روايه يكفي ان يحبك قلبها
#بقلم_ولاءيحيي
الحلقه (24)
عمر قعد قدام العنايه..... وحط ايده الاتنين علي راسه...ودموعه نزله علي وشه زاي الاطفال .... فيقرب منه هشام وشريف...
شريف يقعد جمبه : الحمد الله يا عمر ...ان شاء الله ربنا هيكمل شفها بخير
عمر بتعب : ان شاء الله ( ويبص لهشام) قبضته عليهم كلهم
شريف يبرق لهشام...علشان مايقولش حاجه
هشام بضيق : اغلبهم اتقبض عليه
عمر بنرفزه : يعني ايه اغلبهم.... ميرنا راجل اللي كان معاها اتقبض عليهم... اللي اسمه فايز دا....ما هو اكيد اللي ساعدها في خطف ريم قبضتوا عليه
هشام يبص علي شريف : قبضنا علي ميرنا وحازم وسمر ماتت ...بس فايز
عمر بغضب : هرب.... يعني مراتي لما تقوم بسلامه هتبقي حياتها لسه في خطر..... يعني هي لما تقوم وتسالني ...انا اقولها استني هتتخطفي تاني او المره دي تموتي..... صح
شريف : اهدي يا عمر....و ان شاء الله مش هيحصل حاجه تاني ..... احنا هنأمن ونجيب حرسه اكتر للكل
هشام : واحنا هنقبض عليه قريب.... احنا بنحاصرهم في كل الاماكن اللي ممكن يكون فيها.... وقت بسيط وهيتقبض عليه ان شاء الله
عمر بغضب : وانا مش هستني...مراتي تقوم بسلامة وهاخدها هي وبنتي ...وعلتي كلها وهسيب البلد ...انا مش هقعد هنا تاني ...انا هرجع كندا
هشام لسه هيتكلم .. فشريف شاور ليه انه يسكت...ويسيبوا
بقلم (#ولاءيحيي)
وعند فايز
فايز بضيق : عاوزكم تجبيلي.... اكبر محامي.. وميرنا يتوصا عليها جوه.... وتبعتوا حد يحميها ....ويروح ليها لبس واكل....وطمنها اني مش هسيبها....(ويبصلهم بغضب)انا مش عاوز حد يتعرض ليها...وفي اقرب فرصه تهربوها
البودي جارد : تمام يا باشا.... بس انا بقول نستني شويه.... لان العيون علينا.....وبلاش نظهر في الصوره دلوقتي
فايز يقف بغضب : انت تخلي رائيك لنفسك.....اللي قولته يتنفذ عاوز اكبر محامي يروح ليها في اقرب وقت... ويطالع علي اقولها في النيابه...ويشوف اي طريقه يخرجها بيها.... ميرنا لازم تخرج.... وعاوز اعرف كل خطوه عن اللي اسمه عمر سويلم وعاوز ملف كامل عنه.... وحد يراقبه 24 ساعه.... عاوز اعرف كل اخباره وكل خطوه وكل نفس ليه...وكل حاجه تخصه تكون عندي
البودي جارد : اومرك يا باشا
ويمشي ويسيب فايز...اللي الغضب مسيطر عليه...وروح الانتقام ظاهره في عيونه ..... ومنظر ميرنا اللي حبها وهي معتدي عليها من الشخص القتله..... وعمر وهو بياخدها قدم عنيه
فايز لنفسه بغضب: انا هموتك بايدي ...واهعرفك مين فايز يا عمر
بقلم (#ولاءيحيي)
في المستشفي ....عماد قعد مع هاله في مكتبه ...وهي عمله تعيط.... ومش مصدقه اللي حصل ليهم ...واللي مرو بيه وشافته
عماد يقعد قدامها بهدوء: خلاص يا هاله كفايه عيط...اهدي يا حبيبتي....انتم الحمد الله بخير ...وبقيتوا وسطنا خلاص
هاله بعيط : انامش متخيل اللي احنا عيشناه ايه يا عماد ... لولي ريم قدرت تحمينا ماعرفش انا كنت هعمل ايه من غيرها .... دي كانت هتموت نفسها علشان تحميني وتحمي نفسها.... فضلت تنزف وتقاوم عشان متسبنيش لوحدي...انا كنت ضعيف اوي وخايفه
عماد بحزن : عارف يا حبيبتي..... بس الحمد الله ربنا حمكم وريم هتبقي كويسه ....انسي اليله دي يا هاله واحمدي ربنا واشكريه.... انكم خرجته منها بخير
هاله وهي بتمسح دمعها : الحمد الله يارب...(وتبصله بصدمه ) انا مش مصدقه اللي شوفته ....و ان في مكان زاي دا في بلدنا.....ايه كل الفجور والفساد دا.... ازاي الناس بتبيع وتشتري في الحرمات ربنا ....ازي نسيو ان ربنا موجود ومطلع عليهم وشايفهم...(وتبصله بدموع) انا لو كان حد حكي ليه مليون مره ان في ناس عايشه كده في بلدنا ....انا ماكنتش هصدق ابدا ....ازاي واحده تقبل علي نفسها انها تدخل مزاد..... وتبيع نفسها لليدفع اكتر..... ازاي سمر الدكتوره... وميرنا اللي طول عمرها عايشه ومتربيه وفي بؤها معلقه دهب.... يقبلوا ويوصل بيهم الحال لمكان زاي دا
أنت تقرأ
يكفي ان يحبك قلبها
General Fictionده اهداء من صديقتي الجميله هدير مصطفى ليه ولروايه يكفي ان يحبك قلبها بكفي ان تشعر بنبضها يكفي ان تشعر بحبها يكفي ان تغمر وجهك بأنفاسها اقترب منها وافهم ما في قلبها اقترب اكثر واكثر والمس احاسيسها افهم ما تنطق به نظرات عيونها اشتعل بنيران حبها صدقني...
