يلا اساسا و لانو الجامعة كانت شغالة لي اليوم القبل يوم الوقفة انا كان لازم امش الجامعة عشان اكلمهم اني مسافرة عشان الاتندس و كدا 😂😂😂 اساسا انا ما شغالة بيهو 😂😂👊 يلا مشيت الجامعة و انا كرهانة روحي و و كارها الجامعة دي شديييد 😢😢 يلا بس اول ما دخلتها بقيت اشييل و اقرا في يسين 😂😂 و الحمد لله ظبطت معاي لغاية ما مشيت مكتب التسجيل و انتهيت ما لاقيت زول بعرفو😥😥😥 بس و انا طالعة منو كدا الق ليك عمر قدامي بس قمت جارية لمن هو زاااتو اتخلع 😂😂بقى بينادي لي مها مها و لا اشتغلت ليهو و قعدت ابكي 😢😢😢 بس جريت و اجرت ركشة و مشيت الشعبي 😂😂 ومنو لي ناس حبوبة 😂😂 يلا مشيت ناس حبوبة لانو اساسا حبوبة حتسافر معاي لانو ماما و خالتو رحمة قالو عايزنها تعيد معاهم هناك 😙😙 بس مشت وصلت الحصحص كدا و طلعنا طوالي مشينا الخرطوم 😍😍 مشينا على المطار طوالي لانو طيارتنا كانت الساعة عشرة و نحن حصلنا زي الساعة تمانية كدا 😆😕 وبعد بهدلة المطار داك 😬😬 ركبنا الطيارة ✈✈✈ و يالامارات جاك نفر 😂😂😂 بس شفت ليك السودان من فوق و قعدت ابكي 😢😢😢 حبوبة قالت لي مالك يا بت 😨😨 قلت ليها يا حبوبة السودان حلو و ناسو طيباااانة و سمحة 😍😍 لكن الجيل الجديد دا خرباااان و حيخرب معاهو السودان 😢😢 قالت لي اجي يا بتي اتقول ماك منهم 😨😨 اساسا مافي زول حيخرب السودان دا غيرك انت يا مها 😡😡 طبعا استلام تمريرة و تسديدة 😂😂😂 و قصفت جبهتي 😂😂😂😂 حرام عليك يا حبوبة كان تخلي لي حته الف فيها الطرحة 😂😂 و صلنا الامارات هناك و ناس ماما و خالتو رحمة كانو منتظرننا 😍😍 ياخ السلام و الشوق 😍😍😍 بعد داك مشينا البيت حبوبة مشت معانا و ناس خالتو رحمة رجعو في ليلهم داك علي عجمان عمو عبد الرحمن قال ما بقدر ابيت بكرة عندو شغل بدري مهم شديد😦😦 طبعا انا كملت النوم 😂😂😂 ما صحيت الا الضهر كدا 😅😅 اول ما صحيت لقيت ليك تبو في وشي قال لي يا مها بابا قال عايزك 😉😉 قلت ليهو عيوني لي بابا 😍😍 و جري مشيت ليهو 😘😘قعدني كدا و بقى اتكلم معاي 😆😆 بس اول ما قال لي الحصل ليك شنو عشان تكرهي السودان 😕😕 دموعي جرن بحر 😭😭😭 قال لي بسم الله يا مها انا ابوك كلميني و بوعدك حاحل ليك مشكلتك ان شاء الله 😦😦 قلت ليهو والله يا ابوي ما في شي بس زعلانة من ناس الجامعة و اساسا انا الجزيرة دي ما عاجباني حول لي الخرطوم عليك الله 😔😔 قال لي هسي بقت ما عاجباك قاريه فيها تلاااتة سنة و تجي تقولي ما عاجباك 😧😧 قلت ليهو زمان كانت عاجباني بي ناسا و هسي كرهوني فيها ناسا 😢😢 قال لي كدي استهدي بالله و احكي لي الحصل شنو عشان تكرهيهم 😦😦 طبعا بابا دا صاحبي شدييييد صح مرات بشد علي لكن بس لانو لي مصلحتي ما اكتر 😙😙 بس مسحت دموعي و حكيتليهو القصة من طقطق لي السلام عليكم 🙈🙈 بس اتخلع لم قلت ليهو انو عمر جا و اتغدى معانا هنا في بيتنا دا 😂😂 يلا بعد انتهيت قال لي يا بتي انت لو طلع صحي و الود الفلسطيني دا رايدك بالحلال و داير يخطبك بتوافقي 😕😕 قلت ليهو والله يا ابوي انا اساسا ما بفكر في العرس هسي ولا حتى خطوبة سااااي مادايراها 😢😢 يا بابا انا كفاية علي ناس دنش و سنل و كومار ديل 😢😢 و الله يابابا انا نهااااي عمر دا ماعندي ليهو حاجة 😢😢 و انا صاحبتو ساااي والله زيو زي اي واحد تاني بس الفرق انو فلسطيني 😢😢 قال لي و الله يا مها يا