البارت (19) والنبي اربع ساعات واني اكتب اليوم كتبت الكم هواي
#قصه #ذياب #ونور
ذياب رحنى الى مطعم تعشينه وبقيت منتضر انتصال من شخص
سالم ..ذياب خويه شبيك
ذياب ..ماكو شي بس سالم اريد السويج السياره اريد اروح اجيب كم شغله ورجع
سالم... يي هاك روح
ذياب رحت اجيب كم قطعه سلاح رشاش كنت منتضر الاتصال بغارغ الصبر وصلت باب المطعم انتصلوو عليه كالو هاي وصلت اجت سديت الجهاز دخلت المطعم بسرعه يالله سالم حازم كومو خلي انروح صعدنه السياره وصلنه الى نفس المكان الي كالو الي عنه للاتصال نزلت فتحت صندوق السياره طلعت السلاح الهم
#حازم شكو شبيك شسالفه
#ذياب اكو سياره بيه اسلاح جايه الى فلان الي سلمني الى شرطه وغدر بينه
#حازم والله صدك تحجي
#سالم ..ذياب احنى موكلنه هاي السالفه تنتهي بعد ماكو عداوه وشغله السلاح تنتهي
#ذياب انته تخبلت سالم ولك اني #ذياب ابن شيخ غانم تريدني اسكت عني ثاري لا لا والله اله ادفعه الثمن
#سالم.. بس جدك رد عليهم واني وحازم هم ردينه عليهم
#ذياب سالم لا اصير جبان فهمت كتلك اخذ السلاح ماله وحرك روحه كافي سالم لو مره وحده صير زلمه
#حازم كافي لاتعاركون سالم يحجي الى مصلحتك
#ذياب اخذو السلاح واني راح انزل السياره بالنزله حتى محد يشوفه
#حازم خوش ذيبوو
#ذياب ضميت السياره وطلعت اذكر جيسي ايراني مااسولف الكم عن صوت الجيسي الايراني لمن اطك عبالك رمانه اوشمرته سحبت اقسام وبقينه منتضرين السياره ساعه 2بالليل اجت سياره بيكم نيسان محمله صناديك طلقات رساش وصناديك عتاد بيكيسي 15صندوك حازم عرض بنص الشارع هوه وسالم شارع زفوه زف بالرصاص منا لمن السياره وكفت وحده كانو صاعدين بيه 2حازم جتفهم اديهم ورجليهم وحملنه الصناديق الى سياراتنه كملنه النقل رحت على واحد منهم كتله تروح الى فلان تكله يسلم عليك ذياب ابن غانم ويكول كل الي يندك براس ذياب راح امحيه من خارطه العراق وتكول اله اذ اشوفه كدامي هم راح ادوسه بنعال فهمت لو اعيد الكلام خلينه ورحنى دخلنه صناديق بيت سالم صعدنه بسياره حتى نوصل حازم بيته
سالم..خويه ذياب هاي الئمانه مالتك
ذياب فكيت عيوني اوف هاذه مسدسي ههه لكيتو تسلم خويه وصلنه حازم الى بيته
سالم ..ذياب ساعه صارت 4اصبح خلي نمشي الى بيت الوقت تئخر اريد انام
ذياب ...خوش امشي الى بيتنه انام وانتضر رحمت ربك
سالم ونعم بالله يالله والله تعبانذياب..رحنه الى بيتنه دخلنه اني وسالم نمنة ماكعدنه الى ثاني يوم ب9اصبح دخل هوه سبح طلعنه حتى نتريك بره ونروح بشغله فتحت باب الشارع شفت اثنين سيارات واكفات بالركن سويت روحي ماشفتهم ورجعت دخلت بساع سديت الباب
سالم ..شكو شبيك
ذياب سيارات 2واكفات بالركن يمكن هذوله جماعه فلان الي امس اخذنه السلاح ماله طلع سالم سلاحه وسحب اقسام
