الشيطان بأيدي رحيمه

البارت ال31

#شيطان_بايادي_رحيمه
31
مريم السعدي
اباوع لكميه الدم وابجي  عفيه بس كولولي عايش
-  بابا اطلعي محمممد تعال طلعها
- لالا ماعوفه كرار كرا.ر سحلوني طلعوني واحد من الجرني باوعلي كال اختي عايش بس حالته خطره  ادعيله واذا عدكم امكانيه طلعوه دتشوفين حالنه الاطباء متطشرين صاير انفجار. وكلها بالعمليات والممرضين ديطلعون الطلق منه لحكوله
- لطمت على وجهي كتله عدي كل الامكانيه بس سويلي نقل
- دقيقه
- ركض طب للممرضين كلوله طلعنا الرصاصات بس خلي يخلو عالانعاش
-  زين شنو بس بس فهمني ابلع بريكي واحجي
-
- اختي مواعي وحده من الرصاصات مخترقه الحجاب الحاجز وطلعوها ادعيله وانشاء الله بس تستقر حالته ينقلو بسيارهزاسعاف مستشفى خاصه بس نريد دم فقد هواي
- بقيت مبنجه بمكاني اي اي همست اني اتبرع
- ذاك بنك الدم بس بسرعه الله يطمنكم عليه
- ركضت تبرعت واني مبقه بيه كطره غمضت عيني واتخيله بطوله نايم سوده عليه  خابرت على رحمه يدك يدك ردت ام عيسى كتلها كوليلها اخوج عايش كوه احجي وكلبي كوه يدك  روى اخذت التلفون منها صاحت كرار بي شي كتله ادعيله بجيت بقهر كالت توني رجعت من المركز قدمت بلاغ خل انفضح يطبني طوووب كتلها زين تسوين ديري بالج على رحمه  سديته منها  كملت سحب الدم فتت من يم الانعاش اباوع من الدوائر اللي بالباب مشكليله كومه اجهزه بصدره ومتروس جسمه دم وممرض دينضف بي بفوطه ويبللل بماده ويمشي يمه ياكلبي هذا الصدر مجنت احس بامان بس من اكون ملفوفه بي الله ليحرمني منك   ربي بيه ولا بي مااكدر اعيش دونه صوت دكات الكلب عالجهاز هذا جان الامل العايش بيه
بقيت ساعه لحد ما كال استقرت حالته تكدرون تنقلو غير مشفى حولته بسيارهزاسعاف خابرت رحمه  كالت رحت للبيت جبت فلوس من ثامر مخليهن عده غضنفر وجيت نقلناهم سوه  بمستشفى خاص  ثامر بده يصحى  ويتالم ويون رحمه واكفه يم راسه ودعاء تركتهم رحت لكرار بقيت اباوعله واندعي الدكاتره طابين طالعين   مصحى بيومها  تدمرت ثامر  خلو عالمغذي احسن بس ايده لافيها  وضهره ونهايه خصره  وكرار مرت 3 ايام مصحى بهال3 ايام هو عايش عالمغذي واني عالمي  والدموع والدعاء
غضنفر- مر اسبوع محد من الولد مر ولا حتى دز شي بالعاده يتناوبون  بالجيه شنو السالفه كرصني كلبي اكو شي كرار ميتاخر عليه صاير شي  صاير جدران السجن اباوعها واتذكر سجني الاول  هواي تغيرت امور العدد مال السجناء  الرعايه والوصاخه الالم البيها حتى القضايا والوجوه هنا ناس صدك مجرمه بذاك الوكت انخبط اخضر ويابس  بقيت اتصفن كلمن يحجي تهمته شون حلو بنص ارهابيين ومغتصبين وقتله يعني لاول مره حسيت روحي ملاك  مو شيطان  خلتجي رحمه وتشوف وين كاعد جان اكو ويانا رجال خمسيني كاعد بس يستمع. ميحجي  ويبتسم اغلب الوكت راااايق الحجي جنت دائما يعجبني اباوعله مجرد النضره اله تحسسك بامل  تقربت منه حبيت اعرف قصته. بس منطاني وجه ومحب يختلط  عرفت بي قاتل بس المن وليش معرفت
صار عشر ايام الولد ماكو ياربي صدك جذب وينهم. اخابر ومغلق ثنينهم كلبي اكلني على كرار ورحمه  ووفه كمت ماانام واجه موعد الزياره. طلعت بلهفه هاي ثاني اسبوع ميجون. طلعت ادور مامو احد جاي كعدت عالمصطبه. محسيت روحي مكتف مثل هالمره وكفت كبالي مره لابسه عباه ومنقبه رفعت راسي تفضلي همست مايس
