بصيص أمل

البارت 3..

البارت 3
بصيص أمل
بقلمي روسكان
لبيج قصص روسكان

زوج اختي گام يصادقني ويگولي احجيلي شنو تحجون انتي وسيف حسيت بالغرابه حسيت الشغله مو تمام بس سكتت وماحجيت شي رغم كلبي لعب منه ..
علاقتي مستمرة ويه سيف بس ماكتله ع الي صار بيني وبين ابن عمه الكلام قصدي ماردت اظلمه او اتسرع بالحكم صار شكم سنه هو واختي عايش يمنه وماشفت شي مو زين عليه .
ابو سيف الي يصير عم أمير رجال متعصب صعب الشخصيه والتفكير وقاسي ميقبل ولده او بناته يزوجون عدهم غير سيف 2ولد ممزوجين و2بنات جبيرات بالعمر هم ممزوجات من ورة مشاكل التعصب مالته ..
فجان سيف دائما يكولي اني رايدج بالحلال واصبريلي وابنيلج بيت ماخليج تكعدين ويه اهلي ..
راد يوصلي فكرة انو اذا نتزوج ونكعود ويه اهله راح يأذوني بس رغم شين اهله ابد ما انطه بيهم ولا كسرهم كدامي بس راد يوصلي هيج فكرة ولازم اصبر واني مجان عندي شي لان جنت ملتهيه بين دراستي وبين سيف .
فد يوم چنت وحدي بالبيت وأمي رايحه لبيت جدي تشوف اهلهه شو امي رجعت من وكت وياهه أمير زوج اختي وجانت اعصاب حيل ..
كلت يا ستار خير شصاير ..
محد بيهم  رد عليه امي صاحتني لغرفتي كمت من مكاني دخلت لغرفتي ..
سدت الباب قفلتهه وماكو غرض بالغرفه ماشالته وشمرته عليه ضربتني وكسرتني تكسير صياح وغلط ..
اني ماربيتج هيج ليش هيج نزلتي راسي ..
اني صافنه ماعرفت ع شنو تحجي ..
بعدين بسياق كلامهه افتهمت انو امير مسولف لامي ع علاقتي بسيف ..
ظلت تصيح امي ..
هاي تالي تربيتي ..
هذا حق تعبي بيكم ..
فنيت شبابي ودفنت روحي علمودكم ..
واني ساكته صامته ولا رديت عليهه ولادافعت عن نفسي كلت بيني وبين نفسي امي وحقهه تعصب بس شلت ع اسامه وع حقارته شلون ضملي السالفه ..
انتظرت امي تهدأوتسكت واول ماهدأت اجتي حضنتني امي تحبني واني اكثر وحده تحبهه من خواتي لان الصغيرة والمدلله وماشفت ابويه ولاشبعت منه فجانت باي طريقه تحاول تعوضني حنان ابويه الي فقدته مو بس اني اني وخواتي بس اني اكثر شي لاني مالحكت اوعى ع حياة ابويه ..
امي ابد بحياتهه ماضاربتني ولاماده ايدهه عليه هاي اول مرة وبلحظات هدوء حجيتلهه كولشي وحلفتلهه بغلاتهه انو ماصار بيني وبين سيف شي غير النظرات والتلفونات ماسويت شي غلط بس حبيته واتفقنه نهايه حبنه زواج ان شاء الله ..
جانت ردة فعلهه انو سحبت المبايل مني واني بوكتهه وكعت تمرضت ..
ورة ايام اجه سيف لبيتنه الظاهر أسامه مسولفله شصاير ببيتنه وامي داريه بموضوعنه ..
اجه لبيتنه وحاچه امي وگاللهه انو هو رجال ويحبني وطالبني من امي وهو گد كلامه بس يحتاج شويه وقت حته يقنع ابوه علمود يخطبني مو العيب بيه او بيه شي ممكن ابوه ميوافق ع زواجنه بس ابوه صعب ورافض فكرة زواج ولده وامي تقبلت الموضوع ووافقت خاصه انه احنه عاءله صرنه وكولنه نعرف طبع ابوه الصعب حته موگف قسمه بناته جبيرات بالعمر وممتزوجات من ورة حكم ابوهن القاسي ..
قبلت امي تظل علاقتنه وتستمر اتصالاتنه بس گدامهه ومجرد سلام ونروح بين ما يوافق ابو سيف ع زواجنه ..
سيف خريج كليه تربيه وحاله حال اي خريج بالعراق ممتعين ماكو تعيينات بس هو انسان عصامي مكون نفسه ومتشارك هو واخوه بمعرض مال سيارات يعني شي ع شي حالته الماديه زينه ..
اني حسيت بالاطمئنان من امي تفهمت الموضوع ووافقت وحيل ارتاحيت من صار الموضوع كدامهه ارتاحيت من جهه اني ما احس بالذنب لان مسويه شي من ورة امي والراحه الاكبر انو الانسان الحبيته واختاريته شريك حياتي ثبتلي هو يحبني واجه حاجه امي ماخاف من الرفض وشرحلهه كل ظروفه وطلب بس وقت يقنع ابوه علمود يجون يخطبوني ..

طبعا صح امي انسانه عصبيه بس حنينه كولش صارتلنه ام واب بنفس الوقت خصوصا اليه وذكيه لان احنه 4بنات فاخذتنه بالمسايسه علمتنه ع الصح والغلط والثقه والي يمشي صح ابد مراح يجي يوم ويغلط صارتلنه مو بس ام صديقه همين لذلك سايرتني ومارادت تكسرلي گلبي لان ماطول الولد الي اختارة كلبي جاد واجه حجه وياهه فهي وكفت وياي وساندتني ..
امي شابه وحلوة وصغيرة وشكد خطبوهه بس ابد ماقبلت تتزوج بعد بابا وظلت تنتظر ابويه رغم جابولهه خبر انو ابويه اتوفى بس هي ابد ماصدكت وظلت تنتظرة ولحد اليوم تنتظره ..
زوج اختي امير طول الفترة الي جان عايش بيهه ويانه بنفس البيت الي عرفته عنه انسان طيب بس بعد هاي الحادثه غيرت نظرتي عنه صرت احذرة واحسبله حساب ..

للحكايه بقيه ..
رايكم بالقصه لحد الان وتوقعاتكم ؟
اعرف البارتات قصيرة وراح اتبع هالاسلوب بهاي القصه لان القصه قصيرة والبارتات القصيرة تطيني واهس ودفع اكتب اكثر ..

ملاحظه نشرت البارت 2مرتين لان بس صار غلط باسم اسامه ..يعني شلت اسم اسامه خليت اسم امي لغايه في نفس يعقوب وشكرا ..