ذياب ...سالم شبيك تخبلت انته تريد نتعارك هنا واليوم جمعه كله الجهال بالشارع وبعدين لاتنسى اهلي بالبيت سالم بالك تضرب طلقه كتله انتصل على شباب ربعنه خليهم يجون وكلهم لمن يوصلون الى نزله يضربونهم وخليهم يبعدون عن باب بيتنه خوش سالم صعدت الى غرفتي دفرت الميز طلعت سلاحي سحبت اقسام وصعدت الى فوك السطح شفت منهم واحد نزل وجهت السلاح عليه شفته رجال جبير لابس دشداشه وعكال وكلشي ماكو بيده شفته اتجه اتجاه بيتنه نزلت امي ضلت اصيح يمه تخبلت الناس كامت تضحك علينه يوميه مسوي الك سالفه يمه اني وراي شماته لا تفضحني #ذياب.. يمه كافي هسه وكت المحاضرات مالتج نزلت الدرج اندكت الباب سالم واكف باطارمه صحت منو كال هاذه بيت اهل ذياب فتحت الباب #الرجال مد ايده سلام عليكم اذياب موجود
ذياب وعليكم السلام اتفضل كول امر خدمه
#الرجال عمي احنى من من فلان محافظه بالجنوب نهايته
#ذياب اهلا وسهلا بكم تشرفنا اتفضلو
#الرجال لا عمي زاد فضلك اني جايك من شيخ سعود ويسلم عليك ويكول خلي يجي اتفضل ويانه
#ذياب يي عمي بس هاذه الزلمه مااعرفه وبشنو يريدني وشيخ فوكاه
#الرجال ...عمي اتفضل ويانه وراح تعرف بنفسك
#ذياب خوش هسه جاي وراك بس خلي ابدل ملابسي دخلت #سالم هاا شكو ذياب
ذياب انته موسمعت بذنك شنو بعد نروح ونشوف شيخ اسعود ههه
سالم...ذياب هذوله الزلم ولا ارتاحيت الهم
ذياب ...شكد شفت زلم بس مثلك سالم ماشفت انته جبان جبان فهمت
#سالم...ذياب اشكرك هاي فوكاه اني خايف عليك والله ولك لو تعرف شصار بيه لمن اصوبت وكالو مات ولك رحت الى نفس المكان الي وكعت بيه انته وسحبت السلاح وخليته على راسي وجيت اضرب روحي ذياب انته اخوي ازغير مو بس صديق روح ياذياب الله يوفقك اني بعد مالي يي علاقه بيك
#ذياب شفته نزلت دمعته بعينه صارت رحت بوسته بكصته وكتله اعرف انته عزيز بس اني اعصاب بسرعه اترفز واني هم اموت عليك اطيح كدامك والله اخذ مني كلمه اله اخليك انسان ثاني اخلي الكل يسولفون بيك ويخافون من خيالك بس اصبر شويه يالله خويه خلي نطلع الوادم منتضرتنه بالباب طلعنه ردنه نصعد بسيارتنه بس اجه علينه
#الرجال خويه تعالو ويانه بسيارتنه هيج امر الشيخ خوش
#ذياب همست بذان سالم كتله باوع انته اكعد ورى واني بسدر واي حركه حط طلقه براس السايق خوش يروحي
#سالم انشالله
#الرجال ...والله ياخويه ذياب انته خوش زلمه وعلى راسي انته وصاحبك
#ذياب ..تسلم غالي عمي انته بس شكو شعده الشيخ وين يعرفني وشعنده وياي او هاذه اول مره اسمع بيه الشيخ
#الرجال والله ياعمي ذياب الشيخ كال اكو ولد يشتغل بسلاح اسمه ذياب عباس من فلان محافظه اتخلقونه وجيبونه واحنى من امس العصر اجينه وسئلنه على ابوك وندلينه بيتكم ونتضرنه الى اصبح وندك الباب زحمه او عيب ندكه بالليل واحنى ندري انته خارج البيت فهل مادكينه الباب
#ذياب ..ها خير انشالله نروح ونشوف الشيخ صدك سالم انتصلت بالولد وكتلهم لا تجون
#سالم يي دزيت الهم رساله
#ذياب..خوش
#الرجال خير كول عمي صاير شي
#ذياب اصراحه احنى لمن شفنه السيارات ملاتكم كلنه هذوله جماعه فلان وجاين يضربونه
