يلا بعد ما بكيت في زوبا حسيت روحي ارتحت 😁😁 قامت زوبا قالت لي عارفاك ما بتكوني قريتي ارح اقريك 😆😆 طبعا زوبا دي من النوع الحفااااار شديييد ما شاء الله بقت فاتحة المرجع بتشرح لي و انا راااقدة بعد شوية كدا لقتني نمت 😴😴😴 يلا تاني يوم الصباح قالت ماشة الجامعة تقرا في المكتبة قلت ليها انا ما ماشة 😧😧 طبعا انا من وصلت الداخلية مشيت لي زوبا في غرفتا نهاي ما مشيت لي غرفتنا و ناس منى ما عارفني جيت اساسا 😂😂😉 يلا مشيت ليهم قامو اول ما جيت داخله قالو لي هلا بعروس الفلسطيني 😂😂😂 شميتم ليك كيف 😠😠😠 ياخ بس رميت شنطتي و طلعت قعدت في الكفتريا تحت بس جات ماشة بي عندي برلومتين كدا قامت واحدة قالت للتانية دي صاحبة الفلسطيني العيونو خضرة داك 😍😍😍 قمت حمرت ليهم كدا 😤😤😤😤 ياخ الناس دي كرهتني روحي عديييل كدا بس كرعيني شالوني و لقيت روحي في نص الجامعة لابسة عباية و طرحة و سفنجة 😂😂😂😂 بس دخلت قاعتنا لقيت زوبا بتشرح لي خالد قعدت معاهم شرحت لينا و بعد انتهت خالد مشى قامت قالت لي مالك جاية مبهدلة كدا 😨😨😨 قلت ليها حصل و حصل و حصل 😭😭😭قالت لي لا لا البنات ديل كتروها و الله 😠😠😠قلت ليها نهاي ما تتكلمي معاهم 😢😢 المهم قرتني كدا تاني براي و رجعنا الداخلية قامت قرتني برضو لي الساعة واحدة كنت بقرا المهم فجه تلفوني ضرب لقيتو هو 😍😍😍 قلت ليهو ايوة عمر قال لي زوبا جمبك 😲😲😲 قلت ليهو زوبات شنو الدايرة 😧😧😧 قال لي كانت شرحتلي درس مرة و بدي اسالها عن شي 😂😂😂 قلت ليهو هكا ليها المهم اتكلم معاها كدا مسااافة و بعد داك رجعت لي التلفون 📱📱 سالتو قرايتك كيف قالي درست كويس و الحمد لله و انت ☺☺ قلت ناهي ما بقول ليه ما قريت المهم اتكلمت معاهو شوية كدا و قفلت
يلا تاني يوم كان الامتحان ياخ الفارما دي كريهة كراهة 😭😭😭 الامتحان كان مشروع تصقيط عديييل كدا طلعت ابكي انا الدموع ديل ما يدن الدرب 😭😭 قامو صاحباتي قعدو اسكتو فيني يلا جات دعاء الكريهة قالت لي لو كنت قريتي بدل جريك ورا عمر ما كان اخيرليك😠😠😠 قلت ليها تجري مكسرة بركة الله العواليق دي 😬😬طبعا دعاء دي واحدة حنكوووشة كدا و دايما بتشاكل معاها😤😤😤 يلا بعد داك البنات ساقوني الكفترية كنت زهجااانة بس اجيني عمر كدا 😍😍 قال لي ممكن دقيقة 😍😍 قلت ليهو طوالي 😍😍😍 مشينا قعدنا كدا في بنش برة كدا سالني ليش كنت تبكي قلت ليهو الامتحان كعب قال لي ليش انت ما قدمتي كويس زوبا صاحبتك 😨 قلت ليهو اي لكن انا ما قريت ثم انت زوبا دي عرفتها متين 😒😒 قال لي عرفتها منك هي صحبتك و انا صاحبتها قلت ليهو بالله المهم قاعدين كدا تلفونو ضرب نغمتو كانت الموال حق فلسطين داك بتاع الحروف بي صوت خالد حازم 😍😍😍قلت ليهو ما بترد الا اسمعو قعد يضحك و قال لي فعلا جنو قلت ليهو اي جنو و افتخر 😂😂😂👊 المهم بعد داك رد طلع دا ولد عمو دايرو قام طوالي استاذن و مشى 😉😉😉قعدت كدا و بعدها زهجت قمت ماشة بس اسمع ليك بتين كدا بيقولو مشى خلاها و الله البت دي شبكة كيف 😂😂😂 قمت قلت ليهم اشبك فيكم يا يمة