يلا قعدت عن ناس خالو يومين كدا و جيت مدني لانو اساسا الجامعة كانت شغالة ليها اسبوعين و زيادة ياخ نص المحاضرات فاتتني😢😢😢 بس اول ما وصلت بعد ما لاقيت حبيباتي عاتكة و منى و زوبا و اكملنا و نستنا 😂😂 زوبا مسكتني و بقت بتقري فيني 😂😂 ياخ كرهت روحي عديييل كدا 😬😬 يلا بعد يومين كدا و انا قاعدة في الجامعة اشوف ليك عمر من بعيييد كنت مشتاقة ليهو بس ماشة عليهو كدا 😦😦تمسكني دعاء قالت لي ماشة لي عمر 😑😑 قلت ليها ايوة مالك 😬😬 قالت لي ما كفاكم انكم قضيتو الاجازة سوا 😬😬 قلت ليها كيف يعني 😨😨 قالت لي الدنيا دي كلللها عارفة انكم اتلاقيتو في الاجازة و انو مشى الامارات عشانك 😏😏انتو مدام بتحبو بعض كدا ما تنخطبو و ترتاحو 😑😑طبعا خلااااص روحي مرقت عدييييل كدا ما قدرت اعمل شي بس شلت ليك كرعيني و جريت مرقت برة الجامعة و قلت الليلة اصلي ما برجع ليها الجامعة دي 😭😭 مشيت الحصحيصا لي حبوبة يادابو دي اول مرة الاقيها من جيت من الامارات ياخ كنت مشتاقة ليها 😍😍 قالت لي يا بتي الجايبك شنو في نص الاسبوع كدا 😨😨 قلت ليها اشتقت ليك يا حبوبة 😘😘 قالت لي اصلووو ما دا السبب عايني عويناتك دي مهمومة كيفن 😦😦 قمت قعدت ابكي و ابكي و ابكي 😭😭 قالت لي يا بتي اصلو مافي شي بخليك تبكي كدي قولي بسم الله و وريني مالك 😦😦 قمت كلمتها قالت لي يعني الحلبي كان جاك عن ناس امك و الله قهوووورة يا بتي 😂😂 قلت ليها هسي دا الركزتي فيهو يا حبوبة 😠😠 قالت لي انتي بتريديهو 😟😟 قلت ليها اي ياحبوبة لكن ما هو صاحبي بس و الله انا بريدو زي ما بريد تبو اخوي 😣😣 قالت لي وكت كدي خلاص اصلللك ما شغلتك بي كلام الناس بس انت يا بتي برضو دا ولد و لازم ما تنداحي معاهو كدي باكر الناس دي بتقول فيكن كلام اصلو ما سمح 😬😬 قلت ليها و الله ياحبوبة انا عاااملة حسابي و هو زاااتو مامقصر قالت لي برضو يا بتي الناس ما بتريح قلت ليها فعلا يا حبوبة 😘😘 ياخ و الله حبوبة دي نهاااي مافي زيها 😘😘😘قلت ما بمشي الجامعة اصلا هو كان الاربعا و دكيت الخميس برضو طبعا زوبا دقت زلتني 😂😂 قالت لي ما كفاية المحاضرات النتي ما حاضراها 😠😠 ولا قلت ليها بتقولي في شنو 😂😂 يلا يوم الخميس و انا قاعدة في نص الحوش كدا و مستكيييينة اجيك خاشي ايمن وااااي الحيوان دا الجابو شنو 😠😠 نهاااي ما كنت دايرة اشوفو طبعا سلللم علي حبوبة و انا ابيت اسلم عليهو حبوبة شاكلتني قلت اصلي ما بسلم عليهو 😆😆 يلا الخميس داك نهااي ما ورتو وشي و يوم الجمعة هو مرق من الصباح ماجا راجع 😂😂 يلا يوم الجمعة بالليل حبوبة عيت علي شديييد جاتا حمة و بقت تستفرغ و هبطت شديييد و انا ماعرفت اعمل شنو و المطرة كانت شغالة و ايمن ما كان جا راجع لسسسة 😭😭😭 بس قعدت ابكي و قمت دقيت علي ايمن 📱📱 يلا كلمتو ايمن دا لمن صوتو اتغير دقايق بس و جا البيت طلع كان مع ود جيرانا جو التنين 😣😣 طبعا لقوني ببكي نهاااي ما فهمو مني حاجة يلا