#ذياب -#نور
#بارت 8
بقلمي #ملازم أحمد
دخل بابا وهشومي كامو يصيحون وينهة هاي الكح. ... اني متت من الخوف ركضت لبدت ورة ماما 😟
بابا شايل شيش حديد وهشام صوندة 😳ضربة اجتني براسي ماعت روحي فكيت عيوني يضربون بية حتى ماما ويآهم وجسمي خدر من الضرب وعيوني كوة افتحهن يضربون بية على ظهري وخاصرتي وعلى صدري بالشيش ورجلية متت من الوجع 😰 حدود الساعة يضربون بية ويكولي منو هذا الي تفترين ويا بسيارة وماداومتي مدرسة احجي ادبسزز اليوم انموتج صاقطة هشام يصيح خل نكتلهة ونغسل عارهة هاي الادبسزز الصاقطة الكح. .. ماعت روحي من كد الضرب جيرانة التمو علينة من الصياح بس يريدون يفكوني من ايدهم سمعت هشومي يخابر الووو الووو ذياب وينك 😟
أريد سلاح تعال جيبلي سلاح والحكني للبيت بسرعة 😱 ذياب جان مآ موجود ورة ساعة أو ساعة ونص تقريبا أجة ذياب دخل لكاني مجتفيني من دخل ماعرفني من كد الكتل وملامح وجهي تغيرت وجنت مجتفين ايدية ورجلية وراسي مدنكتة بالكاع 😰 ظل صافن علية كلهم هاي شكوووو شبيكم نور. ...
ذياب كام يصيح على الناس وطردهم برة البيت مالتنة هشام كالة هاي الكحبة يوم الأربعاء مامداومة بالمعهد طالعة تفتر وية واحد بالسيارة .. ذياب دنك من شافة كال هذا الكلام هشام كام رفسني على صدري ويسحل بية يريد يكتلني كمشت فاطمة اختي بابا ظل يضرب بية بوكسات هوة وهشام
#ذياب
أول شي اعرفكم عن نفسي اسمي ذياب عباس عمري حاليا 25سنة بس بوقت الحادثة كان عمري 20
أمي مدرسة رياضيات وابوية موظف بالدولة وعندة رتبة وعندة معرض سيارات
عندي إخوان 3 أصغر مني
والرابع جاي بالطريق ماما حامل بالشهر الخامس اني الناس ماخذة فكرة عني غلط يكولون متكبر ومغرور اني طالب إعدادية عايش حياتي مثل أي شاب مآ يخلى من المشاكل بس اني اختلف بهواي أمور عن باقي الشباب الي بعمري ماعندي سوالف مراهقة احسهة هاي سخافة طبيعتي مآ أحب أبقى بنفس المكان مااتواجد هواي وية ربعي وأهلي اغط أسبوع أسبوعين شهر وبعدين أظهر مشيت وية شباب أكبر من عمري يشربون ويكبسلون وسوالف مكسرة عدهم من وإني صغير مآ امشي وية الردي امشي وية إلي ذراعة قوي مثلي وصاحبي صاحب مااخون لو على كص ركبتي الناس يكولون انتة تايه ماتخاف وليش أخاف إني أخاف بس من الي خلقني لا أخاف لا من أم ولا من أب احترم أي بس أخاف لا اني من النوع لا همجي ولا مختلف ولا امشي ورة ذولة الي قال رسول الله وصدق الله العلي العظيم احسهم كلهم منافقين وجذابين يسترون بالدين من وإني صغير علموني شي الله ربي ومحمد نبي وعلي أمامي اذا تريد ترضى الله ورسوله عليك بالصلاة والصيام وتجنب المحرمات ولا عندي هاي حلوة وذيج مو حلوة ولا تخون صاحب ولا تأخذ من مال يتيم أو فقير ذني أقوال الله ورسوله
علاقتي بالبنات 0% بمكان ما اصادق واحب وإني أحبج وحبيني وأبوسج وتبوسيني خووو ازوج واسولف هاي السوالف وية زوجتي هية أحق بس ناس تافهة تحب الحرام يجي يوم الأربعين ننصب المواكب ونلطم على الحسين عليه السلام ونخدم الزوار
خلص الأربعين هاي حلوة وذيج مو حلوة هاي سوت هيج ذيج ماسوت (كلامي محدد وليس عام )أركز الي تقرة القصة كلامي محدد وليس عام
أجة رمضان ساعدنة اليتيم وساعدنة الفقير خلص رمضان لا نساعد لا فقير لا يتيم لا مسكين شعب ما يعرف الله ولا رسولة عايش على الحيلة مع احترامي للناس الزينة
ماخليت شغلة ماسويتهة ماكو طريق مامشيت بيه بس بحدود ماطلعت عن طريق الله ورسوله وأقوال الإمام علي
أول بنية بحياتي نور أخت صديقي هية الي تقربت مني وهية الي اتصلت علية اني طبعا مااعرف اسولف وية بنية كلام حلوو وهاي السوالف أخاف من شي اسمة بنية وأضعف كدامهة لأن بيهة عرض وشرف واخاف اول ماتصلت علية نور صوتهة حلوو يخبل اجاني شعور اتمنيت عندي أخت واغار من شخص عندة أخوات اوووووووف 😟ياناس ياعالم الأخت حنينة تخاف على اخوهة أكثر من نفسهة 😍علاقتهم صير حلوة مقربين يحجيلهة كلشي يضحكون يشاقون تخاف عليه ويخاف عليهة إحساس حلوو ربي مآ يحرم أحد من هذا الشعور
اول اتصال من نور رزلتهة والثاني هم رزلتهة لأن أكول هاي أخت صديقي مااكدر اخون صاحبي بس حسيت بكلامهة ونظراتهة آلية انو هية معجبة بية ❤ يوم الي اخذتهة وظربتهة جانت عندي مشكلة وهية زودتهة حيل وغلطت علية وإني جنت ظايج حيل ومقهور حلفت آلة أدبهة اني كلشي ولا أحد يجاوز علية وكلمتي وحدة صح ضربتهة واذيتهة بس اجاني شعور من غسلتلهة وكاعدة يمي بالسيارة احسهة شي غالي علية
