وياهم
-سكتت بقيت اباَوع بعينه
_اخر مر ه تباعين بداخا السياره َن تفوت اي سيا ره اي شخص مَمنوع تباعين عليه صحت بصوت عالي
-اي سكتت ولحد موصلنا نزلت بهدوء بيت عمتي ونزلت راح غضنفر وطبيت لعمتي كيفت بيه جنتها رحبت لان كمت اصرف طبعا تحبني حجيتلهم كلشي كيفتلي عمتي مشت الايام بسرعه وبطا خوف وفرح واَمان كلشي مواضح نفس الوكت ماريد اصدك عده شي تقدمو وصارت هلاهل خواته حارو شسوو
خطيه فرحانين بي وهو هم جان فرحانه اني طايره بس غصه اهلي مدتروح سجى حضرت عرسي ومر اسيمه عاونتني كانت نعم الاخت اليوم الحنه ولبسوني خواته ثوب احمر متوقعت حيكون بهالجمال عليه جانو مثل الفراشات داير مداير الورده ميعرفون شون يعدلون ويرتبون بيه ويطكون الصور دهل حناني حسيت بي متضايق مرتبك حسيته ممرتاح شوي وطلع سجى باتت يمي باجر راح اكون اله وحده حيكون كل اهلي اكون اله اهله واقربه من خواته اكثر وابعده عن العَماره
سجى- حذيبي انتي عروس لتضلين تلحين بسالفه العماره
انتي شون تكدرين تعطشين هناك سجى
شسوي لكمتي و لكمه كرار واني احب كرار لازم اتحمل
الله يعينج بس عدي ثقه انه اي ََمكان تكدرين تشتغلين
غيري الموضوع فدوه اني فرحانه بيج دج كرصيني بلكن ادده ينفخ بصورتنا ونت وج وراكم
يااا رب وتطلعون من هالبنايه
يبوووووو عليه _
-
-
أنت تقرأ
الشيطان بأيدي رحيمه
ChickLitليس كل من يخسر يسقط ..👎 ها انا خسرت كل شي ،، واستعدت روحي من خلالك قد احييت ،،نفسك،، ذاتك ،، عطف قلبك،، واصالتك ،، اكملني واكتمل بي.. #الشيطان_بأيادي_رحيمه #مريم_السعدي
