عقد ياقوت

1

#عقد_ياقوت

بقلمي السيدة العلوية

الجزء 1

{المكـان : مقبرة النجف .. هناك حيث اصطفت ملايين من البشر وازدحم المكان .. هناك حيث الكل بجوار هيكل القداسة وسيد الاوصياء .. هناك حيث مكان رغم هدوئه النسبي لكن لو ترجلت من سيارتك ومشيت قليلا بين القبور التي تلك مهدمة وقديمة وتلك سراديب وتلك حديثة ولازالت غضة طريـة سترجك افكارك الحزينة الى دموع اذا فتحت لن تهدأ بسهولـة .. دعهـا تنزل .. دعك من الخوف .. وراقب ..راقب .. حلق وعد بنفسك لنفسك .. سيجرك ذلك الحنين ..انه حنين الى المجهول ..

مهلا .. انها امرأءة بعباءة وهناك طفل صغير لم يتجاوز السنة الثالثـة معها .. لنرى قصتها ونسمع روايتها ..

كاعدة وانحب على قبر زوجي الي فاركني قبل شهرين وراح شهيد .. شايف من تجف كلماتك بحلكك.. شايف من توجعك حتى الكلمة وتضل تريد تبلعها وتخاف لاتموت .. وشايف من تضل مصدوم وبس عيونك ترمش ..

.. الله اوياك .. الله وياك .. تمنيت والله وياك هسة ويخضبوني وياك يامهدي .. ويلمني وياك الكبر .. ااااااااااااااااااااااه .رفعت راسي بالشهادة .. بوسط قلبي اندفت يامهدي .. وحق الله ماانساك .. تسمعني مهدي اكعد .. لاكيني وين عفتني يانور عيوني .. مشتشهد للدين !! ساكن وسط العيون يامهدي .. اه ياابابو مصطفى وينك اكعد هذا ابنك جبته منو يربي !! ...شنو نيتك مهدي سويتها صدك وعفتني كووووووووووم اكعد دخيلتك اكعد اكعد .. راح عمري .. ضعت بدونك .. خذني وياك ... خذني وياك ..

مهدي تذكر من خطبتني ..تذكر !! سولف سولف يمهدي .. سولف ياغصتي .. سولف يابعد كل اهلي ..سولف ياشهيد .. سولف ياعزيز روحي .. محتارة بيمن ابدي .

{اني ياقوت .. مواليد 1990 .. من سكنة بغداد .. عندي بس اخت واخ واحد وكلهم اكبر من عندي متزوجين امي عايشة بس ابوية متوفي .. احنه ناس كلش على كد حالنه ..

الام : يمة ياقوت كومي ثرمي الكرفس حتى نسوي الكباب

ياقوت : الله يمة كباب !!

الام: لاتفرحين يمة بس كرفس وطماطة وشوي حطي من الطحين ورتبي ..

ياقوت : نعمة والحمدلله ..كمت ولملمت البيت .. امي اه ياامي .. عطر المواكب امي .. امي ماعون الخدامة.. طير وبنادم كله ..امي بالعاشر نحرها ودهة يكطع حرملة .. امي من اصفن عليهـة هواي تشبهـة كربله ..

نرجس : هيج مدمنة على حسين الاكرف ياقوته ؟؟

ياقوت : اي كلش احب قصائده حيل افرح بيهـة

نرجس : كملت خيطت ملابس ياسر

ياقوت: سودة عليه .. شوكت يلكة بنت الحلال ونفرح بي ..

كملنا تحضير الغدة وكعدنا نترتب ونعزل البيت .. احنه ماكملنا مدرسة لان ماعدنة امكانية واني مستواية موكلش وبقينا نراعي امي .. نرجس ابي عمي جان رايدها .. ومقرر يخطبها ..

حياتي عادي مابيها شي مميز ولا مختلف واني راضية ومقتنعة .. صح مرات اتمنى البس ويصير عندي مثل باقي البنات .. خو من يعزمونا الجوارين على حفل عرس احير من اشوف البنات .. بس ها مااقصر وياهم .. اشيل العرس شيل .. مثل اليوم عرس ابن جيرانه محسن وصديق اخوي ..

كملنا تركيب الغدة وسمعنا صوت ياسر .. {ياسر هو اخوي .. ولد تحسة طير جنة

يتبع ...