#الرجال ...فلان نفسه الي خان بيكم
#ذياب ...يي نفسه بس اشلون تعرفهم انته
#الرجال ...خويه شسالفه هاذه اكبر نصاب اومخادع وناصب على هواي ناس
#ذياب عمي جاوب على سوال مالي وين تعرف بيه هوه خان بينه
#االرجال ..عمي توصل وتعرف بنفسك
#ذياب...اني بديت اشك بهاذه الرجال والي وياه شنو الفلم ياربي دور اتصلو عليه كام يحجي بالغاز مامفهومه درت وجهي على سالم سالم عندك جكاير انطيني وحده رفعت اعيوني وحركت راسي على رجال وفريت اعيوني سالم فهم السالفه
#ذياب عمي ممكن تصف السياره يم هذاك المحل اريد اشتري جكاير لئن هاي حاره
#الرجال يي عمي صار تدلل انته غالي ومصي الشيخ بيك مانكدر نرد الك طلب
#ذياب ..تسلم عمي نزلت دخلت المحل انتصلت على حازم شومان اريد اسئله اتصل عليه الزباله ميجاوب انتصلت على ابنه هاا شلونك ابوك وين
ابنه...هاذه ابوي هنا
حازم...هااذياب خير
ذياب ...حازم تعرف واحد اسمه شيخ اسعود بفلان محافظه
#حازم ..اعرفه هاذه من اقوى تجار السلاح وصيته وصل حتى الى ايران هاذه من بوكت صدام هوه تاجر بالسلاح وميخاف من اكبر واحد بس الي اعرفه انكمش بمحافظتنه قبل شهر او نص
#ذياب اهااا خوش خوش تسلم لا ماكو شي سلامتك الله وياك
#ذياب رجعت الى سياره اخذت عصير وكيك الى زلم الباقين باوعت على سالم وضحكت
الرجال ..عمي شنو تئخرت
#ذياب يي هاي امي اتصلت خطيه تخاف عليه
#الرجال ...اهااا عمي خطيه هاي امك
#ذياب بقيت اسولف الى سالم بالغز بس هوه يفهم كتله سالم الرجال الي اصبح خابرنه هسه سئلت امي لمن اتصلت طلع كرايبه اوهوه خوش زلمه تكول امي #سالم ...اهاا يي مو اكول لئن مابين هوه موزين لئن لو يريد يتعارك كان من البدايه ضربنه
#ذياب يي صح بس هم دير بالك لئن متعرف شي انطيني ماي خلي اشرب وانطي الى الرجال عصير
#الرجال ....هههههه عمي خوش تحجون الغاز كلشي فهمت ههههه امك تقصد على صاحبك الرجال تقصد شيخ سعود ههههه اطمئنن عمي احنى اهلى هيج محافظه مانخون احنى ولا نغدر هسه راح نوصل وراح تعرف بنفسك
#ذياب ...ههه والله انته موهين باين عليك داخل بهاي الدروب هه والله ياعمي الحذر واجب مو صح #الرجال...يي عمي صح بس اطمئن راح اشغل الك المسجل واشغل الك ياس خضر
#ذياب ...عدك رعد الناصري حلوه اغانيه شغل رعد الناصري حلو يعجبني اشتغلت رعد( اي ياويلي اي ياعين مالومج ياعين اذ تبجين اي ياعين بده يوجه تحيات اي ياعين حتى الزين جربته وطلع موزين عيبيييييينه ربي لو نخاك البشر عينه سوده عينه رفع طرف العبايه وشفت اي ياويلي عينه شفت ميزان ونجوموثريه طلعت مسدس مالتي وفتحت الجامه رميت طلقه وبقيت اوجه تحيه الى عمي او الى كل الي وياك والف تحيه الى سالم والف ورمي الف تحيه الى كل شعب العراقي هههه رميت 16 طلقه المخزن كله خلص
#الرجال ههه هاي هيج اغاني رعد الناصري تخلي هيج عندك رد فعل ههه
ذياب يي والله احب اغانيه او ونين مالته يقتل وخاصتن اغنيه (راحو الطيبين وبعد مايرجع )
