... عندما يكون القلب المحب ملجأ الروح الهائمه ♥ و عندما يكون القلب شغوفاً بحب الروح ♥ و عندما يكون الحب يمس عمق الروح فعندها تكون الروح خُلقت لروح ♥...
روح خُلقت لروح ....♥
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
Play >>…
ياااه مش مصدق !! اليومين عدوا بسرعه ( بيتمطع على سرير) الواحد جسمه مكسر كأنه كان داخل حرب , برغم التعب و الإرهاق بس وجودي بين الناس إل بتحبني فعلاً من قلبها , بيهون آي وجع ممكن أحسه , مبسوط إن اليومين بتوع الفان ميتنج دول عدوا على خير , (بفرحه حماسيه ) متخيلن !! فاضل يومين بس و تاي ترجع لحضني (إبتسم بحب و بنبره هاديه) وحشني أووي إيديها الصغننه إل بتطبب عليا في حضنها بعد يوم طويل متعب في الشغل ,,(بزعل طفولي إتنهد ) يرضيكي كده إديني متشرد من بيت لبيت بسببك , مش متخيل البيت من غيرك ,(عوج بوءه برفعة حاجب و بص للنايم قدامه بقرف ) ماكس الحيوان بيزلني بالأكل كل ما باجي أبات عنده ,, (مد شفايفه زي الأطفال ) بيجوعني يا تاي , مبيرضاش يعملي أكل , و إنتي منبهه عليا مكلش من بره عشان متعبش و أنا فاشل أصلاً و مبعرفش أطبخ (إتنهد بزعل ) يا رتني سمعت كلامك و خليتك عملتيلي أكل قبل ما تمشي , أرجعي بقى وحشني أكلك أووي ( بصله بقرف تاني بعد ما وقف التسجيل أخد بعضه مع المسجل و خرج من الأوضه ليلفينج) ..
( هبد نفسه على الكنبه ,, مدد رجليه ,, طبق من الوجبات الخفيفه على رجليه و شغل المسجل من تاني )
بما إنِ مش جيلي نوم فخليني أحكلكوا 30 يوم عدوا إزاي , يومي إل إنتهى وقتها على أفكاري السطحيه , كان إنتهى بالنسبلها بقرار لا شئ !! هتروح ! مش هتروح ! هي نفسها كانت محتاره و مش عارفه هتعمل إيه ؟! ..
شمس يوم جديد ,, روتين شغل زي ما هو ,, ساعات بتمر ,, دقايق بتخلص , قلق , خوف , مش فاكر كام مره بصيت على الساعه من كتر ما أنا متوتر ؟! , مش فاكر كام مره إتأكدت إن كل حاجه مزبوطه ؟! , يمكن فكرتي بسيطه !! إمم لو جينا للحق هي فعلاً بسيطه !! التفاصيل !! أكتر حاجه تبين الحب الإهتمام بالتفاصيل , فكرت كتير إزاي أوريها كده , أفكاري المحدوده كانت وصلتني لـــ بوكس فيه الشوكلت إل بتحبها , مع 30 نوت لـ 30 يوم محتواهم 30 سبب حبيتها ليه ؟! , أيوه يا جماعه هو ده إل فكرت فيه !! كل يوم بوكس فيه شوكلت ...مع نوت بلون إل بتحبه .... مع لمسة الفانليا المفضله ليها ..
فكرتي لـ 30 يوم كانت كالآتي ,, أول حاجه عملتها حجزت نفس الترابيزه لساعات عمل المكان كلها لـ 30 يوم دول , منا معرفش برده ظروف مواعيدها إيه , آه أنا هبقى موجود كل يوم من ساعه 3 بس مش هقدر بسبب الشغل أقعد في المكان أكتر من ربع ساعه ,( ضحك ) عارفين لما قولتلها إن هاجي كل يوم في نفس المعاد على أمل إنها تديني فرصة أثبت حبي مكنتش فعلياً فكرت هعمل كده إزاي , لو فرضنا إنها هتيجي !! هقولها إيه ؟! هثبتوا إزاي ؟! كل إل كان في دماغي وقتها ! مش وجودي في المكان كل يوم عشانها حاجه تثبت إني شخص جدي في مشاعري ,, حاجه تثبت إن عايز أعرفها أكتر , الحقيقه مش عارف !! (ضحك بتنهيده ) الحب بيخلي أفعالنا ساعات مش واقعيه و متسرعه , ربع ساعه إيه إل هثبت فيها حبي دي , دنا أعقبال ما أقولها إزيك هتكون ربع ساعه طارت أصلاً , و بعدين وعدي ليها كان عكس كل ده تماماً !!! عشان كده فكرت كتير أووي , إزاي ألتزم بوعدي معاها في عدم مضايقتها بوجودي حاوليها ؟! و إزاي أثبت إهتمامي بيها في نفس الوقت ؟! (بنبرة ثقه ) و الحل كان في الصندوق !! ..