بتي كبرتي في عيني و اساسا الناس دي ما بتريح عادي ممكن تطلع من راسا و تكضب 😬😬 بس انتي يا بتي ما تشيلي هم و لو الولد دا صحي رايدك بالحلال ما تقطعي قسمتك يا بتي 😦😦 قلت ليهو حتى يابا هو فلسطيني 😦😦 قال لي يا بتي مش بني ادم زينا مش بياكل و بشرب زينا 😡😡 و مالم الفلسطينين 😬😬 طالما انو شاب جادي في حياتو و رايدك بالحلال يا بتي اصلو ما فيهو عيب مش ملتزم بي دينو و اخلاقو كويسة 😬😬 قلت ليهو ايوة يابابا عمر دا محترم شدييييد 😍😍 قال لي خلاص يا بتي انت امشي صلي و ادعي ربنا افرج عليك 😉😉 و الود دا كان طلع صادق اوعاك ترفضيهو ساي استخيري ربنا فيهو مكن دي قسمتك هنا يا بتي 😉😉 طبعا بقيت ما عارفة اقول شنو لساني اتربط عدييييل و بقيت اتمتم ساااي 😂😂👊 بس ابوي قال لي يا بتي اصلك ما تشيلي هم شي و الناس دي اصلا ما بتريح عشان كدا يا بتي قومي غسلي و شك دا و شوفي حياتك و قرايتك بي وين 😍😍😍 وااااي انا يابابا بحبك عدييييل 😍😍😍قمت بس نطيت فيهو و حضنتو و قعدت ابوس فيهو 😙😙 ياخ بابا دا نعمة حياتي و الاه ربي يحفظو لي 😍😍😍 بس من اليوم دا قمت زي حسن العملولو الدرب قام ترب 😂😂😂👊 و عشت حياتي و اطلع و انزل بي مزاجي و ما خليت ليك حتة ما مشيت ليها 😂😂 يلا يوم عرفات كنت صاااايمة و زانقة معاي زنقة شينة العطش داير يكتلني 😦😦 بس نممممت و شبعتتتت نوم 😂😂 في الوقت داك جونا ناس خالتو رحمة هي و عمو عبد الرحمن 😍😍 طلع ايمن حيجي من السودان الليلة و هم جايين عشان استقبلوهو ☺☺يلا المهم كدا بعد اخدو قعدتم عمو قال لي بابا عازيك في كلمتين برانا و مشو قعدو في البلكونه 😅😅 يلا بعد كملو كلامهم عمو جا ساق خالتو رحمة و طلعو مشو المطار ☺☺ يلا استقبلو ايمن هناك و على طووول رجعو بيتهم في عجمان 😉😉 قدر ما بابا حنسم اقعدو افطرو معانا ابو 😢😢 يلا قريب المغرب كدا ماما جات صحتني بقيت بقول ليها ما دايراهو بس ما دايراهو 😢😢 قالت لي منو هو يا بت 😨😨 بقيت بقوليها انا ما بنخطب ليهو و الله ما انخطب ليهو 😭😭 قالت لي يا بت قولي بسم الله كدي اصحي كويس يا بتي انت حلمانة 😬😬 طبعا اللحظة الوعيت فيها دي انحرجت كيف 😂😂👊 علي اساس ان كنت نايمة و انا بفكر في موضوع عمر 😂😂😂 لم فتحت عيوني كدا و عرفت روحي بقول في شنو 😂😂 ماما قالت لي خطوبة شنو يا بتي و الله انت بي جنك دا برجعوك لينا بي جردل خبيزك 😠😠 قلت ليها ياخ حلم ساي يا ماما 😂😂😂قالت لي كدي قومي غسلي و شك دا و ارح المغرب بعدا حياذن 😉😉 قمت جري 😂😂👊 يلا بعد الفطور و كدا بقينا في تجهيزات العيد 😍😍😍 انا كنت تعباااانة 😫😫 تولا قالت الا تمش المول تجيب حاجات جداد تاني و هي اساسا مشت من امس 😂😂 بابا قال ليها خلاص سوقي تبارك و امشو 😉😉 يلا تبارك دا منوووو تبارك دا اخوي تبو بابا سماهو علي صاحبو اماراتي 😍😍 و تولا اساسا اسمها بتول علي حبوبة 😍😍 طبعا حتسالوني حبوبة وين حبوبة مشت مع ناس خالتو رحمة حتعيد هي معاهم هناك 😢😢 و نحن الحنمش ليهم 😢😢 يلا اول ما تولا و تبو طلعو بابا قال لي عاوزك انت و امك في موضوع مهم 😑😑 امشي نادي امك 😑😅 طبعا الشمار قتلني 😂😂 جريت ناديت ماما و جينا قعدنا في الصالة كدا و الجو صااااني 😂😂😂 بس اول ما بابا اتكلم انا انصدمت 😨😨😨
لو عايزين تعرفوهو قال شنو 😂😂😂👊 ارجو الحلقة الجاية 😂😉😂😂عارفاكم شماراتين 😂😂😂
يتبع.....