- مو كتلي ماعوفج بجيت لحالته
- وكفت رجف كلبي  رحمههه همست خليت ايدي على حلكي شكو صاير شي عالولد  اتلفت  شجابج ادور عينها من بين النقاب. فدوه لسوادها
- اشتاقيت مكدرت حموت
- دمعت عيني وي دمعتها لتبجين تره على اعصابي بلعت ريك مديت ايدي على ايدها ارجف اريد بس الزمها الشوق كاتلني رجفت ايدها نصت تبجي
- لتبجين حبيبي همست واباوع خاف يباوعولها تنهدت عصرت ايدها دباعيني خل اشوفج.  رحوم
- نعم
- بس باعيني اخ يابه موتني بعدج يابس والله يابس دونج  لا احساس لا مشاعر اصبري حبيبي انتي مو تكولين لازم تاخذ عقابك
- اني الاكلتها مو بس انت تسكطت ببعدك
- كرار حجالي كلشي واخوج هم صدك وينهم شصاير ليش مديجون
- اسكت
- شكو يمعوده تره حتخبل كرار ميعوفني
- كرار سكتت ادري بي شكد يحبه اكعد اكعد خل احجيلك
- لج احجي تره كلبي حيوكف
- كرار تصوب
- نصيت راسي خليت ايدي على راسي حسيت صدم مالي ضهر   رحمه عايش لو ميت احجي
- سكتت
- احجيييي ضغطت على سنوني
- عايش بس فاقد الوعي بعده مصاحي
- استغفر الله بجيت وغطيت وجهي  حسيت بضعف الحايط اللي ارتجي عليه حسيته انهد
- غضنفر احمد الله روح شوف حال سجى
- لو شون متكون مو مثلي منصي راسي ودموعي تجري
- اول مره اشوفك تبجي
- اول مره احس روحي ضعيف ومالي احد
- واني منو لعد اني بميت كرار
- باوعتلها ونصيت انتي السبب بكلشي
- سكتت باوعتله ببلعت ريك تريد تبقى عالغلط
- كرار اذا مات مااكدر ابقى وياج
- اخويه هم متصوب ب3طلقات ليش محملتك ذنبه  ليش مكتلك اذا مات متشوفني بعد وهو من وراك ومن وره شغلك التعبان تسكت مشي مكام يمشي غضنفر الاعوج اعوج متصيرله جاره كمت بعصبيه خليت جنطا ته يمه وطلعت روحي محتركه  وصايره نار حتى مصاحلي وصالحني عافني جنت مخليه صور وفه بالجنطه حتى يشوفها شون كبرانه
بعد مرجعت وسمعت منه هالكلام رجعت لحالتي مااهتم والا انقهر وبس وفه ببالي  مرت يومين كالو صحى كرار
سجى فك عينه وشهك وكفت خليت ايدي على حلكي ضل يباوعلي ابتعدت ابجي همس سجاوي ابتسم حلمت بيج
كمت اشهك وابجي كعدت على ركبي ابوس بيده وابجي لتعوفني كتلك لتعوووفني تدري بيه اموت وراك
شصار احمم شصار صارلي شكد
صار سبوعين  وهذا الحقير رماكم برصاص انت وثامر
شون ثامر
زين الحمد لله من زمان طلعناه جريت نفس ردت اموت
اسم الله عليج اسم الله عليج غمضت عيني عطشان
اي حبيبي ركضت صحت الطبيب اجه الدكتور ابتسم قاس نبضه وضغطه وشاف بياض عينه كاله الحمد لله عسلامتك انت كلشي مبيك بس مااعرف ليش مجلب بالمخده متقبل تكعد  ههه
تسلم دكتور الحمد لله باوعت لسجى سجى غضنفر دتروحوله
اي حبيبي رحمه راحتله وثامر صار مرتين
هسه يتخبل اه يابه امي شونها
رادت تتخبل بس الحمد لله مومنه  بس اني الضعيفه ايمان
حبيبي ضعفانه كلش نصت تلمست خدها بس بعدج كمري انت كمري سجى عبالك حلمت بيج ببيت يجمعنا سوه اصبح وامسي بعيونج وضحكتج  لتبجين كلبي تره كوه احجي والله
اكو شي يوجعك
لا الحمد لله بس ضهري
اي عادي مال النوم
اخ يابه باوعت بعينها اريد اشم ريحتج وخابري امي
تقربت منه بقه يشم بشعري بسته من خده طب الدكتور كعدنا عدل خجلنا نصيت راسي كال الدكتور
الحمدلله عسلامتك كرار مرتك ماتت عليك وخبلتنا. ههه يله كومي طلعتي بس حجي نزلي للمطبخ كوليلهم شوربه خضار خفيفه  قوي لرجلج ترجعله عافيته
