أغتصبوا طفولتي ...حكاية رباب
للكاتبة ام نور
البارت السادس
رحت ركاض للحمام واسبح
وافرك بجسمي واغني واركص
كلش فرحت راح اصير عروسه
اللله ∆∆∆
يعني راح اصير حلوووه
ويودوني للحلاقة والبس بدله بيضه
واصير مثل الاميرات
اني كاعده وناس تصفك وتضحك وتباعولي لان اني حلوووه
بس لو حيدر حلو احلى من ابو تقاطع
بس يله ميخالف اني شعلي بي
هو بس يلبس قاط
مهم اني اصير عروسه حلوووه
واخلي حمررره وكحله
امي صاااحت يله ولج شصار بيج
كملت بسرعه بسرعه وطلعت
كعدت أمي على المرجوحه
وكلتلي كعدي بالكاع خل اسرح شعرج
بدت نزل بشعري وتسولف وياي
اليوم مو تفشليني اريدج مرتبه
وتمشين على كيف
مو ركاض نفس جهال بعد انتي صرتي
مره جبيره وراح تزوجين
اي يمه ماافشلج
اليوم يجي عباس يشوفج
وباجر تجي امه تشوفج
مستعجل يريد ياخذج يمه
مايدري عوبه وراح تشلعين كلبه
لا يمه مااشلع كلبه اسمع الكلام
بوقتها اني هم مستعجله بس اريد
اصير عروسه
الللله يمته اصير حلوووه
صار ليل واجه عباس وكعدت يمهم شوي
وطلعت امي كالت يله روحي
اصلا اني ولابدي اطلع اريد اسمع شنو يحجون
بس خفت من امي وطلعت !!!!!
ثاني يوم هم سبحت وامي نزلت شعري
وصار العصر اجتلنه مره جبيره
اصلآ بلكوه تمشي على عكازه
هي تصير ام عباس
هم شافتني
وكلساع تكول اللهم صل على محمد وال محمد
ضلو يحجون على لفلوس ومقدم ومأخر
اني مااعرف لهاي شغلات مهم عندي البس بدله واخلي حمره
طلعت المره وامي كالت الجمعه يعقدولج
يعني ازوج يمه
شبيج مستعجله
لا بس تصيرين خطيبته يجي سيد يعقدلج
وراها محكمه مادام دوله تريد تزوج القاصرات اجت من صالحنا
صار يوم الاربعاء اخذتني امي للحافوفه
رتبت حواجبي وطلعت اخبل
ليكول وحده ثانيه مو اني مو رباب
الوسخه
لو يشوفوني البنات جان كلها تريد تلعب وياي
وثاني يوم كلتلي يله امشي لسوك
نشتريلج شي تلبسي
ملابسج كلها خلاكين
طلعنه لسوك واني ميته طايره من الفرح
واباوع بوجوه الناس اريدهم يشوفون
وجهي شكد حلو صااار
منو يتعده من يمي اباوعله
اشتريت فستان لونه احمر وبي ذهبي
يمه اريد بدله بيضه
بعدج ولج عوبه فشلتينه
هذا مهر مو عرس
يعني ماياخذوني لبيتهم
لا بعدج بعد شهر وياخذج
واخلي حمره عادي
اي عادي تخلين حمره
مو العرس بس حمره وكحله
دمشي امشي
ثاني يوم لبست الفستان
وفتحت شعري
وامي خلتلي حمره وكحله
طلعت باربي اخبل
وزنودي طالعات
واجونه ناس هواي وياهم عباس وامه
وعلموني شلون احجي ويه السيد
وعقدنا
وللقصة المزيد ....من الصدمات بالواقع .
لاتنسون لايك تعليق علمود يقوه البيج
بدعمكم اله .
ولحد يكول قصير البارت ادري بي هههه
كتبته على السرعه لخاطر كل من علق
