اغتصبوا طفولتي ...حكاية رباب
للكاتبة ام نور
البارت الثامن
ياااااا ؟؟؟؟
شنو يااااا؟؟
يمه اخاف
منين تخافين ؟؟؟
انتي تكولين سعلوه اخاف منها ؟؟
مره شفت بالمسلسل واحد مزوج اثنين
وبس وحده تكتل الثانيه
وتخلي بغرفتها سمج خايس
ههههه لاتخافين يمه
اني اطيح حظه ليمد ايده عليج
وعباس هم يدللج انتي لصغيره والحلوه
يمه يمته نشتري البدله البيضه
يابدله بيضه ؟؟؟
غير اني عروسه والبس بدله !؟
لا يمه اني ارتبج بالبيت
مايصير ترحين للصالون وبدله
ابو عباس بعده مادارت سنته
مايسولج زفه ياخذوج سكاتي
مااريد والله ماازوج
عليمن مزوجه اذا ماالبس بدله ابقى يمج
ماما مايصير عيب منهم
كتلج والله ماازوج ولااروح وياه
اذا ماالبس بدله
يله ميخالف اشتريلج فستان ابيض
مااااا اريد اله بدله منفوشه مو فستان
اريد البس بدله منفوشه وجهال يجون
يكعدون جوه يم بدلتي ويباوعلي
ويغارون يردون يصيرون حلوين نفسي
ليش جانو يطردوني مايلعبون وياي
ولج وبعدين وياااج ؟؟
كتلج والله ماازوج مااريد اريد بدله منفوشه
يله امري ل الله راح اسويلج حنه
شنو حنه يلبسون بدله
اي يلبسون بدله
طرت من الفرح الللله راح البس بدله منفوشه
راح اصير احلى من غدير بت صالح جيرانا
اي هي طلعت حلوه
بس اني احلى منها اخبل اطلع
اصلآ اني احلى منها هي مو بيضه ولاعيونها ملونه
نفسي اني احلى وحده من البنات
ثاني يوم رحنه لسوك واجرت بدله منفوشه
لونها حلو بصلي
وهم اشتريت فستان ابيض
صار يوم الخميس ورحت للصالون
ولبست البدله المنفوشه وسوتلي تسريحه حلوه
ومكياج هم حلو
كلتلي ماشاء الله لعابه انتي نيال
لخذاج
رجعنا للبيت وناس تهلهل
واغاني وركص
بس محد اجه من صاحباتي وجيرانا
بس صاحبات امي وبناتهم اجو
بس اني ماهتميت ابد بالي يم بدلتي
كلش فررررررحانة
احس بروحي ملكة واميره نفس باربي
خلصت الحفلة وضليت اركص بدلتي
ابد مابدي انزع البدلة
وكلساع اسوي حركات كدام المراية
مامصدكه هاي اني لي بالمراية
اجه يوووم الجمعه اجه يوم عرسي
كعدت الصبح
سبحتني امي
طلعت نشفت شعري وشسورته
وبدت تمكيجني وترتب بشعري
تقريب صارت ب ٣
يله اكلي لكمه وكومي بدلي
اني مااكلت كلش قليل
اخاف على حمرتي تخرب
خلصت وكمت لبست الفستان
فستان ذهبي وابيض
وكملت وكعدت كالت هسه يجي عباس
ياخذج وياه
اريدج تصيرين ذكيه من ترحين
ودلعي عليه انتي حلوه وصغيره
سمعي كلامي وشوفي شلون راح تعيشين
ملكة
اريدج ماتنطين مجال ابد لهذيج السعلوه
وتخلي كله يمج وينساها هي وبناتها
وتشدين حيلج وتجيبيله الولد
راح يدللج ويطير بيج
وره شوي اجه عباس فات
دخلته امي بالاستقبال
باوعلي وضحك ولج شنو هذا الجمال
مربربه تربرب شوف زنود وعضاني
امي كلتله بعدين اخذها يمك
كومني وباسني براسي
طلعني وركبنه بالسيااااره
تخبلين حبيبتي اليوم اجرم بيج
صار شكد واني احلم بيج
تدرين شكد تخيلت نفسي وياااج
وانتي تخبلين تحركين حرك ماجنج ١١سنه
احبج رباااب
ابتسمت ودنكت
يمه فديت الخجلان
والطريق كله لازم ايدي ابد ماعافها
وصلنه لبيتهم فتح باب الكراج
ودخل السيارة ونزلنه
فتنه للبيت كاعده الحجية امه
ويمها بنات اثنين بعمري
وحده تقريب بكد امي واكفه كباله بالمطبخ
المطبخ مفتوح صاير كبال الهول
سلمت على الحجية
هلله يمه نورتي بيتج
عباس كلي بوسي ايدين الحجية
اني هم دنكت وبست ايدها
كالت هاي بنات عباس وهذيج مرته
اني نصدمت اشو بناته بعمري ويمكن اكبر
سلمت عليهن ابد ولاردوا عليه
الحجية كالت روحي سلمي على ضرتج
واشرت على المطبخ
رحت دخلت للمطبخ كلت السلام عليكم
باوعتلي وخنزرت
ودفعتني وطلعت
هااا عباس هاي ردتها بت الشوارع
ماستحيت على شيباتك
جبت هاي بكد بناتك
هي تصيح وهو يصيح
تالي اخذني امشي رباب اوديج لغرفتج
وللقصة المزيد
حبايب لاتنسون لايك تعليق
