#ذياب #نور
بقلم الكاتب #ملازم أحمد
ذياب كال شتريدين كتلة ماادري بكيفك والله ☺نزل يم فرن صمون كلي تريدين أشر على الكيمر مال عررررررب أجة وجاب كيمر عرررب وصمون حار شغل السيارة بعدين وكف كال أجيب كاهي الج اني أحب هاي الأكلة 😍كتلة أي نزل جاب وبقى يمشي بالسيارة الحد مآ وصلنة بيت أهلة وصلنة البيت فتح الباب كال تعاي ادخلي مو خايفة بس خجلانة دخلت البيت هوة سوى جاي بقينة كاعدين بالمطبخ على الطبلة كمت غسلت وجهي اجيت لكيتة مكمل الريوك كعدنة نأكل 😋وإني كاعد أكل هوة طلع رجع بيدة علاكة يااا ذكرت هاي العلاكة الي شمرهة بليل بالسيارة جانت سودة فتح العلاكة وإني كاعد اتريك جان بيهة فلوس هواي ضبة 25 وضبة عشرات اني ماحجيت سكتت بس اباوع على الفلوس بس اكو تفكير يجي بالي إنو خاف ذني فلوس حرام بس صفنت شفت هوة مآ محتاج حتى يشتغل بالحرام سكتت ماحجيت يمكن أمانة يمكن مو آلة 😕ظل يحسب بالفلوس طلع 500 الف ضمهن بجيبة كال اكلي كتلة شبعت كال شبيج كملي كتلة الحمدالله شبعت كال كومي ظل جسمي يرجف من الخوف ومرتبكة كلي اصعدي نامي فوووك صعدت هوة وياية لازم أيدي لأن رجلي ما ااكدر امشي عليهة 😰اباوع على البيت تصميمة حلوو من الداخل وصلت الغرفة مال ذياب شغل الضوة وكلي نامي الغرفة جانت حلوة مرتبة من التعب مال الطريق والهزة مال السيارة تمددت هوى طلع كال مااتأخر ساعة نص ساعة يمج أني سمعت باب الشارع نطبكت كمت شغلت المكيف باوعت على وجهي بالمراية شفت وجهي مورم من الضرب وازرك شكلي متغير 😰فتحت الحجاب طلعت شعري 😍😍😍يمة شحلاتة يمة يخبل 😘😘😘😘قبل شوية قريت التعليقات اكو وحدة كالت شكد طول شعرهة شعرهة طولة متر وعشرين طويل كلش 😌😌رجعت نمت فزيت على صوت الباب اندكت مال الغرفة يمة همزين مدخل وشاف شعري 🙈ذياب نزلي يلا بسرعة يلا بسرعة ظل يصيح شغل السيارة أخذني المحل مال ملابس اشترالي بنطرون أبو الجعب جان موديلة لون رصاصي طوخ وقميص بيه فتحات شلون الزي الهندي موديلة عدل وبيه جاكات فدوة 😍 ذوقة حلوو واشترالي شال نسق الألوان هوة وحذاء أبو السير موديل بسيط وراقي ☺صار واخذلي عباية جاهزة الحساب كلة بحدود 180 (جهزة جهاز عروس 😂من يمي انضغظت ☺ #المساعدة #ايات 😋)رجعني بسرعة للبيت بس ماادري شنو الي صار دخلنة للبيت كلي اسبحي دخلت الحمام سبحت وصعدت فوك للغرفة جنت لافة شعري بالحجاب صعدت شفتة ذياب مبدل ملابس حلوة تيشرت ضيق وعضلاتة بارزة وبنطرون اسود وحذاء اسود طالع (جنتل مان )كلي شكد فاهية يلا بسرعة بدلي هدومج ونزل كل شوية يصيح هااا كملتي الفاهية 😟😒صعد من دخل بسرعة حطيت الحجاب على راسي هوة شافني ظل صافن صفناتة غريبة كال مأكول كمر ولا أكول شمس بس أكول العراق كلة يروحلج فدوة 😍 أني ضحكت أجة عندة كرسي داخل الغرفة كعدني صفن كال لا كومي كومي دخلنة على غرفة أمة وأبو اكو طلبة صغيرة اسفنج مال الغرفة مال النوم نزعني الحجاب 😱كتلة ذياب حرام ضحك كال انعل أبو الحرام كتلة ايبااااه 😋😋مو انتة الي تحجي عن الحلال والحرام سيدنا كام يضحك كال شي يفرق عن شي 😉☺ضحكت اني كتلة عجيب أمرك فتح شعري بيدة جاب المشط وبدة يمشط بشعري مرة ومرتين وتلاثة يمشط بيه باسني من راسي 😚😘بس حسيتة جر