صار صار نزلت ركض وصعدت الاكل رفعت السديه يمه فدوه لكعدتك بعد روحي الله لا يحرمني منك
اخ اخ ضهري يابه تكسرت 
ميخالف كم يوم وتطيب. يله تاكل صبيتله بالخاشوكه قربته لشفافه باوعلي مبتسم
اول انتي اكلي
حبيبي داكل ياكلبي
انتي اول
ماشي اكلت لكمه مممم والله طيبه
طيني من خاشوكتج
هههه فدوه يمه الله لايحرمني منك بست ايده يمممه كلت بعد مااسمع صوتك الف الحمد لله ربي
رحمه---

- سجى انتهت.  ميته وعايشه  يوم وره يوم استعادو الولد عافيتهم. كمت ادز بيد السايق اكل وغيارات لغضنفر يكول يسال عنكم  اني كلش قفلت عليه ضجت من حجايته معناها كل اللي صار متعض بي  مرت ايام واسابيع ثامر طلع ورجع الحضانه سديناها لان محد كام يامن يخلي طفل عدنا ثامر جاب مكاين خياطه
ما ايس  وجاب خياطه  ورجع البنات وضل يروح ويجي لغضنفر لحد ماكرار كدر يوكف على رجله
غضنفر- شكد ثامر يكولي كرار زين مااصدك كرار لو بي وكفه ميتحمل يمرلي بس بي شي وضامين عليه  مر شهر كامل واني مشايفه صور وفه مكابلها وكاعد رحمه ادري زعلانه عليه بس كل الشاغلني كرار  واجه يوم الزياره بقيت انتضر جيت ثامر لان كرار ايست خلص منه  رفعت راسي واشوف كرعيه جنها كرعيه كرار نمل جسمي وكفت اي والله كرار ساندته سجى شافني ابتسم وبرطم ونصه  خنكتني العبره ركضت عليه وصلتله وكفت كدامه ----
كرار- شونك كلتها والعبره خانكتني وعيوني غركها الدمع
غضنفر- لو ميت مسحت عيني لو ميت ماعيش دونك وحق هذا الله. تقربت منه حضنته صدك بجيت مهد حيلي غير فراكه  باوعت لسجى --- وج هاي شغاديه ولك شوفلك غيرها
كرار- مابدلها بالدنيا باوعت لسجى هاي من ورايه صارت هيج
غضنفر- كرار انت درعي وسندي واخويه المجابته امي  كله من ورايه
لا لتكول هيج احنا تره لازم ندفع ثمن مشينا الغلط حريت نفس ابتسم تعال خل اشبع منك 
جيت كعدت كدامه باوع لسجى سالها
رحمه شونها ووفه
زينين الحمد لله تريد ترجع للناصريه وي خاله ام ثامر
خل ترجع احسن هناك اتمن عليها زين رؤى شونها
الحمد لله دتشتغل بالخياطه والولد القو القبض عليه مامو شي يخوف ارتاح والله
الف الحمد لله باوعت لكرار ابتسم ضربته على كتفه على كيفي سبع ابو حيدر ماعليك شي
تربايت ايدك شيطان
لك ياشيطان اني ملاك هنا فد جرائم ومجرمين وكفو شعر راسي
دير بالك لتعجبك وحده يمعود ادري بيك تحب التنويع هههههه
ههههه لا بس خل اطلع حتى صلاه اصلي غابت الضحكه عني نصيت رحمه زعلانه مو سجى
سجى- انت هواي اذيتها
ادري نصيت راسي خليها تزعل وتكرهني احسن 3سنين مو شويه تنهدت تتعلم فراكي حتى
كرار- تفرج وداعتك تريد اجي يمك اونسك نرجع ايام الخوالي
لا عيني لا تزوج خلصني دتلزم الشغل
ولك تسكطنا هو مال زواج باوعت لسجى فكت حلكها
ههههههاي صدكت البنيه ىلك صارلها سنين تنتضر ابن الحلال هههه والله تضحكون كملت الزياره وكلبي ارتاح كلش من شفته حضنته ووصيته بخواتي بس لحد هسه ميدرون بيه بالسجن عبالهم بسفر بلش مشروع للمعمل وبده يصدرون للمحلات والله ومشه الشغل نتيجه مرضيه البنات مكيفات 
رحمه- امي بدت تمرض كلت اخذها للبستان هوه نقي وترتاح واني ارتاح فعلا خابرت يوسف خطيه اجاني بالبيك اب مال غضنفر التركها هناك وبقينا بالناصريه --------