يكفي أن يحبك قلبها
#بقلم_ولاءيحيي
الحلقه (١٤)
وهم واقفين بيتكلموا سمعوا صوت ضرب نار شديد....... بيقرب من سور الفيلا..... فكل صرخ..... وعماد وقف قدام هاله يحميها وهي مسكت قميصه من الظهر وخبت نفسها فيه ..... وشريف حط ايده علي راس نهي اللي نزلت قعدت في الارض...... وعمر بيقرب من ريم علشان يخبيها بس ريم جريت بسرعه علي ساندي وهاجر اللي صرخوا وحضنتهم وخبيتهم في حضنها... وعمر روح وراها جري وشد الترابيزه وقلبها وحطها قدامهم يحميها بيها ..... وقرب من امل وحسن شدهم ورا الكنبه..... وصرخ علي ماجده وتقي..... اللي كانوا جوه الفيلا وخارجين يجرو علي الصوت فصرخ عمر علشان يفضلوا جوه ميخرجوش..... وطلع جري لبره الفيلا ..... وريم شافته فصرخت وهي بتنادي عليه عشان يرجع..... بس هو خرج
عمر خرج لقي الحرس اللي علي الفيلا بيضربه نار علي العربيات .... اللي بيضربوا عليهم وعلى الفيلا نار.... و طلعوا يجروا ..... ولقي واحد من الحرس..... انصاب في رجله
وقف ضرب النار..... وعماد خرج يجري يشوف عمر
وشريف دخل الكل جوه الفيلا.... ماعاد ريم اللي طلعت تجري علشان تطمن علي عمر
عماد جري علي الحارس المصاب.... وريم كانت بتجري علي عمر اللي لف لقها قدامه..... وجوه عينيها خوف وقلق وهي بتبص علي كل حته فيه بتطمن انه سليم.. فبتسم وقرب منها
عمر بابتسامه : مكنتش اعرف انك بتحبيني وبتخافي عليه اوي كده..... لواعرف اني هرجع اشوف الحب في عينك كنت انا اللي أجرتهم يضربوا عليا نار
ريم بغيظ من نفسها علي مشاعرها اللي ظهرت غصب عنها
ريم بغضب وغيظ : ومين قال اني خايفه عليك..... انا كنت خارجه اشوف حد من الحرس جري ليه حاجه
عمر بابتسامه ويقرب منها : علشان كده جيتي جاري عليا و انتي عماله تنادي على اسمي
ريم بنرفزه : انت مغروره وغلس .....
ودخلت وسابته .... وكان شريف خارج..... وشافها وهي دخله غضبانه زي الاطفال..... وعمله بتبرطم وتشتم نفسها على غبائها
شريف بقلق : ايه اللي حصل حد جري ليه حاجه
عمر يفتكر ضرب النار فيبص حواليه : هااااااا مش عارف
شريف بتريقه : مش عارف لا طمنتني (ويروح يقرب من عماد )خير يا عماد
عماد: بسيطه الحمد الله رصاصه في رجله واتصلت بلاسعاف وجاي دلوقتي
يقرب واحد من الحرس : اتفضل يا عمر باشا كانوا ر رابطين الورقه دي في طوبه ورموها وهما بيجروا
عمر خد الورقه.... وقرب منه شريف وعماد يقرأ اللي مكتوب ( دا انذار وتحذير ...... الرصاص النهارده انضرب من بره الفيلا .... بعد كده هيضرب علي كل اللي جوه الفيلا..... وممكن يضرب علي اخوكي وهو بيتمارن .....او علي البت الصغيره وهي بتلعب بالكلب بتاعها او علي البت المجنونه.....او ينضرب عليهم كلهم ويموته ......فاتنزلوا احسن بدل ما تندموا )
أنت تقرأ
يكفي ان يحبك قلبها
General Fictionده اهداء من صديقتي الجميله هدير مصطفى ليه ولروايه يكفي ان يحبك قلبها بكفي ان تشعر بنبضها يكفي ان تشعر بحبها يكفي ان تغمر وجهك بأنفاسها اقترب منها وافهم ما في قلبها اقترب اكثر واكثر والمس احاسيسها افهم ما تنطق به نظرات عيونها اشتعل بنيران حبها صدقني...