#الرجال عمي افتح الجكمجه اكو طلقات مسدس تلكيهن اترس المخزن مالتك
ذياب فتحت الجكمجه طلعت الطلقات ترست المخزن مالتي اني عدي مخازن 3 ههه صار الي درس لئن لمن اصوبت كان عدي مخزن واحد هسه صرت نادر كمت اشيل وياي 3
#الرجال عمي ليش عمرك ازغير شلك بهاي الدوخه السلاح وبيع الي مثلك طالب مدرسه بس انته سوالفك وفهمك او قوتك اكبر من عمرك
#ذياب عمي اني صح اصغير بالعمر بس واني ازغير احب شغل السلاح وبعدين اني كاظيه غيابات وجازات وغش اني شاطر وذكي بسرعه استوعب بس حياتي خربوه جدي غانم وابوي وخلوني مخاف وتعلمت القوة
#الرجال ...منو جدك غانم
#ذياب غانم فلان الفلاني
#الرجال اهااا هيج سالفه انته ابن غانم
#ذياب عمي انته تعرف جدي
#رجال.. ههه عمي سالفه طويله كلش والله سد الموضوع انسى
#ذياب لا عمي الطريق طويل سولف
#رجال ههه عمي خلي ادخن جكاره ونسول شوف اني عمري 54 اشتغل سايق الشيخ اذكر قبل 20 سنه جدك عازم شيوخ العشائر كلها بمناسبة صار عنده حفيد ..صارت مشكله وكبرت جدك غانم كال للشيخ لو ماجنت خطار جان حطيت طلقه براسك وكتلك تعرف الشيخ وينهان مانسكت كمت صرت بوجه جدك كتله انت منو وتغلط على الشيخ وصار صياح قوي تحولت الفرحه الى مشكله هههه ..جدك صح خوش زلمه ..بس عصبي ماينحمل وبسرعه ينفعل قبل ميفتهم الموضوع مايتحمل الكلمه بساع يزعل تذكر قبل اشهر سمعت اشلون هجم على عشيره فلان وحرك البساتين مالتهم على سبب تافه بس حقه جدك من يهجم ويتعارك شيخ عموم الى عشيرته الي يربط من شمال الى جنوب ههه خلي يهجم بزوده
#ذياب يي صح كلامك بس تعرف اني الوحيد الى جدي عمام عندي 4وابوي الخامس عمامي كلهم جهال مصار عدهم ولد بس ابوي الوحيد الي صار عده جهال وجدي غانم خرب مستقبلي شسوي محد يحجي وياي بس اصرف بعقل من واني اصغير الى هسه عمري الله شاهد لا شربت ولا اخذت حبوب كبسله ولا تورطت وي بنت هسه بس اني ماادخل بشغله العشائر لو اشوفهم يطابخون بينهم ماادخل هسه حتى لعبت روحي مرتين اني واصغير خطفوني بسبب جدي ههه مره وكفت كباله كتله راح افصخ عنكم لئن لعبت روحي جدي جزعت والله جدي كلي تعال انته ابن غانم ولك اني احسب يوم يوم تكبر حتى ارفع راسي بيك ابني انته زلمه اني شعلمتك الزلمه لازم يكون شجاع اذ مصار شجاع راح يصير مرة اصبر الي يسوي هيج بيه اوبيك هذوله يخافون منك اومني ارفع راسك ولك ازمال انته ابن غانم عمري 13سنه حط السلاح بيدي هيه هاي حياتي الله شاهد اذكر موقف اني كنت صف سادس ابتدائي علمني ارمي بسلاح وشلون افصخه
#الرجال عمي هاي صيطره كدامنه اذ حاجوكم كولو احنى كرايب الشيخ سعود
#الشرطي كواكم الله وراق سياره
#رجال هاك خويه وهاي سياره والي وراه الى شيخ سعود
#شرطي شايلين سلاح
#الرجال على بختك ياخويه يعني انته ماتعرف العشائر ونزاعات بينهم
#شرطي ماابطلتوو هاي النزاعات والله تعبنه روحو الله وياكم
ذياب صارت ساعه 12 ونص او فوك 12 وصلنه الى بيت شيخ