حسررررررة وبعدهة فتح علبة المكياج مال أمة وكام يخليلي مكياج بيدة أحس روحي طفلة يمة ☺😍حط الي حمرة ومثلي شلون اطبك شفتي سوى حركة بشفايفة 😗 (ابجي طين على حظي 😒😋#ايات )حرك بشفايفة وكال سوي مثلي حتى الحمرة تتعدل هوة مايعرف شلون يلم شعري كلي لفي هوة راح جاب العباية واجة لبسني العباية بيدة بعدهة رشلي عطر كال شنو ناقصج بعد شنو كولي (خل كلنة هيج ننكتل 😂#ايات )اشوفة يدور بالميز مال أمة ظل يدور طلع جنطة خلاهة بيدي كال اكمشي الجنطة بناتية صغيرة بلون الحذاء بعدهة كمشني من أيدي حيل عصرهة اوووووووف شكد أمن وارتاح من يلزم أيدي حيل بعدهة أجة باسني من كصتي 😘خجلت وخدودي صارن حمر ماصاير هيج موقف وياية اول مرة وأول شعور هيج أحس شعور غريب ماينوصف أبد ☺🙊بعدين طلعنة صعدنة بالسيارة السيارة جانت مال أبو مو سيارتة سيارة من ذني العاليات الفخمات بس من طلعت ولازم أيدي حسيت كأني ملكة ونسيت كل الضرب والغلط مال بابا واخوية وكل الي صار وياية جنت فرحانة بيه حيل 😍واحنة كاعد نمشي كتلة ممكن تفهمني وين رايحين كتلهة رايحين الكربلاء امي هناك وخالاتي وابوية كتلة أي وأهلي شلون هوة كال الصبح رحت الاهلج وصلت اخوج الشغلة الجديد وكتلهم هسة رجعنة من المستشفى تريد حالتهة تعبانة تريد تموت كالو جيبهة كتلهم لا هية بيتنة راح تروح الكربلاء وية امي لأن البنية حالتهة مخربطة تروح زورهة ابوج ماحجة بس أمج كالت يااا 😱جيبهة عيب شيكولون علينة أهلك وكفت يم ابوج كتلة عمي خليهة تروح وية امي والبنات خليهة تروح وكل مشكلة والهة حلهة وإني متأكد هيةبنية فقيرة ماعدهة هيج سوالف أمج كالت أنشاءالله ماعدهة شي انتو لا تخافون عليهة واذا تخافون مني تعرفوني اني شنو أخلاقي وسمعتي هشام خوية اعرفك انتة شنو وادري بيهة مثل أختك واحنة لو ماعدنة ثقة بيك مانخليهة تروح وياك هوة يحجي وإني اضحك 😂رفع حاجبة وكال ليش ضحكين 😕كتلة مبين مثل أختك 😉ولا تخافون عليهة وانت بستني 5 مرات حسبتهن 💏وتتغزل بية ☺كتلة أي وبعد كمل شكالو أهلي كلي أهلج جان بالهم يم هشام اول يوم يدوم وصلت هشام واجيت شغل المسجل أقراص ماكو نزل يم محل أقراص اشترة قرص كاظم الساهر شغل اغنية أحبك ياحبيبتي انتي أغلى مافي الدنيا
شافني مامهتمة الاغاني كاظم الساهر اني أحب الاغاني الطربكة أكثر من الهادئة كلي جيبي القرص الثاني شغلة اغنية رعد الناصري كلب مامال للغير كلب عدكم ادور وانشد الناس واعاين بس بالوجه لا اندل واجيكم واسئلمن عليكم 💃💃😍شافني اندمجت بالاغنية علة المسجل كل صوتة وبدة يطك اصبعتين هوة ويسوق 💃💃وإني اضحك 😂☺وصلنة للقاسم جانت الساعة تقريبا بالوحدة الظهر نزل جاب عصاير وكرزات ونساتل يم يم يم 😋😋صرنة قريبين على الحلة اكو قطعة مكتوب بيهة مرقد شريفة بنت الحسن فدوة الأسمهة مسافة بعيدة عن الشارع العام شو
