بصيص أمل

البارت 1

مساء الياسمين ..شلونكم ..

#بصيص امل
البارت 1
بقلمي روسكان
لبيج قصص روسكان

تنوييييييه ..القصه حقيقيه .

تأتينا اوقات نفقد بها الامل نشعر بان العالم اغلق ابوابه علينا ..نتخبط ..نبحث ..عن الامل فيضئ لنا الله بصيصا من الامل يملؤ قلوبنا فرحا ..فمن دون الامل لامعنى للحياة ..

اسمي ثناء عمري حاليا 26 سنه وحبيت اشاركم قصتي ..
قصتي بدت من ولادتي .. صار توقيت ولادتي بفترة الغوغاء والعراق جان مكلوب گلاب يعني باحداث ال 1991 ..
عائلتي متكونه من امي وابويه وعندي 3خوات واني الرابعه ..ابويه كرهني لان چان متوقع راح يجي ولد بس اجيت اني اصغر خواتي يعني خيبتله امله ..
بس بمرور الوقت كام يتقربلي ابويه واني طفله وعادة الطفل يحبب بروحه ويناغي ويضحك ويسوي حركات خاصه اذا بنيه تصير محبوبه واني جنت بيضه ووجهي مدور وبنبونيه دبدوبه فحبني وطار بيه طيور ابويه اكثر من كل خواتي ..

چنه ساكنين بوحده من محافظات الشمال والوضع يمنه ميقل فوضى وقتل عشوائي وخطف عن بقيه محافظات العراق .
صار عمري 6اشهر واخذوا ابويه اسير حرب بحرب ال 91 من دخلت امريكا  وبعد ماسمعنه عنه شي ..
صرنه 4بنات مثل ميكولون لحمه حمرا بركبة امي وامي بعدهي شابه صغيرة ..
عشنه ع راتب ابويه لان جان يشتغل بشركه بس مجان عدنه بيت ملك فعفنه البيت الجنه مستأجريه وسكنه ويه خالة امي لان جانت وحيده وكالت ماعندي احد تعالوا اسكنوا ويايه ونسوني .
يمكن راح تسألون ليش ماعشنه يم بيت جدي اهل امي او بيت جدي اهل ابويه جوابي الكم بيت جدي اهل ابويه جانوا ساكنين ببغداد ومحد بيهم سأل عنه بعد وفاة ابنهم والوضع مو تمام وكلمن حاير بروحه وبيت جدي اهل امي مگدرت امي تاخذنه الهم لان عدهه نسوان اخوة بالبيت ومشاكل 24ساعه يعني مو بيئه يتربى بيهه طفل عرفت لاهي راح ترتاح ولا احنه بناتهه راح نرتاح ..

رغم وجود راتب ابويه بس مجانت الرواتب هواي وتعيش عوائل لنهايه الشهر فعشنه فقر وحرمان بس الله يعلم بي حالنه حال اكثر العوائل بهذاك الوقت ..
مرت بينه السنين وامي الله يحفظهه تضحياتهه مستمرة ماخلت شي ماشتغلته اشتغلت خياطه وكامت كأي ام مكافحه بزمن الحصار تحرم نفسه من هواي ضروريات حته توفرلنه اكل وشرب وعيشه زينه وماخلت وحده بينه تبطل او تعوف دراستهه ..
صار السقوط ب 2003 جنت واصله اني سادس ابتدائي فترة اصعب من الصعب مرت علينه بخوف وقلق وفقدان الامان ..
بعدهه شويه العالم انتعشت ع اساس امريكا حررتنه وخلصتنه من حكم دكتاتوري ظالم  وتحسنت الرواتب يعني اتحسن راتب ابويه الي منعرف عنه خبر لحد هاي اللحظه ..
جان عدنه قطعه ارض امي دبرت فلوس منا ومنا وماعافت الخياط وبنينه بيت صغير ع گدنه .
خواتي ال 2الكبار تزوجن واستقرن كلمن ببيت زوجهه والحمدلله مرتاحات ..
واختي الثالثه انخطبت لحبيبهه ..اي اختي انخطبت للشخص الي حبه گلبهه ..
ومنا اني قصتي الفعليه تبدي ...