أغتصبوا طفولتي ..حكاية رباب
للكاتبة ام نور
البارت الرابع
دخلت للبيت بالكوة امشي
امي واكفة وره الباب
بسرعه جرتني من عبايتي
ولج وين جنتي
تأخرت السيارة
شنو تأخرت السياره ؟؟
اقصد عطلت السياره
احجي وارجف
مااجيتي مشي
ستار ماقبل اجي بحدي
لان بطني تعورني اليوم ماكدرت امشي
شبيها بطنج ؟؟
ماادري امي مغص
اكيد ماكله شي من الشارع
روحي بدلي ولبسي شي ثخين
نامي وارتاحي
رحت للغرفة بدون ماابدل
ذبيت نفسي على جربايتي
وعصرت بطني حيل
ردت انام ماكو وجع بطني
ضليت بس ابجي واون
شوي واجت امي
شبيج ولج
بطني تعورني
لزمت كصتي ولج حرارتج مرتفعه
يمكن ماخذه بروده
رايحة للصيدلية اجيبلج دوه واجي
راحت جابتلي حبوب
ورجعت انطتني اثنين
كالت هاي مسكن لبطنج
ومال بلاعيم وهذا الشراب خافض حراره
هسه تصيرين زينه
ضليت اسبوع هذا المي
بس اصرخ من بطني
ومن تريد تاخذني لدكتور امي اخاف
ومااقبل
بده وجهي يشحب ويصفر
اخاف واتكمز من كلشي
وبس اسمع صوت ستار يجي
يوصل امي ادخل جوه الجربايه
مااطلع لحد مايطلع
هاي الفتره كلها ماطلعت لشغل
امي تطلع ومرات تبقى بالبيت ماتطلع
اني بديت اتحسن
بس بعدني مااطلع اخاف
اطلع اوصل لحد الحمام وارجع لفراشي
مااريد اروح بعد لتقاطع
مااريد اشوف ستار .
بس شلون اخاف اكول لامي
مااريد اشتغل
ضاله اتحجج بالمرض
تقريب شهر واني هذا وضعي
وكل ماتحاجيني ابجي
ولج رباب
هااا يمه
ليش ماتردين ترحين تشتغلين
ودورين حجج على الطلعة
هاي مال مريضه ومابيه اكوم
ماتمشيها عليه
ولج انتي بت بطني
تردين تضحكين عليه
كولي شبيج تره ستار حجالي
مابيه شي يمه بس اخاف من الجلاب
يركضن وراي بالتقاطع
لا والله صدكتج
ولج حيوانه
تحجين لو احمي السجين
لاحبوبه يمه والله مااجذب عليج
ولج عوبه منو الولد لجنتي وياه طالعه
يااااولد ؟؟
ولج لشافج ستار وياه