شو اني طلعت عيني 👀 كتلة اوكف اوكف كال شكوووو كتلة اوكف وكف كتلة ديور هوة ديور السيارة كتلة ادخل بالفرع هذا كال وين تردين كتلة نزور كال بس اني مااندل كتلة هسة امشي المرقد بعيد هواي عن الشارع العام نمشي وبعد نمشي وبعد ماواصلين اكو مرة و 2 جهال وكف السيارة حاجيت المرة أني كتلهة خالة وين المرقد كالت بعد كدامكم وانزلو على ايدكم اليسرى وصلنة المرقد دخلنة زرنة اني وياا واكلنة كيك وعصير 😍أبو المحل ولد شاب اني أكل وأبو المحل يباوعلي 👀صدك حسيت بوكتهة انو هوة عندة قلب ويغار علية انتبه عليه ذياب وصل يمة هوة يمشي ويضحك بوجه الولد ذياب شال ايدة وخلاهة على ركبة الولد صفكة كلة بخشمة 😡واشوف بس الدم بالكاع عزززة 😱صاح عليه بصوت كال امشي يم السيارة بالريمونت فتح السيارة واسمعة يصيح اصعدي رجع ذياب على الولد جرة من شعرة ورفع العكس مال رجلة وبخشمة ضربة التمت الناس واحد يقرب للولد رجال جبير كمش ذياب من ايدة وضربة راشدي 😳ذياب سحب ايدة وظل يضرب بالرجال بوكسات بوجهة اني مااتباهة بيه بس هوة سبع واخو خيتة (والله وكفو منك ذياب #ايات ☺)الناس فكتهم ذياب ظل يهدد بيهم اني ابن فلان ابن الشيخ فلان لمن يسولف احسة قطعة من روحي كمت اعشقة واموت عليه مو بس أحبة 😍شفت الناس كثرت أجة رجال شايب كال عمي خير شكوووو شبيك كلة عمي تحارش بزوجتي وهية يمي تريدني اسكت أجة كال عمو صدك اتحرش بيج هزيت رأسي أي لعد شكوول أكول لا الرجال الجبير طلع يعرف عمام ذياب كلة عمي اصعد بسيارتك وروح انشاء الله نرضيك ذياب صعد بالسيارة شغلهة ونزل وكف كبال ذولاك وكللهم انتو ولد عشائر مو ولد ولاية وانة ابن عشاير زوجتي يمي وتحرش بيهة وإنشاءالله يصير خير مادام عرفت جبيركم الي فهمتة من الرجال الجبير يحجي وية ذولة انو هاي سالفة موهينة وبيهة كتل ودم 😟اجوي كامو يتوسلون بذياب امسحهة بينة هذا طفل معليك بيه احنة نئدبة كلهم أبد تجون وراية العمامي بحدود 10 دقايق يقنعون بيه هوى قافل آلة تجون ويآي اجتني مرة جبيرة وياهة شايب كالت احجي ويا سدو السالقة لا تكبروهة ساعة يكلي عمي ساعة بوية ترجوني احجي ويا درت وجهي لذياب كتلة كافي سد السالفة باوع علية ودار وجهة عليهم كلهم هاي السالفة انتهت هاهية الخاطر زوجتي 😍😍😍اووف شحلاتهة بحلكهة من كال مرتي يبعد كل هلي شكد أحبة و اعشقة ☺ذياب صعد بالسيارة فر السيارة كل سرعتة ترسهم تراب ظل يكحص عليهم ويباوع عليهم باوعت ليورة شفتهة صارت دخان والتراب ورة كتلة شنو معناه هاي كال يعني مااحترمهم كال شفتي كتلة شفت كال شفتي شلون فريت السالفة عليهم خليتهم يتوسلون كتلة أي تاليتك موهين كمش أيدي وعصرهة حيل وباسهة 😘خليت رأسي على جتفة لأن اني مآ اول ماشفتة حبيتة هوة الي انقذني حقي هيج أحبة وأمن بيه وصلنة قريب على الإمام جانت الساعة 3 الظهر حط السيارة بالكراج كال يلا انزلي نزلت هوة لازم أيدي شاف الجنطة بيدي كال هاي بيهة فلوس ويضحك طلع فلوس من جيبة 50 الف كال حطيهن بجنتطج خاف تشتهين تريدين شي بدينة نسولف مد ايدة بجيبة طلع جهاز لمس كال خلي بأيدج لأن بنات خالتي هناك يتفيكن ☺مدنكة اني وياا جاي يعلمني على الموبايل شلون افتحة واسدة وهنا جانت الصدمة 😱😳
🌹🌸🌹🌹متابعة ممتعة ورئيكم بالقصة وتوقعاتكم شنو الي شافووو انتظرونا يوم الاحدالساعة 9 مساء مع الجزء الثاني
احترامي وتقديري للمساعدة الحلوة الطيوبة #ايات مظفر هههههه خطية البنت تعبت من الساعة 10 ليلا الي حد الخامسة صباحا كلنة مع اتصال واحد ونكتب إني ارد آلهة وهية تكتب 🌹تحياتي مني ومن #ايات لكم دمتم سالمين
