sokra Queen:
عيونو فلسطينية👀
الحلقة الخامسة ♡♡
يلا لم وصلنا ناس حبوبة كان مع صلاة العشا كدا قمنا صلينا و اتعشينا و رقدنا صلطة 😂😂😂😂👊 المهم تاني يوم صحينا بدري كدا لقيت ليك خالتو عفراء جات 😍😍😍طبعا خالتو عفرا دي اصغر خالاتي هي معرسة و مرحلة رفاعة يلا اليوم دا جاتنا ياخ بحبها كيف 😙😙😙قمت عرفتها على زوبتي و حبتا طوااالي 😚😚😚 يلا لم جا وقت الفطور مشيت المطبخ طقشت الحلل كلللها 🍲🍛🍚المهم جهزت الفطور و قعدنا كوضمنا 😂😂😂😂 يلا بعد الفطور سقت زوبا و قلت ليها ارح اوريك جيرانا بس طالعين كدا في نص الحوش اجي واقعة 😂😂😂و اسمع ليك حبوبة تسكل 😂😂تاني طبعا خموني للمستشفي 😆😆 طبعا حبوبة طيبانة دموعا دي جرت بحر 😭😭😭و خالتو عفراء دي زاتا تبكي 😢😢قامت زوبا قالت ليهم ما تبكو هديها صحت عاينو ليها كويييسة اهديها 😢😢و هي زاتا تبكي 😂😂😂يلا بس اعاين ليك هناك ايمن قاعد في كرسي و زهجااااان😠😠😠سكت ساااي اصلي ما قلت شي بعد ما طلعونا البيت نسوان الفريق كلهن اتلمن احمدلن لي السلامة 😂😂بالليل كدا بعد ما البيت صن كنا قاعدين انا وزوبا في غرفتي 😆😆بس جا خاشي علينا ايمن ولسسسة زهجان 😠😠😠قال لي انت يا حيوانة لي متين كدا 😬😬😬طلعتي واقعة في الجماعة الايام الفتات دي كلها و ما كلمتينا 😤😤😤قلت ليه معليييش 😢😢و قعدت ابكي ياخ كان بخوف كدا 😭😭😭قال لي خلاص ما تبكي بس نحن خايفين عليك تاني ما تعملي كدا و بعدين انا معاك في الجامعة زاتا كلميني لو حصلت ليك اي حاجة 😍😍ياخ عجبني كيف 💖💖 المهم بعد روقنا كدا عرفتو على زوبا و قلت ليه اقعد اتونس معانا قام خجل كدا و اتحجج لينا و طلع 😂😂😂قامت زوبا قالت لي واااي طبعا ولد خالت دا موووبالغة 😍😍😍قلت ليها ها حيوان ساي بس برضو طيبااان 💖💖قالت لي ولي ما عرفتينا ليهم مادام بقرا معانا في نفس الجامعة 😬😬قلت ليها بري عشان تكلموهو بي البعملو كلو ابيييت 😂😂😂👊 يلا نقينا كدا و نمنا 😪😪😪يوم السبت جاتنا مروة و نقييينا 😆😆😆 يلا يوم الاحد الصباح قامت زوبا قالت ماشة الجامعة طبعا انا ناس حبوبة حموني المشية 😂😂 المهم قامو قالو لي ايمن امشي معاها 😂😂😂واااي طبعا الولد انحرج كيف 😂😂😂👊يلا وصلها وصلو ما تكلم معاها بعد داك مشى كليتو 😆😆 اخر اليوم كدا دقت علي عاتكة ملهوووفة 😯😯قلت ليها مالك 😨😨قالت لي واااي اتخيلي الجا سال منك الليلة منو 😍😍قلت ليها يعني منو حيكون 😬😬 قالت لي المكسرنا 😍😍 وااااي انا طبعا اللحظة ديك قلبي عمل شححححح 💖💖💖 طبعا انا و صاحباتي مسمين عمر المكسرنا 😂😂😂👊 يلا قلت ليها اصلو ما بصدق 😲😲😲قالت لي واااي طبعا خالد قال لي انو يوم وقعتي في المكتبة عمر هو الشالك و رفعك اني وقعتي جمبو 😍😍قلت ليها شنو 😲😲😲😲طبعا اتزكرت اني لم قعدت كنت قاعدة جم فلسطينين لكن نهاي ما انتبهت لي انو عمر واحد منهم 😆😆😆المهم نقت لي كدا و شغلتا لي قلت نهاي ما بشتغل بيها 😂😂 يلا تاني قامت منى دقت علي و قالت لي نفس الكلام 😂😂👊 و تاني دقت علي زوبا و