عقد ياقوت

17

#عقد_ياقوت

بقلمي السيدة العلوية

الجزء17

ياقوت: باوعت لتلفوني الساعة7ونص بالليل..وبعد وقت بس ماكو شي اسوي..كلت خلي احاول اغفي وية ابني وهسة اكيد انسى الجوع والحمدلله البردات {الستائر } كانت شتائية وكدرت تدفيني بس مااعرف ليش عندي ألالام قوية .. يجوز من الحمل لو من البرد والله ضاعت علية ..

حمزة: ماخليت شي مااخذته واخذت سيارتي {البيك أب } حتى اكدر اشيل الي احتاجة الهم .. وخفت لاتكون نايمة وبعدين كلت يجوز هربت ؟؟ اهوووووووو ماتبطل هالافكار الاكشن العندك ياحمزة واذا هربت شنو انته لزكت خوما لزكت بالبنية .. ترى انته ماعندك سلطة عليها ومامسويتلك شي وحتى لو هي اخلاقها مو شي ترى تكدر برمشة عين تسويلك فلم وتوكعك بالمحظور .. اي والله معندي شي وياها .. اني بس هالطفل حبيته .. اوف منك ياابو الصوف .. منين اجيت !! مو رجال وشيباتي واني وتلعب بقلبي هيج وتسيطر علية .. اخر شي لكيت نفسي يم باب المشتمل .. فتحت الباب بالمفتاح .. لو سمعتها تصرخ ..

ياقوت: جنت نايمة .. ومخلية مصطفى بحضني ومااحس الا كابوس جان خانكني مامخليني مرتاحة بنومتي وتزامن الكابوس وية صوت الباب وهو ينفتح .. وصرخت باعلى صوتي .. حتى مصطفى كام يصرخ وياي ..

حمزة: ام مصطفى شبيج .. اني حمزة .. يالله يالله .. شبيكم !!

ياقوت : ضليت مفزوعة وبس اصرخ وابجي من الخوف والهبطة والنوب شكد حالة مزعجة خوفت ابني .. لا ياربي .. شجاني .. ومستمرة اناشغ وبالكوة اسيطر على روحي ..

حمزة: ام مصطفى بيكم شي ؟؟ صارلكم شي !! يمعودة سكتي الطفل راح يموت من البجي ..

ياقوت: وكفت ورى الباب وقفلته مال الغرفة .. انته ليش رجعت ؟؟ شعندك هنا ..

حمزة: جبتلكم اغراض وجبت عشى لمصطفى وحليب خاف يحتاجهم بالليل

ياقوت: باوع صح احنه بيتك بس مو معناها تتهجم علينا بنص الليل ..

حمزة: ام مصطفى والله مامتهجم عليكم .. والمشتمل مابي جرس .. ومو علمودج رجعت ثقي بالله .. اني خفت على الطفل واعرف بيتي مابي اكل وانتم من امس مااكلتو شي وماريد مصطفى يصير بي شي