عمر حلف بالتقطعو ما يكلمني 😢😢 ياخ غياااظ بس بقيت بتشاكل معاهو بس برضو ابا يكلمني 😡😡لم زهجت خلاااص قعدت اتونس معاهو 😍😍 ياخ الولد دا طيبان كيف 😍😍 يلا جا ولد عمو قعد معانا شوية كدا و قام مشا يلا قلت لي عمر انا زاتي ماشة زوبا بعد دا بتقتلني لاني ما قارية ولا التقتلني 😂😂 مشيت الداخلية مسكتني زوبا زلتني زلة لمن قعدت ابكي ليها و لا حنت علي 😬😬 بس مسكتني و بقت تقري فيني للصباح ياخ ادتني جنس كلام ولا بنحفظ 😭😭 تاني يوم مشينا المحاضرات عااادي بس انا كنت نعسااانة و نمت في نص المحاضرة قام الدكتور الكريه طردني😭😭 طلعت برة زهجانة زهج قلت امشي الاستراحة اكمل نومي هناك شوم ياخ قطع علي نومتي😂😂 بس و انا ماشة كدا اشوف ليك عمر😨😨 مشيت ليهو قلت ليهو بسم الله مالك ما دخلت المحاضرة 😨😨😨 ولا سمعني اساسا كان مشغل اغنية يا يمة حقت ايمن رمضان قمت قفلت التلفون رفع راسو عاين لي 😦😦 عيونو اي عيونو ياخ عيونو دي شايلة هم كبييير قلت ليهو مالك يا عمر 😢😢 قال لي صحبي صحبي يا مها 😦😦 و جر نفس كدا 😧😧 و قال لي امبارح اليهود راحو على بيته و اسروه هو و ابوه و اخوه 😦😦 قلت ليهو ان شاء الله تفرج يا عمر 😢😢 ادعي ليهم بس انت 😢😢 قال لي صعب الشخص يفقد صديقه صعب 😦😦 و قام مشا ياخ انا قلبي اتكسر عديييل كدا💔💔 قلت الحقو ما اخليهو براهو بس ولد عمو ناداني و قال لي خليهو براهو احسن 😢😢 قمت خليتو رجعت الداخلية ما قدرت انوم لمن المحاضرة خلصت ناس منا جو راجعين لقوني رااااقدة 😂😂 قالت لي عاتكة مساهرة في شنو يا جنو تستاهلي الطردة و الله 😂😂😂 منى قالت لي و الله انتي بالصورة دي يا مها حتتحرمي من الامتحان ياخ انتي نص المحاضرات ما حاضراها 😂😂 و لا اشتغلت بيها قلت ليها القراية ملحوووقة خليني اعيش حياتي يوووخ 😂😂 قامت قالت لي و حياتك دي كلها عبارة عن عمر 😎😎 قلت ليها ايوة و لو سمحتي ما شغلتك بي و من الليلة ولا صاحبتي ولا بعرفك 😬😬 شفتو عوارات الشفع ديك 😂😂😂 يلا عاتكة قالت لي كدي قولي بسم الله هسي منى دي زعلانة بس لانك ما باركتي ليها خطوبتا 😂😂 قلت ليها ولا شغلتي بيها اتخطبت ولا اتطلقت في ستين ان شاء الله 😬😬 منى قالت لي و الله عنك ياخ اساسا انت واحدة عينها زااايغة و جارية ورى فلسطيني الله لا وراني امثالك 😎😎 ياخ ظعمتها ليك ظعميت 😂😂😂 غاظتني شديييد و طلعت مشيت لي زوبا 😂😂 قعدت اتبكى ليها 😂😂 زي الساعة عشرة كدا قلت ادق لي عمر 😍😍دقيت عليهو📱📱 رد لي ولد عمو قال لي و الله عمر بخير بس مخنوق قلت ليهو اديني اتكلم معاهو 😢😢 قال لي لا و قفل الخط الكريه 😢😢 بس بقيت مقلللقة و لا نمت ولا قدرت اقرا 😂😂 تاني يوم الصباح ما صدقت الشمس طلعت قمت جري مشيت الجامعة 😂😂 لقيت عمر قاااعد مشيت قعدت جمبو 😂😂 اعجبكم عاد عيني قوية قوة السواد😂😂 قلت ليهو كيف صاحبك الليلة 😦😦 قال لي امبارح ابوه و اخوه افرجو عنهم بس هو مافي منه خبر 😦😦 قلت ليهو ان شاء الله تسمع عنو خير 😢😢 قال لي ان شاء الله و نزل راسو كدا و غطى وشو بي يدينو نهاااي ما رفع راسو 😢😢 بس مسافة كدا قال لي ممكن تتركيني وحدي 😦😦 طبعا صوتو