ولد جيرانا جاب عربية ابوهو و سقنا حبوبة المستشفى و ديناها الحوادث 😢😢 يلا طلع عندها زايدة و قالو الا اعملو ليها عملية هسي قمنا كلمنا خالتو عفراء جاتنا جري هي و راجلا من رفاعة 😂😂 يلا لمن حصلت لقت عملو العملية و انتهت يلا لمن فتحت حبوبة ياخ لمن سجدت شكر 😍😍 ياخ حبوبة دي نكهة حياتي يوووخ يلا ولد جيرانا قعد اشغل لي بكاية يا بكاية و بقى مسميني البكاية يلا ايمن نهاااي ما اتكلمت معاهو 😂😂 اي زول لاحظ انو في شي ماياهو قامت خالتو عفرا ء قالت لي مالكم انتي و ايمن 😞😞قلت ليها مافي حاجة😆😆 قالت لي ما تكضبي قلت ليها و الله متشاكلين و ما بقدر اقول ليك حاجة😯😯 قالت لي ليي كدا هو ولد خالتك قلت ليها اي ولد خالتي و اي شي بس و الله هو كترا 😢😢 قالت لي براحتك لكن ما تطولو هو برضو بعزك و بخاف عليك 😉😉 قلت ليها و الله 😎😎 المهم يوم السبت كدا كنت بتكلم مع عمر بالتلفون 📱📱 يلا هو من يوم جيت مالاقيتو ولا اتكلمت معاهو قال لي انا زعلتك شي 😢😢 قلت ليهو حاشاك قال لي طيب لي ما بتكلميني 😢😢 قلت ليهو عشان زوبا كانت عامل لي معسكر قراية قال لي ليي ما جيتي الجامعة 😕😕 قلت ليهو كنت زهجانة يوووخ 😬😬 قال لي و بكرة 😦😦 قلت ليهو ما بقدر حبوبة عيانة قال لي مالها خير😨😨قمت كلمتو قال لي سلامتها و المهم بعدا قفل كلمت حبوبة قلت ليها عمر بيسلم عليكي 😂😂 قالت لي بس كدا قولي ليهو تعال شوفا عيونك بتشددا 😂😂😂 لايوووووخ يا حبوبة 😨😨😨😨😨 يلا بالليل كدا اتصل تاني عشان اطمن عليها و قال عاوز اتكلم معاها 😉😂 يلا تسلم ليك حبوبة قالت ليهو تعال و الله شوفتك ساااي بتشددني 😂😂😂 فضحتنا حبوبة 😧😧 يلا ما عرفت قال ليها شنو بس حبوبة كانت تتكشم سااااي 😂😂😂 يلا تاني يوم من الصباح حبوبة قامت قالت لي خالتو عفراء اديني توبي الطوبي داك و لبسست و اتجيهت اصلا كنا طالعين البيت لم حصلنا البيت حبوبة شغالة يا بت تعالي شدي الملايات ديل يا بت تعالي رمدي السجم دا 😠😠 ياخ و الله كل شي مرمد يا حبوبة بس ما عارفاها مالا التقول جاي راجلا 😂😂 يلا بعد الفطور كدا البيت و قف من الضيوف حبوبة قالت لي اعملي بخور و سريييع و امشي اقلي ليك بن جديييد و كان ما لقيتي بن جيبي من الدكان 😦😦 قلت ليها يا حبوبة ياخ في بن مقالي يوووخ 😢😢 قالت لي لا لا جايني زول اشرب معاي الجبة 😍😍 ياخ زهجت زهج و مشييت خشيت المطبخ و ما لقيت بن قمت اتخمخمت بالتوب و مشيت الدكان 😂😂 جبت البن و الشارع كلللو مطرة و دبووووووج انزلقت و اتمليييت طين و الشفع قعدو اضحكو علي 😂😂😂 يلا بس قعدت ابكي 😭😭جا ماشي فيني ايمن ولا رفعني 😬😬 ياخ دا ولا قال لي بتسوي في شنو 😠😠 يلا بعد ما كملت بكاي مشيت االبيت اعتب من رجلي 😦😦وسخاااانة انقط من الطين و الموية العلي 😢😢دخلت المطبخ رميت ليك البن وين ما عارفة و مشيت دخلت جوة الق ليك حبوبة و ايمن و معاهم 😨😨😨😨
لالا يووووووخ لو عاوزين تعرفو منو استنوني 😂😂😉
يتبع....