سمعتني نفس الكلام 😆😆😆 يلا زوبا قالت لي انو كان ملهوف عشان اعرفك كيف بقيتي 😍😍 قمت قلت ليها قولي ليه بخيييبر دام انك سالت عليها 😂😂قالت لي بري ما لي بقول لي ود الناس كدا 😬😬 قلت ليها خلاص انت عارفاني بهظر 😂😂😉تاني قولت ليها انو ناس منى العواليقات بشغلوها لي 😢😢و انا ما عندي حاجة ليهو 😭😭😭 قالت لي ما تشتغلي بيهم بس انت اعملي حسابك الناس دي بتودي و بتجيب من عندها 😬😬 طبعا زوبا دي مصاحبة الاولاد كلللهم كل اولاد الجامعة و مافي زول بقدر اقول عنها حاجة يلا هي البت الوحيد مع اربعة اولاد و هي الصغيرة فيهم 😆😆فعشان كدا صحبتا كلهم اولاد 🙎🙎🙎يلا هي صاحبتي انا اساسا و مرات لم تلقاني قاعدة مع منى و عاتكة بتجي تقعد معانا 😍😍 يلا قلت ليها ماااشي يا حبيبتي 😙😙😙 طبعا الاسبوع داك كلووو قضيتو في البيت حموني امش الجانعة ياخ حتى يوم الزيارة ضيعوهو علي 😭😭😭الدكتورة حتنبحني 😤😤 يلا مشيت يوم الاحد و وصلني ايمن يلا دي اول مرة نمشي فيها سوا و كنت ناقاهو مسافة الشارع كلو 😂😂 لم مشيت الكلية و دخلت القاعة دي كدا البنات جو جاريات علي💃💃 زي العروس لم تخش صالة الحفلة 😂😂😉 يلا في واحدات كدا شغلو لي بي عمر قمت زعلت كدا لكن قلت نهاي ما بظهر ليهم اني اتاثرت 😬😬 بعد المحاضرة زوبا كانت مع زين ولد قروبا كانت بتشرح ليهو قدااام كدا و ناس منى و عاتكة قالو لي اقعدي هنا نحن بنجيب ليك فطورك 😍😍😍 بس و انا قااااعدة كدا عيني ما تشوف غيرووو 😂😂😂جا خاااشي القاعة كدا خت شنطتو في البنش التالت في الطرف و قعد شوية كدا بعد داك قام وجا راجع ورا 😮😮بس اشوفو ليك ماشي علي عديييل لمن حصلني 😍😍قالي السلام عليم قلت ليهو وعليكم السلامة💖💖قال لي كيف صرتي 😊😊قلت ليهو بخيييير و انا بعاين لي عيونو👀👀 قال لي خوفتيني عليكي قلت ليهو اسفة 😢😢قالي هلا صرتي احسن 😊😊قلت ليهو الحمد لله 😍😍كان واقف و هو بتكلم معاي بعد داك مشى رجع لي مكانو طبعا لقيت ليك القاعة دي كلها مركزة معانا لزوم اول مرة اتكلم مع زول و كمان بت شي عجيييب 😂😂😂👊 يلا بس جوني جاريات منى و عاتكة هم كانو شافو المشهد قالو لي قال ليك شنو قلت ليهم اصلي ما بوريكن 😆😆المهم شغلنها لي و اليوم داك الدفعة كلها عرفت و بقت مشغلاها لي 😬😬 قمت بالليل في الداخلية مشيت لي زوبا في غرفتا يلا انا و عاتكة و منى بنات غرفة واحدة و معانا خمسة بنات تانيات يلا غرفتنا الفرفة 36 اما زوبا فغرفتا الغرفة 41 يلا مشيت ليها و سقتها و نزلنا تحت و قعدت ابكي ليها 😭😭😭و شكيت ليها من صاحباتي المعفنات و لي الناس دي بتشغل لي 😢😢 قالت لي انت خليك واثقة من روحك انتو ما عندكم حاجة لي بعض و الناس دي فاااضية و ما عندها شي تعملو عشان كدا اشتغلتك قلت ليها لكن يا زوبا انا عاوزة اصاحبو 😢😢قالت لي و مالو صاحبيهو بس ما تدي الناس فيك فرصة تقول حبيتيهو قلت ليها ان شاء الله ☺☺
يلا مدام انكم قريتو للحلقة دي اكيد القصة عجبتكم 😙😙استنوني في الحلقة الجاية