كان مبحووح حسيت زي الكان ببكي كدا قمت براااحة مشيت 😢😢 لا قاني ولد عمو قال لي حكيتي معه 😟😟 قلت ليهو لا هو مخنوق شديد 😢😢 دخلت المحاضرة و عمر ما جا داخل 😢😢 ياخ بقيت سرحانة المحاضرة كلها و الدكتورة تشيييل و تنبه فيني 😂😂😂 رجعت بيت ناس حبوبة لانو اليوم كان الخميس 😍😍 لقيت ايمن قاااعد و محكر نهاااي ابيت اسلم عليهو و كانت قاعدة معانا خالتو عشة جارتنا 😂😂قال لي اها يا بت خالتي بقيتي ما بتصافحي 😂😂 احرجني الكريه قدام مرة جيرانا 😡😡 قلت ليهو اي من الليلة ولي غادي 😂😂 قال لي عديلة والله 😂😂 مشيت استحميت و غيرت و جيت قعدت مع حبوبة 😍😍 ايمن كان دخل جوة و نحن قاعدين تحت ضل نيمة في الحوش برة بس جا طالع شايل تلفوني بضرب📱📱 لقيتو ليك دا عمر شلت التلفون وقمت جارية دخلت جوة 😂😂 بس اول ما قلت الو قال لي صاحبي افرجو عنه 😍😍 قعدت ازغرت و الله بي طووول حسي ياخ فرحتو دي بالدنيا ياخ 😍😍 حبوبة و ايمن جوني جارين و خالتو عشه برضو و خالتو عفراء كانت في المطبخ برضو جات جارية 😂😂 قالو لي مالك 😨😨 قلت ليهم صاحب عمر افرجو عنه 😍😍 قالو لي بسم الله يا بت 😂😂😂 اتكلمت مع عمر شوية كدا و طلعت برة طبعا نسوان الفريق الشمشارات جن جاريات جري 😂😂😂 قلت ليهن دي صاحبتي خطبوها و كنت بزغرت ليها في التلفون 😂😂😂 ايمن كان اصرصرلي سااااي 😂😂😂 يلا يوم السبت رجعت الداخلية من الصباح لانو زوبا حتقتلني 😂😂😂 ياخ معطتني جنس معط 😂😂 قمت قلت ليها الليلة بعد المعط دا ارح اعزميني غدا في المطعم المصري 😂😂 قالت لي ارح لكن تدفعي لي روحك براااك😂😂 مشييينا و ملييينا كروشنا دي 😂😂 يلا لما جينا طالعين جمب الباب كدا اشوف ليك ايمن و عمر جاين سوا و هم بضحكو 😨😨 اجي يا ربي ديل شاربين شنو😨😨اصلو ما بصدق 😨😨 بس بقيت واقفة و بحمر ليهم 😂😂 عمر قال لي غيرانة انتي 😞😞 قلت ليهو اغار من صحبتكم المامعروف ليها راس من قعر دي 😒😒 قال لي طيب لي بتحمري لي 😎😎 قلت ليهو مزاااج بس يا عمر مزاااج 😡😡 ايمن قال لي حمري و انا بقلب 😂😂 واااي لكن ايمن دا كرييييه 😤😤 بس قمت زعلت ليهم و مرقت 😂😂 مشينا شارع النيل زوبا قالت لي ارح نرجع قلت ليها لالا يوووخ انا زهجانة ياخ الشمار حارقني عشان اعرف الحاصل بين عمر و ايمن ياخ ايمن دا كان ما ببلع عمر الليلة بقو اصحاب و كمان بضحكو سوا 😨😨 لا لا اكيييد في شي 😂😂رجعنا الداخلية المغرب وتاني زوبا رجعت تمعطني بالقراية 😢😢 بس و هي بتقري فيني تلفونا ضرب 📱📱 قامت ردت قلت ليها الليلة الا اشوف بتخلطي في منو 😂😂 لقيتو دا عمر 😨😨 قلت ليها من متين بتصل عليك 😨😨 قالت لي مرات كدا 😂😂 بس اتكلمت معاهو كدا اسمع ليك بتقول ليهو اي جمبي تاني قالت ليهو موضوع شنو 😲😲 و تاني قالت ليهو خلاص ما مشكلة بلاقيك بكرة 😉😉 بس انا الشمار حرقني 😠😠 وسالت زوبا قلت ليها قال ليك شنو قالت لي انت قالو ليك عمر دا حقك برااااك كدا 😎😎 لالا ياختي 😂😂😂قدر ما حولتها تكلمني قال ليها شنو برررضو ابت تكلمني 😢😢😢 و انا الشمار حرقني شدييييييد 😭😭
لو حرقم الشمار زي مها دي ارجوني في الحلقة الجاية 😉😉😉 ما حاطول عليكم 🙈🙈
يتبع....
