شفت الرصيد قبل كان دولار هسه لا الالف شفته رصيد 3دولارات ضحكت كلت بيه رصيد اتصلت اول مادك الجهاز خفت طلعت الي اغنيه الى كاظم الساهر( نمت وحلمت انك رجعت تكولي سامحني ضلمتك جرحتك سامحني يعمري وحدك تركتك بست خدي وبجيت بين ايدك يعمري )اول مره مجاوب دكيت مره ثانيه رفع الخط كال الو ها هشام الو شبيك احجي صاير شي كال اهوو مالي خلك احجي اريد انام طبكته 🙂استحيت صفنت 😳وبقيت افكر شلون من صار كدام عمي يربي ليش صار كدامه دك التليفون نزيت النغمه عاليه حطيت ايدي على سماعه بسرعه حطيته صامت كمت اباوع من الزرف مال الباب القفل اخاف احد اجه فتحت الخط سمعته يكول ماتحجي شبيك صاير شي كلت الو سكت هوه كال منو كتله اني نور كال ياصخام مااعرفج وبعدين هاذه رقم هشام كتله اني اخته ضحك كال يي وشتردين ست نور كتله ليش تستهزء كال مااستهزء كال هسه شنو تردين احجي بساع كتله مغرور متكبر امشي ولي طبكت الجهاز 😏رجع دك انطيه رفض دز رساله كال اذ مجاوبين ضهرج اكسره كتله بقلبي والله شايف نفسك دك كتله ها كال ليش اطبكين الجهاز بوجهي كتله معجبني كلامك كال هااااا جره بونه كتله يي انته المن اتصلتي كتله اجيت اشكرك لئن طلعت هشومي كال العفو هاذه صديقي بعد عدج شي كتله لا سلامتك ذكرت كتله ليش صرت كدام عمي لمن اجه يضربني كال هيج مااعرف ليش صرت كدامه بس شفتج طفله كلت خطيه كتله يي على اساس هسه عمرك شده ضحك كال عمري 19اني وانتي كتله 17 كال طفله كتله يالله هاي هيه اني طفله بعد لا تتصل خوش خويه شكرا على سويته كال العفو رجعي التليفون الى اخوج كتله لا تكول اتصل نور ضحك كال صار سد الخط رجعت التليفون الى اخوي غطيت سجاد نزلت قفلت الباب فتحت الضوء فتحت شعري يخبل احبه😍مشطته ضفيت الضوء وتمددت اريد انام اجه ذياب على بالي اهوو هاي اشلون ورطه اجابه على بالي ضليت افكر بيه من اول مادخل البيت وشلون من طلع اخوي من السجن وشلون من صار كدامي من عمي يريد يضربني بقيت افكر الى حد مانمت سمعت بسمه امي اصيح كومن ولجن كومن نايمات الى ضهاري كومن كوه فتحت اعيوني اول ماكمت مشطت شعري لفيته الى فوك نزلت انظف البيت وختي تعجن اخوي طلع بسرعه هشام امي راحت الى بيت جيرانه اجه هشومي متعصب حيلل كتله شكو شبيك مارد عليه بقه صافن بوجهي اني خفت كلت بس لا ذياب كاله اختك انتصل متت خوف اجت امي كاله يمه اكو جماعه هادين على ذياب وضاربينه وهسه بالمستشفى لمن سمعت هيج احس روحي راحت راسي احس الدنيه تفتر براسي امي كالت ليش منو ضاربه كاله شاك بهل اللولد الي اني ضربت ابنهم اذياب طلعني من السجن يمكن همه ضموه اله وضربوه ساعه 12كاعدين نتغده مااحس اله الباب الشارع تندك بكل قوه احس البيت انهز هز واسمع هوسه دخيلك ربي..............
🌸🌸🌸🌸🌸🌸🌸🌸🌸🌸🌸
منو الي اجو توقعاتكم منو
رئيكم بالقصه مهم بالنسبه الي