كلب ما يفككم 😠😠😠و رجعت الداخلية بس فجاة قفلت معاي دخلت غرفتنا قامت منى قالت لي مالك جيتي بدري عمر مشى وين 😉😉😉قلت ليها مشى لي ولد عمو قلتها ليها بي براءة كدا 😶😶قامت قالت لي ايوااا عشان كدا اصلا لو ما كدا ما كان جيتي و قعدت تضحك 😂😂😂 قمت فهمت قصدها و الله غاظتني كيف 😬😬😬قمت بس طلعت ما وعيت ليك بي نفسي الا وانا بقطع في التذكرة للحصحص 😂😂👊زعلة شديدة 😂😂المهم ركبت الباص و ركب جمبي ولد و قعد اشاغل فيني المهم فكيت ليك في زعلتي دي كلللها 😂😂مسكين يوووخ المهم وصلت بيت ناس حبوبة شلت ليك العنقريب و ختيتو في نهاية الحوش و مسكت تلفوني بقيت بسمع في اغاني 🎧🎧 و بقلب في الصور 📲📲بس اجيك لي ايمن بسم الله الرحمن الرحيم 😨😨😨انت جان انت 😖😖قال لي خير لي😬😬قلت لبه في نص الاسبوع الجايبك شنو 😕😕قال لي نفس الجابك 😑😑قلت ليهو الجابني قوي يا ايمن و قعدت ابكي 😭😭 قال لي عرفتك المهمك ما شي ساهل يا ام قلبا ميت 😂😂👊قلت ليهو يا ايمن الناس كعبة كعبة شديييد بتكضب و بتصدق كضبتا ياخ والله غياظييين 😢😢 قال لي و من متين ليك بالناس يا جنو 😮😮 قلت ليهو ما عندي ليهم حاجة بس ما يكضبو فيني 😢😢قال لي والله ما عارف اقول ليك شنو لكن ما تبكي مافي حاجة بتستاهل دموعك ديل ☺☺قلت ليهو انا ما باكية عاشانم انا باكية علي روحي دي اللي الناس ما مخلياها في حالا 😭😭قال لي و الله انت البتجيبيهو لي روحك 😬😬 قلت اليهو كيف يعني 😢😢قال لي اه اتذكرت مش انتي قلت ما شغلتي بيك و قام خلاني 😕😕 قمت زعلت شديد لاني كنت عايزة زول اشكي ليهو يلا بعد مسافة كدا حسيت بالحر الواطا كتمت شدييد قمت طلعت التوب و و دخلت الصالة و شغلت المكيف و جيت قعدت في الكرسي بس فجاة اعاين كدا القى ليك ايمن بصر لي 😬😬قلت ليهو خير مالك😡😡قال لي امشي اتلمي 😠😠قلت ليهو الموك مع السكر و النشالين في الحراسة يا يمة 😬😬قال لي ياخ امشي البسي توبك دا 😤😤 واااااي اللحظة ديك قلت يا ريت الواطا تنشق و تبلعني ياخ انحرجت كيف 😱😱😱 كنت لابسة بنطلون و فنيلة صغاار كدا 😅😅اصلا انا لبساتي كلهن بناطلين يا اما بجامات نهاي ما عندي جلبابات و عند ناس حبوبة بكون لابسة التوب اليوم كللو 😆😆 يلا بس في اللحظة ديك وااااي ما عرفت امش وين 😣😣بس قعدت ليك في الواطا 😂😂😠😨👊بس قام هو طلع و خلاني في حتتي ديك بس جات خاشة حبوبة لقتني قاعدة في الواطا قالت لي اجي يا بتي اريتك ولادة السجم قاعدة في اللرض دي مالك 😨😨قلت ليها ما في شي يا حبوبة قالت لي و ايمن دا مالو طالع من هنا زهجاان كدا 😕😕 قلت ليها ما عرفاهو 😂😂👊قلت نهاي ما بقول ليها شافني كدا 😆😆 المهم قالت لي و الله كان كان شافك كدا من غير توب الا نجيب فكي محمد اعقد ليكم 😂😂👊واي يا حبوبة مبالغة طبعا طلعت 😂😂 قلت ليها و الله يا حبوبة اكون احسن زاتو انفك من بورتي دي 😂😂قالت لي و الله نحن زمان تجيبي سيرة العرس ابوك اكسرك بالعكازة و امك ولا بتجي تحجز و الله جنس بنوت انتن 😬😬
لو حابين تعرفو الحيحصل لي مها تاني بس ما عليكم الا تتابعوني 😙😙
يتبع...
