عقد ياقوت

4

#عقد_ياقوت

بقلمي السيدة العلوية

الجزء 4

مهدي : هم مجرب من تعيش بفكرة بدماغك وتضل ترويها قطرة قطرة .. وهالفكرة تاخذ من وقتك وتركيزك وصفناتك .. تروح وياها لعالم ثاني عالم يوصلك لرضى الله عزوجل وللجنـة.. تسمو لعالم ثاني .. تتمنى تشاركها لاحد تتمنى تسولفها بس ماتكدر تطلعها من صدرك .. واذا صار وطلعت تخاف وترجف عليها مثل ام تحاوط ولدها وتخاف عليه .. فكرة لو تريد تفرح تفكر بيها .. فكرة لو ردت تصعد للسماء تروح وتحلق وانت تفكر بيها .. فكرة تقترب بيها من الحبيب .. فكرة تخليك خادم مطيع للحبيب .. هم جربت هالشعور .. شعور الخلوة مع الحبيب .. ولايخطر في بالك الحبيب الي اقصده حبيب بشري عادي ... لالا صح هو بشر مثلي لكن هيهات ان اصل الى تلك الذرات المقدسة التي كونت جسده الغالي .. جسد امتد من الرسول وعبر من البتول واستنشق من عطر فحل الفحول .. سأتركك لتفكر وانا هنا اسكن في لحدي وساعود بك لأحكي لك عن قصتي .. من خلص عرس اخوية ثاني يوم الصبح جان لازم التحق اني وياسر .. ساعة 12 الضهر ..

الام : يمة مهدي كوم اكعد وراك مشوار

مهدي : اي يمة كاعد .. هسة انزل

الام: يلة تعال تريك وية الحجي واخواتك والعرسان

مهدي : ههههه شعدكم مغبشين من الصبح.. غسلت ونزلت كعدت كسلان ومااحس الا اشوف محسن اخوية كاعد ومرته يمة بلاحجاب وهالشي كلش نرفزني وغثني .. كعدت على صفحة وكلت لاختي تجيبلي الريوك يمي .. تريكت ولبست وخابرت على ياسر

ياسر: جنت كاعد من وكت ..واسولف ويه ياقوت .. حبيبتي ديري بالج على امي ونرجس اني خليتلج مصرف بيت وان شاء الله مااتأخر ..

ياقوت: تروح وترجع سالم بحق محمد وال محمد

ياسر: ربي يطمني عليكم

ياقوت: حضرتلك كليجة وهسة راح اجيب الملابس تبدل لاتتأخر .. رحت واسمع تلفون ياسر يرن واسمع ياسر يكول {ها مهدي اني اني ربع ساعة واكمل ...

راحو ياسر ومهدي للجبهـة بجهـة الفلوجـة .. معارك وحروب طاحنـة ومعارك لتحرير الااضي المحتلة من قبل داعش الارهابي .. جان كلما يروح ياسر امي تضل يومية سكرها ماينتظم .. والمغرب نعيش بقلق وخوف وتراقب الاخبار والقنوات الاخبارية ..

جنت اتعمد اسولف واهوس واحضر العشة وامي اخليها تشاركني بالكلام حتى اطلعها من الخوف والقلق على ياسر واني بالي ابد مو اقل منها .. اما نرجس فمرات احس قلبها قوي ومرات احسها ماجاي تحس بمقدار الخوف الي جاي نحس بي واني يومية اقفل الباب الف قفل واي حركة لو اي صوت اضل اتنطر ..

مهدي : جانـا تونة مخلصين تفتيش منطقة وتمشيطها بعدما حررناها .. وخلص لازم نستقر لحد الصبح .. بقيت وية ياسر بثكنة .. اني بعدما تزوج محسن تمنيت يجي يوم واستقر مثله بس حالتي مختلفة من كل النواحي ماديـة ووضعي المامستقر خصوصا واني مقاتل شلون بس !!

مهدي : اكول ياسر اني خويك مو

ياسر: بس لاتوك دريت

مهدي : ابو فاطمة شبيك حاجيني عدل {ابوفاطمة هو الاسم الحركي لـ ياسر }

ياسر: اي اخوك وافديك

مهدي : لعد اصدكني العباس عليك

ياسر: جنهة السالفـة غميجـة يمهدي ؟؟ كول بعد اخوك

مهدي : اني هم يصير اتزوج

ياسر: لعد شناقصك ياخوي

مهدي : والله حيرة ياخوي .. وضعنا ما مستقر يابنية التقبل بواحد مثل حالي مشروع شهيد .. حيرة والله واليفوز بيها وطني وأرضي ..

ياسر: حسيت عبرات بدت تتكسر وحسيت همسات حارة بدت تريد تطلع من صدر صديقي .. حقة يريد يكمل دينة حقه يريد يفرح وبنفس الوقت مايكدر يترك دينه

مهدي: لاتوضوج ياسر عيوني ..{جنت اتمنى اكدر اتجرأ واطلب ايد اختك بس من شفت صفتنك ماكدرت ياصديقي }

ياسر: والله اليردك بطران يامهدي انته رفعة راس

مهدي: يعني !!

ياسر: شنو يعني مافهمت شبيك .. والله احس براسك وحدة وتريد تطلبها وخايف .. يمعود بس خل نرجع هالمرة نروح اني وياك ونتقدم وناخذها الك ..

مهدي : الله يبشرك مثلما بشرتني ..

كملنا شهر بين فترة وفترة اخابر على اهلي واطمئن عليهم .. وتطمني ياقوت .. بعدما كملنا بعض المناطق رجعنا اجازة اسبوع .. واحنه بالطريق

مهدي: ها ياسر باجر تجي وياي مو

ياسر: وين يمعود دخلوني انام

مهدي : ها اشو تبريت مني

ياسر: ماعشت بس خل انام وبعدين الله كريم

مهدي: ولك شوكت تخطبلي

ياسر:هاااااا اي اي عبالي على غير سالفة .. اي غير تكول لاهلك تلم الزلم لو شنو بطرك روحك تروح لاهلها

مهدي: لا ياسر بس اني وياك حتى اذا فشلوني اهلها أستحمل الفشـلة بوحدي مو كدام اهلي وانفضح ..

ياسر: دخليهم يحجون الا أرميهم بالعباس وخل يفكون حلكم وياك

مهدي: خليك على حجايتك ياابو فاطمة